ആരും 'ആക്രമിക്കരുത്' ബ്രസീൽ പ്രതിരോധത്തെ

സാ​വോ​പോ​ളോ: ക​ഫു, റോ​ബ​ർ​ട്ടോ കാ​ർ​ലോ​സ്, മാ​ഴ്സ​ലോ, പ​ത്തു വ​ർ​ഷം മു​മ്പു​ള്ള ഡാ​നി ആ​ൽ​വേ​സ്... ബ്ര​സീ​ലി​ന്റെ പ്ര​തി​രോ​ധ​നി​ര​യി​ലെ മ​ഹാ​ന്മാ​ർ നി​ര​വ​ധി​യാ​ണ്. കാ​രി​രു​മ്പി​ന്റെ ക​രു​ത്തും മൂ​ർ​ച്ച​യു​മാ​യി ​എ​തി​ർ ഫോ​ർ​വേ​ഡു​ക​ളു​ടെ ആ​ക്ര​മ​ണ​ങ്ങ​ളെ ത​ടു​ത്തു​നി​ർ​ത്തി​യ മ​ഞ്ഞ​പ്പ​ട​യാ​ളി​ക​ളേ​റെ​യാ​ണ്. പ​ഴ​യ​കാ​ല പ്ര​താ​പ​വു​മാ​യി ടി​റ്റെ​യു​ടെ കു​ട്ടി​ക​ൾ ഖ​ത്ത​റി​ലെ​ത്തു​​മ്പോ​ൾ ഏ​റ്റ​വും ആ​ശ​ങ്ക പ്ര​തി​രോ​ധ​​ത്തെ ഓ​ർ​ത്താ​ണ്. ടീം ​പ്ര​ഖ്യാ​പി​ച്ച​തി​ന് പി​ന്നാ​ലെ വി​മ​ർ​ശ​ക​ർ ആ​ക്ര​മ​ണം തു​ട​ങ്ങി​യി​രു​ന്നു.

39കാ​ര​നാ​യ റൈ​റ്റ് ബാ​ക്ക് ഡാ​നി ആ​ൽ​വേ​സി​നെ ടീ​മി​ലു​ൾ​പ്പെ​ടു​ത്തി​യാ​ണ് ബ്ര​സീ​ലി​ലെ ആ​രാ​ധ​ക​രെ ഞെ​ട്ടി​ച്ച​ത്. ബാ​ഴ്സ​​ലോ​ണ വി​ട്ട് മെ​ക്സി​ക്ക​ൻ ക്ല​ബി​ൽ ചേ​ർ​ന്ന ആ​ൽ​വേ​സ് ഒ​ട്ടും ഫോ​മി​ല​ല്ല. എ​ന്നാ​ലും കോ​ച്ച് ടി​റ്റെ അ​പാ​ര ആ​ത്മ​വി​ശ്വാ​സ​ത്തി​ലാ​ണ്. ടീ​മം​ഗ​ങ്ങ​ളെ തെ​ര​ഞ്ഞെ​ടു​ക്കു​ന്ന​തി​ലു​ള്ള മാ​ന​ദ​ണ്ഡം എ​ല്ലാ​വ​ർ​ക്കും ഒ​ന്ന് ത​ന്നെ​യാ​ണെ​ന്നാ​ണ് മു​ഖ്യ പ​രി​ശീ​ല​ക​ൻ ടി​റ്റെ​യു​ടെ വാ​ദം.

വ്യ​ക്തി​പ​ര​മാ​യ ക​ഴി​വു​ക​ളും ശാ​രീ​രി​ക​ക്ഷ​മ​ത​യും മാ​ന​സി​ക ക​രു​ത്തു​മാ​ണ് നോ​ക്കി​യ​തെ​ന്നും എ​ല്ലാ​വ​രെ​യും തൃ​പ്തി​പ്പെ​ടു​ത്താ​ന​ല്ല പ​രി​ശീ​ല​ക പ​ദ​വി​യി​ലി​രി​ക്കു​ന്ന​തെ​ന്നും ടി​റ്റെ പ​റ​യു​ന്നു. യു​വ​ന്റ​സി​ൽ സെ​ൻ​ട്ര​ൽ ഡി​ഫ​ൻ​ഡ​റാ​യി ക​ളി​ക്കു​ന്ന ഡാ​നി​ലോ​യാ​കും ലോ​ക​ക​പ്പി​ൽ ബ്ര​സീ​ലി​നാ​യി വ​ല​തു പ്ര​തി​രോ​ധ​ത്തി​ൽ ക​ളി​ക്കു​ക.

അ​ല​ക് സാ​ൻ​ഡ്രോ​യും ടീ​മി​ലു​ണ്ടാ​കും. ​ഡാ​നി​ലോ​യും സാ​ൻ​ഡ്രോ​യു​മു​ൾ​പ്പെ​െ​ട​യു​ള്ള ബ്ര​സീ​ൽ പ്ര​തി​രോ​ധം യോ​ഗ്യ​താ റൗ​ണ്ടി​ൽ അ​ഞ്ച് ഗോ​ൾ മാ​​​ത്ര​മാ​ണ് വ​ഴ​ങ്ങി​യ​തെ​ന്ന​ത് ആ​ശ്വാ​സ​ക​ര​മാ​ണ്. ഏ​ദ​ർ മി​ലി​റ്റാ​വോ​യും റൈ​റ്റ് ബാ​ക്ക് സ്ഥാ​ന​ത്ത് ക​ളി​പ്പി​ക്കാ​ൻ പ​റ്റി​യ താ​ര​മാ​ണ്. പ​രി​ച​യ​സ​മ്പ​ന്ന​നാ​യ തി​യാ​ഗോ സി​ൽ​വ​യി​ലാ​ണ് മ​റ്റൊ​രു പ്ര​തീ​ക്ഷ.

ഡാ​നി ആ​ൽ​വേ​സി​നെ പി​ന്നെ എ​ന്തി​ന് ടീ​മി​ലെ​ടു​ത്തു എ​ന്നാ​ണ് ചോ​ദ്യം. നെ​യ്മ​റു​ടെ ബേ​ബി സി​റ്റ​ർ (ശി​ശു​പാ​ല​ൻ) എ​ന്ന പ​ദ​വി​യാ​കും ആ​ൽ​വേ​സി​നെ​ന്ന് ടീ​മി​ന്റെ ഉ​ള്ളു​ക​ള്ളി​ക​ള​റി​യു​ന്ന ബ്ര​സീ​ലി​യ​ൻ പ​​ത്ര​മാ​യ ഡ​യ​റി​യോ സ്​​പോ​ർ​ട്ട് പ​റ​യു​ന്നു. നെ​യ്മ​റെ ഉ​പ​ദേ​ശി​ക്ക​ലു​ം നി​യ​ന്ത്രി​ക്ക​ലും മ​റ്റു​മാ​ണ് ആ​ൽ​വേ​സി​ന്റെ ജോ​ലി​യ​േ​ത്ര. ആ​ൽ​വേ​സു​മാ​യി അ​ടു​ത്ത ബ​ന്ധ​മാ​ണ് നെ​യ്മ​റി​നു​ള്ള​ത്. സാ​ന്റോ​സി​ൽ​നി​ന്ന് 2013ൽ ​നെ​യ്മ​റെ ബാ​ഴ്സ​ലോ​ണ​യി​ലെ​ത്തി​ച്ച​തും പി​ന്നീ​ട് പി.​എ​സ്.​ജി​യി​ലേ​ക്ക് കൂ​ടു​മാ​റാ​ൻ പ്രേ​രി​പ്പി​ച്ച​തും ആ​ൽ​വേ​സാ​ണ്.