ജ​ർ​മ​ൻ ടീം ​ഒ​മാ​നി​ൽ; സ​ന്നാ​ഹ മ​ത്സ​രം ഇ​ന്ന്​

മ​സ്ക​ത്ത്​: ലോ​ക​ക​പ്പ്​ മു​ന്നൊ​രു​ക്ക​ത്തി​ന്‍റെ ഭാ​ഗ​മാ​യി ജ​ർ​മ​ൻ ടീം ​ഒ​മാ​നി​ലെ​ത്തി. തി​ങ്ക​ളാ​ഴ്ച അ​ർ​ധ​രാ​ത്രി​യോ​ടെ മ​സ്ക​ത്ത്​ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ​ത്തി​യ ടീ​മി​ന് ഊ​ഷ്മ​ള വ​ര​വേ​ൽ​പ്​ ന​ൽ​കി. താ​ര​ങ്ങ​ളെ ഒ​രു​നോ​ക്കു കാ​ണാ​നാ​യി സ്വ​ദേ​ശി​ക​ളും വി​ദേ​ശി​ക​ളു​മ​ട​ക്കം നി​ര​വ​ധി പേ​ർ ത​ടി​ച്ചു​കൂ​ടി. ഒ​മാ​ൻ ഫു​ട്ബാ​ൾ അ​സോ​സി​യേ​ഷ​ൻ പ്ര​സി​ഡ​ന്റ് സ​ലീം ബി​ൻ സ​ഈ​ദ് അ​ൽ വ​ഹൈ​ബി ജ​ർ​മ​ൻ ഫു​ട്​​ബാ​ൾ അ​ധി​കൃ​ത​രു​മാ​യി ഉ​ണ്ടാ​ക്കി​യ ക​രാ​റി​ന്‍റെ അ​ടി​സ്ഥാ​ന​ത്തി​ലാ​ണ്​ ടീം ​ഒ​മാ​നി​ലെ​ത്തി​യ​ത്. സാം​സ്കാ​രി​ക, കാ​യി​ക, യു​വ​ജ​ന മ​ന്ത്രാ​ല​യ​വു​മാ​യി ഏ​കോ​പി​പ്പി​ച്ചാ​ണ്​ ധാ​ര​ണ​യി​ലെ​ത്തി​യ​ത്.

കോ​ച്ച്​ ഹ​ൻ​സി ഫ്ലി​ക്കി​ന്‍റെ നേ​തൃ​ത്വ​ത്തി​ൽ ജ​ർ​മ​ൻ ടീം ​സു​ല്‍ത്താ​ന്‍ ഖാ​ബൂ​സ് സ്‌​പോ​ര്‍ട്‌​സ് കോം​പ്ല​ക്‌​സി​ല്‍ ചൊ​വ്വാ​ഴ്​​ച ​വൈ​കീ​ട്ട്​ പ​രി​ശീ​ല​നം ന​ട​ത്തി. മേ​ഖ​ല​യി​ൽ ത​ന്നെ മി​ക​ച്ച ഗ്രൗ​ണ്ടു​ക​ളി​ലൊ​ന്നാ​ണി​ത്. ഖ​ത്ത​റി​ന്​ സ​മാ​ന​മാ​യ കാ​ലാ​വ​സ്ഥ​യാ​ണ്​ ഒ​മാ​നി​ലേ​ത്. അ​തു​കൊ​ണ്ട്​ ഇ​വി​ട​ത്തെ പ​രി​ശീ​ല​ന​വും സ​ന്നാ​ഹ മ​ത്സ​ര​വും ടീ​മി​ന്​ മു​ത​ൽ​ക്കൂ​ട്ടാ​കു​മെ​ന്നാ​ണ്​ ജ​ർ​മ​ൻ പ​ട​യു​ടെ ക​ണ​ക്ക്​ കൂ​ട്ട​ൽ. ബാ​ഴ്‌​സ​ലോ​ണ താ​ര​വും ഗോ​ൾ​കീ​പ്പ​റു​മാ​യ ആ​ന്ദ്രെ ടെ​ർ​സ്റ്റീ​ഗ​ൻ അ​സു​ഖം കാ​ര​ണം ഒ​മാ​നി​ലെ​ത്തി​യി​ട്ടി​ല്ല. ബാ​ക്കി​യു​ള്ള താ​ര​ങ്ങ​​ളെ​ല്ലാം ടീ​മി​നൊ​പ്പം ചേ​ർ​ന്നു. ഒ​മാ​ൻ ദേ​ശീ​യ ടീ​മു​മാ​യി ബു​ധ​നാ​ഴ്ച​ സ​ന്നാ​ഹ മ​ത്സ​ര​വും ക​ളി​ക്കും. രാ​ത്രി ഒ​മ്പ​തി​നാ​ണ്​ മ​ത്സ​രം. ഇ​തി​നു​ശേ​ഷം വ്യാ​ഴാ​ഴ്​​ച ടീം ​ഖ​ത്ത​റി​ലേ​ക്ക്​ തി​രി​ക്കും. കോ​ച്ച്​ ഹ​ൻ​സി ഫ്ലി​ക്ക്​ ഫ​സ്റ്റ്​ ചോ​യ്​​സ്​ ടീ​മി​നെ മ​ത്സ​ര​ത്തി​നി​റ​ക്കു​മെ​ന്നാ​ണ്​ ക​രു​തു​ന്ന​ത്. കൂ​ടു​ത​ൽ താ​ര​ങ്ങ​ൾ​ക്ക്​ അ​വ​സ​രം കൊ​ടു​ക്കാ​നാ​യി ര​ണ്ടാം പ​കു​തി​യി​ൽ പ​ല മാ​റ്റ​ങ്ങ​ൾ​ക്കും മു​തി​ർ​ന്നേ​ക്കും. മ​ല​യാ​ളി​ക​ള​ട​ക്ക​മു​ള്ള നി​ര​വ​ധി ജ​ർ​മ​ൻ ആ​രാ​ധ​ക​ർ ഇ​തി​ന​കം ടി​ക്ക​റ്റ്​ സ്വ​ന്ത​മാ​ക്കി.

ജ​ർ​മ​ൻ ടീം ​ഒ​രു ത​വ​ണ മാ​ത്ര​മാ​ണ്​ മ​സ്ക​ത്തി​ൽ ഒ​മാ​നു​മാ​യി ഏ​റ്റു​മു​ട്ടി​യ​ത്. 1998 ഫെ​ബ്രു​വ​രി​യി​ൽ ന​ട​ന്ന മ​ത്സ​ര​ത്തി​ൽ എ​തി​രി​ല്ലാ​ത്ത ര​ണ്ടു​ ഗോ​ളു​ക​ൾ​ക്ക്​ ജ​ർ​മ​നി വി​ജ​യി​ച്ചു. ജ​ർ​ഗ​ൻ കോ​ഹ്‌​ല​ർ, ജോ​ർ​ഗ് ഹെ​ൻ‌​റി​ച്ച്​ എ​ന്നി​വ​രാ​യി​രു​ന്നു ജ​ർ​മ​നി​ക്കു​വേ​ണ്ടി ഗോ​ള​ടി​ച്ച​ത്. ​​ഖ​ത്ത​ർ ലോ​ക​ക​പ്പി​ന്​ ആ​ദ്യം യോ​ഗ്യ​ത നേ​ടി​യ ടീ​മെ​ന്ന പ​കി​ട്ടു​മാ​യാ​ണ്​ ​ജ​ർ​മ​ൻ പ​ട ഇ​ത്ത​വ​ണ ലോ​ക​മാ​മാ​ങ്ക​ത്തി​നെ​ത്തു​ന്ന​ത്. യൂ​റോ​പ്യ​ൻ യോ​ഗ്യ​ത മ​ത്സ​ര​ങ്ങ​ളി​ൽ ഗ്രൂ​പ്​ 'ജെ'​യി​ൽ പ​ത്തി​ൽ ഒ​മ്പ​തും ജ​യി​ച്ചി​ട്ടു​ണ്ട്. 36 ഗോ​ളാ​ണ്​ അ​ടി​ച്ചു​കൂ​ട്ടി​യ​തെ​ങ്കി​ൽ തി​രി​ച്ച്​ വാ​ങ്ങി​യ​ത്​ വെ​റും നാ​ലെ​ണ്ണം മാ​ത്രം. ഗ്രൂ​പ്​ 'ഇ'​യി​ൽ ന​വം​ബ​ർ 23ന്​ ​ജ​പ്പാ​ൻ, 27ന്​ ​സ്​​പെ​യി​ൻ, ഡി​സം​ബ​ർ ഒ​ന്നി​ന്​ കോ​സ്​​റ്റ​റീ​ക എ​ന്നി​വ​ർ​ക്കെ​തി​രെ​യാ​ണ്​ ആ​ദ്യ റൗ​ണ്ടി​ലെ മ​ത്സ​ര​ങ്ങ​ൾ.

അ​തേ​സ​മ​യം, കോ​ച്ച് ബ്രാ​ങ്കോ ഇ​വാ​ങ്കോ​വി​ച്ചി​ന്‍റെ ഒ​മാ​നെ സം​ബ​ന്ധി​ച്ചി​ട​ത്തോ​ളം ലോ​കോ​ത്ത​ര നി​ല​വാ​ര​മു​ള്ള ടീ​മി​നെ നേ​രി​ടാ​നു​ള്ള മി​ക​ച്ച അ​വ​സ​ര​മാ​ണ്​ സ​ന്നാ​ഹ​ത്തി​ലൂ​ടെ കൈ​വ​ന്ന​ത്. ദേ​ശീ​യ ടീ​മി​ൽ ഭൂ​രി​ഭാ​ഗം പേ​രും സീ​ബ് ക്ല​ബി​ന്‍റെ താ​ര​ങ്ങ​ളാ​ണ്. അ​ടു​ത്തി​ടെ എ.​എ​ഫ്‌.​സി ക​പ്പി​ൽ കി​രീ​ടം നേ​ടി​യ ക്ല​ബ്, ഒ​മാ​ന്​ ഫു​ട്​​ബാ​ൾ മൈ​താ​ന​ത്ത്​ പു​തി​യ മേ​ൽ​വി​ലാ​സം നേ​ടി​​ക്കൊ​ടു​ത്തു.

ദേ​ശീ​യ ഫു​ട്‌​ബാ​ള്‍ ടീം ​മ​സ്‌​ക​ത്തി​ലെ പൊ​ലീ​സ് സ്‌​റ്റേ​ഡി​യ​ത്തി​ലാണ് പ​രി​ശീ​ല​ന​ം. വി​വി​ധ ക്ല​ബു​ക​ളി​ല്‍ ക​ളി​ക്കു​ന്ന മു​ഴു​വ​ന്‍ താ​ര​ങ്ങ​ളും ഇ​തി​ന​കം ടീം ​ക്യാ​മ്പി​നൊ​പ്പം ചേ​ര്‍ന്നു. ഞാ​യ​റാ​ഴ്ച ന​ട​ന്ന പ​രി​ശീ​ല​ന സെ​ഷ​ന്‍ വീ​ക്ഷി​ക്കു​ന്ന​തി​ന് ഒ​മാ​ന്‍ ഫു​ട്‌​ബാ​ള്‍ അ​സോ​സി​യേ​ഷ​ന്‍ പ്ര​സി​ഡ​ന്റ് മു​ഹ്‌​സി​ന്‍ ബി​ന്‍ ഹ​മ​ദ് അ​ല്‍ മ​സ്‌​റൂ​റി, ബോ​ര്‍ഡ് അം​ഗം ഖു​തൈ​ബ ബി​ന്‍ സ​ഈ​ദ് അ​ല്‍ ജീ​ലാ​നി എ​ന്നി​വ​രും എ​ത്തി​യി​രു​ന്നു.