ലോകകപ്പ്: സ്റ്റേഡിയത്തിൽ ബിയർ പാടില്ല

ദോഹ: ലോകകപ്പ് സ്റ്റേഡിയങ്ങളിൽ മദ്യം നിരോധിച്ച് ഫിഫ. ഖത്തറിൽ മദ്യത്തിന് കർശന നിയന്ത്രണമുള്ളതിനാലാണ് നടപടി.

ഫിഫ ഫാൻ ഫെസ്റ്റിവൽ, മറ്റ് ആരാധകകേന്ദ്രങ്ങൾ എന്നിവിടങ്ങളിലും ബിയർ നിരോധിച്ചിട്ടുണ്ട്. സ്റ്റേഡിയങ്ങളിൽ ആൽക്കഹോളിന്റെ അംശമില്ലാത്ത ബിയർ ലഭിക്കുമെന്ന് ഫിഫ അറിയിച്ചു.

ചില അതിവിശിഷ്ട മേഖലകളിൽ മദ്യം വിളമ്പും. ഈ സ്ഥലങ്ങളിലേക്ക് എല്ലാവർക്കും പ്രവേശനമുണ്ടാകില്ല. കാണികൾക്ക് ബിയറുമായി സ്റ്റേഡിയത്തിൽ പ്രവേശിക്കാനാവില്ല.