ലോ​ക​ക​പ്പ്-​ഏ​ഷ്യ​ൻ ക​പ്പ് യോ​ഗ്യ​ത റൗ​ണ്ടി​ൽ ഖ​ത്ത​ർ x കു​വൈ​ത്ത് മു​ഖാ​മു​ഖം

ദോ​ഹ: റ​മ​ദാ​നി​ൽ ക​ളി​യു​ടെ ആ​വേ​ശ​പ്പൂ​രം സ​മ്മാ​നി​ക്കാ​ൻ ഏ​ഷ്യ​ൻ ജേ​താ​ക്ക​ളാ​യ അ​ക്രം അ​ഫീ​ഫും കൂ​ട്ടു​കാ​രും വ്യാ​ഴാ​ഴ്ച രാ​ത്രി ബൂ​ട്ടു​കെ​ട്ടു​ന്നു. ഒ​രു മാ​സം മു​മ്പ് സ്വ​ന്തം മ​ണ്ണി​ൽ ഏ​ഷ്യ​ൻ ഫു​ട്ബാ​ളി​ൽ തു​ട​ർ​ച്ച​യാ​യി ര​ണ്ടാം ത​വ​ണ​യും കി​രീ​ടം ചൂ​ടി​യ​തി​ന് ശേ​ഷം അ​ന്നാ​ബി​ക​ളു​ടെ ആ​ദ്യ അ​ങ്ക​മാ​ണി​ന്ന്. രാ​ത്രി 9.30ന് ​ജാ​സിം ബി​ൻ ഹ​മ​ദ് സ്റ്റേ​ഡി​യ​ത്തി​ലാ​ണ് മ​ത്സ​രം. 2026 ലോ​ക​ക​പ്പി​നും 2027 ഏ​ഷ്യ​ൻ ക​പ്പി​നും യോ​ഗ്യ​ത ഉ​റ​പ്പി​ക്കാ​നു​ള്ള ഏ​ഷ്യ​ൻ ത​ല യോ​ഗ്യ​താ റൗ​ണ്ടി​ന്റെ ര​ണ്ടാം റൗ​ണ്ട് മ​ത്സ​ര​ത്തി​നാ​ണ് ഇ​ട​വേ​ള​ക്കു​ശേ​ഷം പ​ന്തു​രു​ളു​ന്ന​ത്. ആ​ദ്യ ര​ണ്ടു മ​ത്സ​ര​ങ്ങ​ളും ജ​യി​ച്ച ആ​ത്മ​വി​ശ്വാ​സ​ത്തി​ലാ​ണ് ഖ​ത്ത​ർ. ഗ്രൂ​പ് ‘എ’​യി​ൽ അ​ഫ്ഗാ​നി​സ്താ​നെ 8-1നും ​പി​ന്നാ​ലെ ക​ഴി​ഞ്ഞ ന​വം​ബ​റി​ൽ ഭു​വ​നേ​ശ്വ​റി​ൽ ന​ട​ന്ന മ​ത്സ​ര​ത്തി​ൽ ഇ​ന്ത്യ​യെ 3-0ത്തി​നും തോ​ൽ​പി​ച്ചാ​ണ് ഖ​ത്ത​ർ ലോ​ക​ക​പ്പ് യാ​ത്ര​ക്ക് കു​തി​പ്പ് തു​ട​ങ്ങു​ന്ന​ത്. പി​ന്നാ​ലെ ന​ട​ന്ന ഏ​ഷ്യ​ൻ ക​പ്പ് ഫു​ട്ബാ​ളി​ൽ ജൈ​ത്ര​യാ​ത്ര തു​ട​ർ​ന്ന ഖ​ത്ത​ർ സെ​മി​യി​ൽ ഇ​റാ​നെ​യും ഫൈ​ന​ലി​ൽ ജോ​ർ​ഡ​നെ​യും തോ​ൽ​പി​ച്ച് കി​രീ​ടം ചൂ​ടി​യാ​ണ് ത​ങ്ങ​ളു​ടെ മേ​ധാ​വി​ത്വം സ്ഥാ​പി​ച്ച​ത്.

ലോ​ക​ക​പ്പ് യോ​ഗ്യ​ത റൗ​ണ്ട് ഗ്രൂ​പ് മ​ത്സ​ര​ത്തി​ൽ കു​വൈ​ത്ത് ആ​ദ്യം ഇ​ന്ത്യ​യോ​ട് തോ​റ്റെ​ങ്കി​ലും (1-0) പി​ന്നീ​ട് അ​ഫ്ഗാ​നി​സ്താ​നെ​തി​രെ നേ​ടി​യ ജ​യ​വു​മാ​യി (4-0) ര​ണ്ടാം സ്ഥാ​ന​ത്താ​ണി​പ്പോ​ൾ. ഖ​ത്ത​ർ വേ​ദി​യാ​യ ഏ​ഷ്യ​ൻ ക​പ്പി​ന് യോ​ഗ്യ​ത നേ​ടാ​തെ പോ​യ ​കു​വൈ​ത്ത് ജ​നു​വ​രി​യി​ൽ യു​ഗാ​ണ്ട, ലി​ബി​യ ടീ​മു​ക​ൾ​ക്കെ​തി​രാ​യ സ​ന്നാ​ഹ​മ​ത്സ​ര​ങ്ങ​ളു​ടെ പ​രി​ച​യ​വു​മാ​യാ​ണ് ഖ​ത്ത​റി​ലെ​ത്തു​ന്ന​ത്. ര​ണ്ടു ക​ളി​യി​ലും റു​യി ബെ​ന്റോ​യു​ടെ ടീ​മി​ന് തോ​ൽ​വി​യാ​യി​രു​ന്നു വി​ധി.

നാ​യ​ക​ൻ ഹ​സ​ൻ അ​ൽ ​ഹൈ​ദോ​സി​ന്റെ വി​ര​മി​ക്ക​ൽ, തു​ട​ർ​ച്ച​യാ​യ ര​ണ്ടു ഏ​ഷ്യ​ൻ ക​പ്പ് കി​രീ​ട​ത്തി​നു​ശേ​ഷം കൂ​ടു​ത​ൽ പു​തു​മു​ഖ​ങ്ങ​ൾ​ക്ക് അ​വ​സ​രം ന​ൽ​കു​ന്ന ടീം ​ഇ​ല​വ​ൻ, അ​ക്രം അ​ഫീ​ഫ്, അ​ൽ മൂ​ഈ​സ് അ​ലി തു​ട​ങ്ങി​യ താ​ര​സാ​ന്നി​ധ്യം എ​ന്നി​വ​യെ​ല്ലാം ഖ​ത്ത​ർ ദേ​ശീ​യ ടീ​മി​ന്റെ സ​വി​ശേ​ഷ​ത​യാ​ണ്. മു​ന്നേ​റ്റ​ത്തി​ൽ പ​രി​ച​യ​സ​മ്പ​ന്ന​നാ​യ ഷ​ബൈ​ബ് അ​ൽ ഖാ​ലി​ദി, അ​ഹ​മ്മ​ദ് ദെ​ഹ്ഫി​രി എ​ന്നി​വ​രാ​ണ് കു​വൈ​ത്തി​ന്റെ പ്ര​ധാ​ന താ​ര​ങ്ങ​ൾ.