പോഗ്ബ കളിക്കുമ്പോൾ വീടുകുത്തിത്തുറന്ന് മോഷ്ടാക്കൾ

ല​ണ്ട​ൻ: ചാ​മ്പ്യ​ൻ​സ് ലീ​ഗ് പ്രീ​ക്വാ​ർ​ട്ട​റി​ൽ അ​ത്‍ല​റ്റി​​കോ മ​ഡ്രി​ഡി​നെ​തി​രെ മാ​ഞ്ച​സ്റ്റ​ർ യു​നൈ​റ്റ​ഡ് കൊ​മ്പു​കോ​ർ​ക്കു​മ്പോ​ൾ ര​ണ്ടാം പ​കു​തി​യി​ൽ പ​ക​ര​ക്കാ​ര​നാ​യി സൂ​പ്പ​ർ താ​രം പോ​ൾ പോ​ഗ്ബ​യും ഇ​റ​ങ്ങി​യി​രു​ന്നു. ക​ളി തോ​റ്റ് ടീം ​പു​റ​ത്താ​യ​തി​നു പി​റ​കെ ഇ​ര​ട്ട ആ​ഘാ​ത​മാ​യി പോ​ഗ്ബ​യെ തേ​ടി മ​റ്റൊ​രു വാ​ർ​ത്ത കൂ​ടി എ​ത്തി. താ​ൻ മൈ​താ​ന​ത്തും ഭാ​ര്യ കാ​ണി​യാ​യും നി​ൽ​ക്കെ മ​ക്ക​ളു​റ​ങ്ങു​ന്ന വീ​ട്ടി​ൽ മോ​ഷ്ടാ​ക്ക​ൾ ക​യ​റി. ഇ​രു​വ​രും ഈ ​സ​മ​യം വീ​ട്ടി​ലു​ണ്ടാ​കി​ല്ലെ​ന്ന ഉ​റ​പ്പി​ലാ​ണ് മോ​ഷ്ടാ​ക്ക​ൾ എ​ത്തി​യ​ത്.

ടീം ​ചാ​മ്പ്യ​ൻ​സ് ലീ​ഗി​ൽ​നി​ന്ന് പു​റ​ത്താ​യ ഞെ​ട്ട​ലി​ൽ നി​ൽ​ക്കെ​യാ​ണ് വീ​ട്ടി​ൽ കാ​വ​ലു​ണ്ടാ​യി​രു​ന്ന സ്ത്രീ ​വി​ളി​ച്ച് വി​വ​ര​മ​റി​യി​ക്കു​ന്ന​ത്. മൂ​ന്നും ഒ​ന്നും വ​യ​സ്സു​ള്ള മ​ക്ക​ളാ​യി​രു​ന്നു വീ​ട്ടി​ൽ ആ​യ​ക്കൊ​പ്പ​മു​ണ്ടാ​യി​രു​ന്ന​ത്. സം​ഭ​വം പോ​ഗ്ബ ത​ന്നെ​യാ​ണ് സ​മൂ​ഹ മാ​ധ്യ​മ​ങ്ങ​ൾ വ​ഴി പു​റം​ലോ​ക​ത്തെ അ​റി​യി​ച്ച​ത്. മ​ക്ക​ൾ സു​ര​ക്ഷി​ത​രാ​യി​രു​ന്നു​വെ​ന്നും ഈ ​സ​മ​യം വീ​ട്ടി​ലി​ല്ലാ​തി​രു​ന്ന​ത് ഞെ​ട്ട​ലാ​യെ​ന്നും താ​രം സ​മൂ​ഹ മാ​ധ്യ​മ​ത്തി​ൽ കു​റി​ച്ചു.