കരുത്തരായ ഡെൻമാർക്കിനെ സമനിലയിൽ തളച്ച് തുണീഷ്യ

ദോ​ഹ: ആ​ഫ്രി​ക്ക​ൻ സം​ഘ​മാ​യ തു​നീ​ഷ്യ​ക്ക് മു​ന്നി​ൽ പ​ത​റി ഡെ​ന്മാ​ർ​ക്കി​ന്‍റെ യൂ​റോ​പ്യ​ൻ ക​രു​ത്ത്. ഗ്രൂ​പ് ഡി​യി​ലെ ആ​ദ്യ ക​ളി ഗോ​ൾ​ര​ഹി​ത സ​മ​നി​ല​യി​ൽ ക​ലാ​ശി​ച്ചു. മ​ത്സ​ര​ത്തി​ന്‍റെ ന​ല്ലൊ​രു ഭാ​ഗം സ​മ​യ​വും ഡാ​നി​ഷ് പ​ട​യെ നി​ല​ക്ക് നി​ർ​ത്താ​ൻ തു​നീ​ഷ്യ​ക്ക് ക​ഴി​ഞ്ഞെ​ങ്കി​ലും സ്കോ​ർ ചെ​യ്യാ​നാ​യി​ല്ല. അ​വ​സാ​ന മി​നി​റ്റു​ക​ളി​ൽ ജീ​വ​ന്മ​ര​ണ പോ​രാ​ട്ടം ന​ട​ത്തി​യ ഡെ​ന്മാ​ർ​ക്കി​ന്‍റെ ശ്ര​മ​ങ്ങ​ൾ ഫ​ലം കാ​ണാ​തെ വ​ന്ന​തോ​ടെ ഇ​രു ടീ​മും ഓ​രോ പോ​യ​ൻ​റ് പ​ങ്കി​ട്ടു. ര​ണ്ടാം മി​നി​റ്റി​ൽ ഡെ​ന്മാ​ർ​ക്കി​ന് അ​നു​കൂ​ല​മാ​യി വ​ന്ന കോ​ർ​ണ​ർ കി​ക്കോ​ടെ​യാ​ണ് ക​ളി​യു​ണ​ർ​ന്ന​ത്. തു​നീ​ഷ്യ അ​ത് ക്ലി​യ​ർ ചെ​യ്തു. പി​ന്നാ​ലെ തു​നീ​ഷ്യ​ൻ ഗോ​ൾ​കീ​പ്പ​ർ ഡാ​ഹ്‌​മെ​ൻ ലോ​ങ് ബാ​ളി​ലൂ​ടെ പ്ര​ത്യാ​ക്ര​മ​ണ​ത്തി​ന് തു​ട​ക്ക​മി​ട്ടു. ഡാ​നി​ഷ് ഹാ​ഫി​ലേ​ക്ക് ത​ൽ​ബി പ​ന്തെ​ത്തി​ച്ചു. എം​സ്കാ​നി​യു​ടെ ലോ​ങ് റേ​ഞ്ച് ഷോ​ട്ട് പ​ക്ഷേ അ​ത് വ​ഴി​തെ​റ്റി​പ്പോ​യി. കാ​ണി​ക​ളു​ടെ നി​റ​ഞ്ഞ കൈ​യ​ടി‍യി​ൽ തു​നീ​ഷ്യ​ൻ താ​ര​ങ്ങ​ൾ വീ​ണ്ടും ഡെ​ന്മാ​ർ​ക്കി​ന്‍റെ ബോ​ക്സി​ൽ. ഇ​ത്ത​വ​ണ ജെ​ബാ​ലി​യു​ടെ​താ​യി​രു​ന്നു ശ്ര​മം. ഒ​മ്പ​താം മി​നി​റ്റി​ൽ ഡാ​നി​ഷ് താ​രം ആ​ൻ​ഡേ​ഴ്സ​ൻ ന​ട​ത്തി​യ ഫൗ​ളി​ന്‍റെ ആ​നു​കൂ​ല്യ​ത്തി​ൽ ല​ഭി​ച്ച ഫ്രീ ​കി​ക്കും ഫ​ലം ക​ണ്ടി​ല്ല.

11ാം മി​നി​റ്റി​ൽ തു​നീ​ഷ്യ​യു​ടെ ആ​ബ്ദി​യി​ൽ​നി​ന്ന് ജെ​ബാ​ലി​യി​ലേ​ക്ക്. തു​ട​ർ​ന്ന് ഡ്രാ​ഗ​റു​ടെ ലോ​ങ് റേ​ഞ്ച​ർ. അ​ത് പോ​സ്റ്റി​ലേ​ക്കാ​യി​രു​ന്നെ​ങ്കി​ൽ മ​ത്സ​ര​ത്തി​ലെ ആ​ദ്യ ഗോ​ൾ പി​റ​ന്നേ​നെ. കോ​ർ​ണ​ർ കി​ക്കു​ക​ളും അ​വ​സ​ര​ങ്ങ​ളും ല​ക്ഷ്യ​ത്തി​ലെ​ത്തി​ക്കു​ന്ന​തി​ൽ പ​രാ​ജ​യ​പ്പെ​ടു​ന്ന​തി​നി​ടെ പ​ന്ത് ഡാ​നി​ഷ് താ​ര​ങ്ങ​ളു​ടെ വ​രു​തി​യി​ലേ​ക്ക്. പി​ന്നെ​യും പ്ര​ത്യാ​ക്ര​മ​ണ​ങ്ങ​ളി​ലൂ​ടെ തു​നീ​ഷ്യ​യു​ടെ മു​ന്നേ​റ്റം. 17ാം മി​നി​റ്റി​ൽ ലെ​യ്‌​ഡൗ​ണി മ​ധ്യ​ഭാ​ഗ​ത്ത് ഡെ​ലാ​നി​ക്ക് ന​ൽ​കി​യ ത്രൂ ​ബാ​ൾ ഇ​ടു​ന്നു ബു​ള്ള​റ്റ് പോ​ലെ പോ​സ്റ്റി​ലേ​ക്ക് ചെ​ന്നെ​ങ്കി​ലും ഗോ​ളി ഷ്മീ​ഷേ​ൽ ഒ​രി​ക്ക​ൽ​കൂ​ടി ഡെ​ന്മാ​ർ​ക്കി​ന്‍റെ ര​ക്ഷ​ക​നാ​യി. ഫ്രീ ​കി​ക്ക് ഉ​പ​യോ​ഗ​പ്പെ​ടു​ത്താ​നാ​വാ​തെ ഡാ​നി​ഷ് പ​ട നി​രാ​ശ​രാ​യി​രി​ക്കെ 22ാം മി​നി​റ്റി​ൽ മൂ​ന്ന് ഡി​ഫ​ൻ​ഡ​ർ​മാ​രെ​യും ഗോ​ളി​യെ​യും വെ​ട്ടി​ച്ച് ജെ​ബാ​ലി പ​ന്ത് വ​ല​യി​ലാ​ക്കി. തു​നീ​ഷ്യ​ൻ ക്യാ​മ്പി​ന്‍റെ ആ​ഹ്ലാ​ദം തു​ട​ങ്ങും മു​മ്പെ റ​ഫ​റി​യു​ടെ ഓ​ഫ്സൈ​ഡ് വി​ളി.

29ാം മി​നി​റ്റി​ൽ തു​നീ​ഷ്യ​യു​ടെ ഗോ​ൾ​മു​ഖ​ത്ത് അ​ന​ക്ക​മു​ണ്ടാ​ക്കാ​ൻ ഡെ​ലാ​നി ന​ട​ത്തി​യ ശ്ര​മ​ത്തി​നി​ടെ പ്ര​തി​രോ​ധ​നി​ര​യു​ടെ ഇ​ട​പെ​ട​ൽ. 33ാം മി​നി​റ്റി​ൽ ഡ്രാ​ഗ​ർ ബോ​ക്സി​ന​ക​ത്ത് വീ​ണ​തോ​ടെ പെ​ന​ൽ​റ്റി​ക്ക് വേ​ണ്ടി​യു​ള്ള തു​നീ​ഷ്യ​ൻ താ​ര​ങ്ങ​ളു​ടെ അ​പ്പീ​ൽ റ​ഫ​റി ക​ണ്ടി​ല്ലെ​ന്ന് ന​ടി​ച്ചു. 37ാം മി​നി​റ്റി​ൽ ഡെ​ന്മാ​ർ​ക്കി​ന്‍റെ എ​റി​ക്സ​നും ക്രി​സ്റ്റ​ൻ​സ​നും ചേ​ർ​ന്നൊ​രു നീ​ക്കം. ഇ​തി​ന് ഡ്രാ​ഗ​റാ​ണ് വി​ല​ങ്ങു​ത​ടി​യാ​യ​ത്. 42ാം മി​നി​റ്റി​ൽ ഡെ​ന്മാ​ർ​ക്ക് ഗോ​ളി ഷ്മീ​ഷേ​ലി​ന്‍റെ അ​തി​ശ​യി​പ്പി​ക്കു​ന്ന സേ​വ്. ആ​ദ്യ പ​കു​തി​യു​ടെ അ​വ​സാ​ന മി​നി​റ്റു​ക​ളി​ൽ ജെ​ബാ​ലി​യു​ടെ ഭാ​ഗ​ത്ത് നി​ന്നു​ണ്ടാ​യ ഫൗ​ളു​ക​ൾ പ​ക്ഷേ, ഡെ​ന്മാ​ർ​ക്കി​ന്‍റെ സ്കോ​ർ ബോ​ർ​ഡി​ൽ ച​ല​ന​മു​ണ്ടാ​ക്കാ​നു​ത​കു​ന്ന​താ​യി​ല്ല.

തു​നീ​ഷ്യ​യു​ടെ മു​ന്നേ​റ്റ​ത്തി​ലൂ​ടെ​യാ​ണ് ര​ണ്ടാം പ​കു​തി ചൂ​ടു​പി​ടി​ച്ച​ത്. ജെ​ബാ​ലി തു​ട​രെ​ത്തു​ട​രെ ഡാ​നി​ഷ് പ്ര​തി​രോ​ധ​ത്തി​ൽ വി​ള്ള​ൽ വീ​ഴ്ത്തി​യെ​ങ്കി​ലും 50 മി​നി​റ്റ് പി​ന്നി​ട്ടി​ട്ടും ഗോ​ൾ അ​ക​ന്നു​നി​ന്നു. 55ാം മി​നി​റ്റി​ൽ മ​റ്റൊ​രു 'ഓ​ഫ് സൈ​ഡ് ഗോ​ൾ'. ഇ​ത്ത​വ​ണ നി​ർ​ഭാ​ഗ്യം ഡെ​ന്മാ​ർ​ക്കി​ന്. ബോ​ക്‌​സി​നു​ള്ളി​ൽ​നി​ന്ന് മെ​ഹ്‌​ലി പ​ന്ത് സ്വീ​ക​രി​ച്ച് പോ​സ്റ്റി​ലേ​ക്ക് ഷൂ​ട്ട് ചെ​യ്തു. ഗോ​ളി ഡാ​ഹ്‌​മെ​ൻ അ​ത് വ​ഴി​തി​രി​ച്ചു​വി​ടാ​ൻ ശ്ര​മി​ച്ചു. റീ​ബൗ​ണ്ട് ചെ​യ്ത പ​ന്ത് ഓ​ൾ​സെ​ൻ ഫി​നി​ഷ് ചെ​യ്‌​തെ​ങ്കി​ലും അ​ത് ഓ​ഫ്‌​സൈ​ഡാ​യി വി​ധി​വ​ന്നു. അ​വ​സാ​ന അ​ര​മ​ണി​ക്കൂ​റി​ലേ​ക്ക് ക​ട​ന്ന​പ്പോ​ൾ കൊ​ണ്ടും കൊ​ടു​ത്തും ഗോ​ൾ നേ​ടാ​നു​ള്ള ഊ​ർ​ജി​ത നീ​ക്ക​ങ്ങ​ളു​മാ​യി ഇ​രു ടീ​മും ക​ളം​നി​റ​ഞ്ഞു. 62ാം മി​നി​റ്റി​ൽ ഓ​ൾ​സെ​നും ഡോ​ൾ​ബെ​ർ​ഗും ചേ​ർ​ന്നൊ​രു വി​ഫ​ല​ശ്ര​മം.

64ാം മി​നി​റ്റി​ൽ ഡെ​ൻ​മാ​ർ​ക്ക് ട്രി​പ്ൾ സ​ബ്. ഓ​ൾ​സെ​ൻ, ഡോ​ൾ​ബെ​ർ​ഗ്, കെ​ജെ​ർ എ​ന്നി​വ​ർ​ക്ക് പ​ക​രം ലി​ൻ​ഡ്‌​സ്ട്രോം, കൊ​ർ​ണേ​ലി​യ​സ്, ജെ​ൻ​സ​ൻ എ​ന്നി​വ​രെ​ത്തി. 68ാം മി​നി​റ്റി​ൽ എ​റി​ക്സ​ന്‍റെ വെ​ടി​യു​ണ്ട സേ​വ് ചെ​യ്തു തു​നീ​ഷ്യ​ൻ ഗോ​ളി. അ​ടു​ത്ത മി​നി​റ്റി​ൽ ഡാ​നി​ഷ് ടീ​മി​ന് മ​റ്റൊ​രു നി​ർ​ഭാ​ഗ്യം. കോ​ർ​ണ​ർ കി​ക്കി​നൊ​ടു​വി​ൽ പ​ന്ത് പോ​സ്റ്റി​ൽ​ത്ത​ട്ടി. തു​ട​രെ ല​ഭി​ച്ച ഫ്രീ ​കി​ക്കു​ക​ളും കോ​ർ​ണ​ർ കി​ക്കു​ക​ളും ല​ക്ഷ്യം​തെ​റ്റി​യ​പ്പോ​ൾ ക​ളി സ​മ​നി​ല​യി​ലേ​ക്ക് നീ​ങ്ങു​ന്ന​തി​ന്‍റെ സൂ​ച​ന ക​ണ്ടു​തു​ട​ങ്ങി. അ​വ​സാ​ന മി​നി​റ്റു​ക​ളി​ൽ പ​ന്ത് പൂ​ർ​ണ​മാ​യും തു​നീ​ഷ്യ​യു​ടെ ഗോ​ൾ​മു​ഖ​ത്ത് നി​ർ​ത്താ​ൻ ഡെ​ന്മാ​ർ​ക്കി​ന് ക​ഴി​ഞ്ഞ​ത് മി​ച്ചം. അ​ഞ്ച് മി​നി​റ്റ് അ​ധി​ക സ​മ​യ​ത്ത് ഡാ​നി​ഷ് ടീ​മി​ന് ല​ഭി​ച്ച മൂ​ന്ന് കോ​ർ​ണ​ർ കി​ക്കു​ക​ളും ല​ക്ഷ്യം തെ​റ്റി. ര​ണ്ടാ​മ​ത്തെ കോ​ർ​ണ​ർ കി​ക്ക് ര​ക്ഷ​പ്പെ​ടു​ത്താ​നു​ള്ള ശ്ര​മ​ത്തി​നി​ടെ പ​ന്ത് അ​ബ​ദ്ധ​ത്തി​ൽ യാ​സീ​ൻ മെ​റീ​ഹ​യു​ടെ കൈ​യി​ൽ ത​ട്ടി​യെ​ങ്കി​ലും റ​ഫ​റി പെ​നാ​ൽ​റ്റി അ​പ്പീ​ൽ സ്വീ​ക​രി​ച്ചി​ല്ല.