ചാമ്പ്യൻ മോഹങ്ങൾ വീണ്ടും ചിറകുവിടർത്തി സിറ്റി​; ചെൽസിയെ തകർത്തുവിട്ടത്​ മൂന്നു ഗോളിന്​

പ്രിമിയർ ലീഗിലെ ഏറ്റവും വിലപിടിച്ച താരങ്ങൾ കൂടെയുണ്ടായിട്ടും ചാമ്പ്യൻപട്ടത്തിനരികെയെത്താൻ പോലുമാകാതെ കിതച്ച കഴിഞ്ഞ സീസണും അവസാന മാസങ്ങളും തത്​കാലം മറക്കാൻ മാഞ്ചസ്​റ്റർ സിറ്റി. ഡി ബ്രുയിൻ ഒരിക്കലൂടെ താരമായ അങ്കത്തിൽ കരുത്തരായ ചെൽസിയെ ചിത്രത്തിൽനിന്ന്​ പടികടത്തിയ വിജയവുമായാണ്​ സിറ്റി ​േക്ലാപി​െൻറയും സോൾഷ്യറുടെയും പടകൾ​ക്ക്​ ശക്​തമായ മുന്നറിയിപ്പ്​ നൽകിയത്​. ഇകായ്​ ഗുണ്ടൊഗൻ, ഫിൽ ​േഫാഡൻ, കെവിൻ ഡി ബ്രുയിൻ എന്നിവർ ആദ്യ 16 മിനിറ്റിൽ അടിച്ചുകയറ്റിയത്​ മൂന്നു ഗോളുകളാണ്​. പിന്നെയും ഗോളവസരങ്ങൾ നിരവധി തുറന്നുകിട്ടിയെങ്കിലും നിർഭാഗ്യം വഴിമുടക്കിയത് ആശ്വാസം പകർന്നത്​ ചെൽസിക്ക്​.

കോവിഡ്​ മൂലം ടീമിലെ ആറു പേർ പുറത്തിരിക്കേണ്ടിവന്നതി​െൻറ ക്ഷീണമൊന്നും പ്രകടിപ്പിക്കാതെയായിരുന്നു ഞായറാഴ്​ച ആദ്യ വിസിൽ മുതൽ സിറ്റി നിരയുടെ പ്രകടനം. കളി ജയിച്ചതോടെ ഗാർഡിയോളയുടെ കുട്ടികൾ 29 പോയിൻറുമായി പ്രിമിയർ ലീഗിൽ അഞ്ചാം സ്​ഥാനത്തേക്ക്​ ഉയർന്നു. നാലാമതായിരുന്ന നീലക്കുപ്പായക്കാരാക​ട്ടെ 26 പോയിൻറു മാത്രം സമ്പാദ്യവുമായി എട്ടാം സ്​ഥാനത്തേക്കു തള്ളപ്പെട്ടു.

കരുത്തുതിരിച്ചുപിടിച്ച മാഞ്ചസ്​റ്റർ യുനൈറ്റഡും നിലവിലെ ചാമ്പ്യന്മാരായ ലിവർപൂളും ഒന്നാം സ്​ഥാനത്ത്​ തുടരു​​േമ്പാൾ ഫോം ഇനിയും തുടർന്നാലേ സിറ്റിക്ക്​ ചാമ്പ്യൻപട്ടത്തിനുള്ള അങ്കം കടുപ്പിക്കാനാകൂ. അവസാന ആറു മത്സരങ്ങളിൽ നാലും തോറ്റ ചെൽസി ഇനി വെല്ലുവിളിയാകില്ലെന്നാണ്​ പ്രതീക്ഷ.

കോവിഡ്​ പിടിച്ച്​ കൈൽ വാക്കർ, ഗബ്രിിയേൽ ജീസസ്​, ഫെറാൻ ടോറസ്​, ഗോളി എഡേഴ്​സൺ തുടങ്ങിയവർ ചെൽസിക്കെതിരെ ഇറങ്ങിയിരുന്നില്ല. അതുപക്ഷേ, കളത്തിൽ കാണിക്കാതെയായിരുന്നു മറ്റുള്ളവരുടെ പ്രകടനം. സിറ്റി ഏഴു കളികളിൽ ഇതുവരെ തോറ്റിട്ടില്ല. വഴങ്ങിയതാക​ട്ടെ, രണ്ടു ഗോളുകൾ മാത്രം. 14 ഗോളുകൾ അടിച്ചുകയറ്റുകയും ചെയ്​തു.

ലീഗിലെ മ​റ്റൊരു മത്സരത്തിൽ ലെസ്​റ്റർ ന്യൂകാസിലിനെ 2-1ന്​ തോൽപിച്ചിരുന്നു. ജെയിംസ്​ മാഡിസൺ, യൂറി ടീലെമാൻസ്​ എന്നിവരാണ്​ ലെസ്​റ്ററിനായി ഗോൾ കണ്ടെത്തിയത്​.

ലാ ലിഗയിൽ സൂപർ താരം ലയണൽ മെസ്സിയുടെ മികവിൽ ബാഴ്​സ ആശ്വാസ ജയം കുറിച്ചിരുന്നു. മെസ്സി നൽകിയ പാസിൽ ഡച്ച്​ മിഡ്​ഫീൽഡർ ഡി ജോങ്ങായിരുന്നു കളിയിലെ ഏക ഗോൾ നേടിയത്​.