പൊലീസ് ഫുട്ബാൾ: ബിഹാറിനെ തകർത്ത് കേരളത്തിന് രണ്ടാം ജയം

മലപ്പുറം: ശ്രീനഗറിൽ നടക്കുന്ന അഖിലേന്ത്യാ പൊലീസ് ഫുട്ബാൾ ചാമ്പ്യൻഷിപ്പിൽ കേരള പൊലീസിന് തുടർച്ചയായ രണ്ടാം ജയം. കശ്മീർ യൂനിവേഴ്സിറ്റി സ്റ്റേഡിയത്തിൽ ചൊവ്വാഴ്ച രാവിലെ നടന്ന മത്സരത്തിൽ ബിഹാർ ടീമിനെ എതിരില്ലാത്ത ഏഴ് ഗോളിന് തകർത്താണ് കേരള ടീം ആവേശ വിജയം നേടിയത്.

കേരളത്തിനുവേണ്ടി ടി.പി. ജംഷീദ് രണ്ട് ഗോൾ നേടി. എ.എസ്. അഖിൽജിത്ത്, വിജേഷ് ബാലൻ, എൻ.എസ്. സുജിൽ, കെ. ഫിറോസ്, ജി. സഞ്ജു എന്നിവർ ഓരോ ഗോളും നേടി. വ്യാഴാഴ്ച ആതിഥേയരായ ജമ്മു-കശ്മീരുമായാണ് കേരളത്തിന്‍റെ അടുത്ത മത്സരം.