മ​ല​പ്പു​റ​ത്തി​ൻ ഹൃ​ദ​യ​ത്തി​ൽ എ​ന്നും പെ​ലെ

മ​ല​പ്പു​റം: കാ​ൽ​പ​ന്ത് ഇ​തി​ഹാ​സം പെ​ലെ വി​ട പ​റ​ഞ്ഞ​തി​ൽ ക​ണ്ണീ​രോ​ടെ മ​ല​പ്പു​റ​ത്തെ ഫു​ട്ബാ​ൾ പ്രേ​മി​ക​ൾ. എ​ഡ്സ​ൺ അ​രാ​ന്റ​സ് ഡോ ​നാ​സി​മെ​ന്റോ എ​ന്ന ഫു​ട്ബാ​ൾ ഇ​തി​ഹാ​സ​ത്തി​ന് മ​ല​പ്പു​റം ബാ​ഷ്പാ​ഞ്ജ​ലി​ക​ൾ അ​ർ​പ്പി​ക്കു​ക​യാ​ണ്.

പെ​ലെ​യു​ടെ മ​ര​ണ വാ​ർ​ത്ത ലോ​ക​മാ​കെ പ​ര​ന്ന​പ്പോ​ൾ ലോ​ക ഫു​ട്ബാ​ളി​ന് സ​മ്മാ​നി​ച്ച അ​പൂ​ർ​വ നി​മി​ഷ​ങ്ങ​ളാ​ണ് ഓ​രോ ആ​രാ​ധ​ക​ന്റെ​യും മ​ന​സ്സി​ലൂ​ടെ ക​ട​ന്നു​പോ​യ​ത്.

സ​മൂ​ഹ മാ​ധ്യ​മ​ങ്ങ​ളി​ല​ട​ക്കം വെ​ള്ളി​യാ​ഴ്ച പു​ല​ർ​ച്ച മു​ത​ൽ ആ​രാ​ധ​ക​രു​ടെ വി​ട ന​ൽ​കി​യു​ള്ള പോ​സ്റ്റു​ക​ൾ നി​റ​ഞ്ഞു തു​ട​ങ്ങി​യി​രു​ന്നു. ചി​ല​യി​ട​ങ്ങ​ളി​ൽ വി​ട ന​ൽ​കി ഫ്ല​ക്സു​ക​ളും ഉ​യ​ർ​ന്നു. ജി​ല്ല​യി​ൽ ഏ​റെ ആ​രാ​ധ​ക​രു​ള്ള ബ്ര​സീ​ൽ ഫാ​ൻ​സി​ന്റെ നേ​തൃ​ത്വ​ത്തി​ലും വി​വി​ധ ക്ല​ബു​ക​ളു​ടെ​യും കൂ​ട്ടാ​യ്മ​ക​ളു​ടെ​യും നേ​തൃ​ത്വ​ത്തി​ലും ഫ്ല​ക്സു​ക​ൾ ഉ​യ​ർ​ന്നു. കൂ​ടാ​തെ പ്ര​ത്യേ​ക അ​നു​ശോ​ച​ന യോ​ഗ​ങ്ങ​ളും ന​ട​ന്നു.

ജി​ല്ല​യു​ടെ ഫു​ട്ബാ​ൾ ഇ​ട​ങ്ങ​ളി​ൽ പെ​ലെ​ക്കും വി​ട​വാ​ങ്ങി​യ മ​റ്റൊ​രു ഇ​തി​ഹാ​സ താ​രം മ​റ​ഡോ​ണ​ക്കു​മു​ള്ള സ്ഥാ​നം ഉ​യ​ര​ങ്ങ​ളി​ലാ​ണ്. ഇ​വ​ർ എ​ങ്ങ​നെ പ്രി​യ​പ്പെ​ട്ട​വ​രാ​കു​ന്നു എ​ന്ന് ചോ​ദി​ച്ചാ​ൽ ആ​രാ​ധ​ക​ർ​ക്കെ​ല്ലാം ഒ​രേ ഉ​ത്ത​രം, ഇ​വ​ർ പ​ന്തു​കൊ​ണ്ട് ജാ​ല​വി​ദ്യ കാ​ണി​ച്ച​വ​രാ​യി​രു​ന്നു.

‘മ​ന​സ്സി​ലു​ണ്ടാ​കും’
ചെ​റു​പ്പം മു​ത​ലേ കേ​ട്ടു​തു​ട​ങ്ങി​യ പേ​രു​ക​ളാ​ണ് പെ​ലെ​യും മ​റ​ഡോ​ണ​യും. ബ്ര​സീ​ൽ ഫു​ട്ബാ​ളി​ന് മി​ക​ച്ച സം​ഭാ​വ​ന​ക​ൾ ന​ൽ​കി​യ ഇ​തി​ഹാ​സ​മാ​ണ് പെ​ലെ. അ​ദ്ദേ​ഹം ഫു​ട്ബാ​ൾ ലോ​ക​ത്തി​ന് സ​മ്മാ​നി​ച്ച അ​മൂ​ല്യ നി​മി​ഷ​ങ്ങ​ൾ ഏ​തൊ​രു ആ​രാ​ധ​ക​നും എ​ന്നും മ​ന​സ്സി​ലു​ണ്ടാ​കും. ഏ​റെ സ​ങ്ക​ട​ക​ര​മാ​ണീ വി​യോ​ഗം.
പി.​കെ. സ​ഫീ​ർ ഫു​ട്ബാ​ൾ ആ​രാ​ധ​ക​ൻ
‘വേ​ർ​പാ​ട് ദുഃ​ഖ​ക​രം’
ഫു​ട്ബാ​ൾ ആ​രാ​ധ​ക​ൻ എ​ന്ന നി​ല​യി​ൽ ഏ​റെ ദുഃ​ഖ​ക​ര​മാ​യ വാ​ർ​ത്ത​യാ​ണി​ത്. അ​ദ്ദേ​ഹ​ത്തി​ന്റെ മാ​ന്ത്രി​ക ഫു​ട്ബാ​ൾ ആ​രെ​യും ആ​ക​ർ​ഷി​ക്കു​ന്ന​താ​യി​രു​ന്നു. വ​രും​ത​ല​മു​റ താ​ര​ങ്ങ​ൾ​ക്കെ​ല്ലാം പ്ര​ചോ​ദ​ന​മാ​കു​ന്ന താ​രം കൂ​ടി​യാ​യി​രു​ന്നു അ​ദ്ദേ​ഹം.
ഷ​ഫീ​ഖ് ഫു​ട്ബാ​ൾ ആ​രാ​ധ​ക​ൻ
‘ആ​ദ​ര​വ് വാ​ങ്ങി​യ വ്യ​ക്തി’
ഫു​ട്ബാ​ൾ ച​രി​ത്ര​ത്തി​ൽ എ​ന്നും സ്മ​രി​ക്ക​പ്പെ​ടു​ന്ന ഒ​രു താ​ര​മാ​ണ് പെ​ലെ. എ​ല്ലാ​വ​രു​ടെ​യും ആ​ദ​ര​വും ഏ​റ്റു​വാ​ങ്ങി ഒ​രു വി​വാ​ദ​ത്തി​ലും ഉ​ൾ​പ്പെ​ടാ​തെ മു​ന്നേ​റി​യ വ്യ​ക്തി​യാ​ണ്. ഫു​ട്ബാ​ളി​നെ രാ​ഷ്ട്രീ​യ​മാ​യും ഉ​പ​യോ​ഗി​ക്കാ​നാ​യി. ആ​ഫ്രി​ക്ക​യി​ലെ അ​ഭ്യ​ന്ത​ര യു​ദ്ധം അ​വ​സാ​നി​പ്പി​ക്കാ​ൻ വ​രെ അ​ദ്ദേ​ഹ​ത്തി​ന്റെ സാ​ന്നി​ധ്യം സ​ഹാ​യി​ച്ചു. സി​നി​മ​ക​ളി​ൽ അ​ഭി​ന​യി​ച്ചും പ്ര​തി​ഭ തെ​ളി​ച്ചു.
ഷൗ​ക്ക​ത്ത് ഉ​പ്പൂ​ട​ൻ, ഫു​ട്ബാ​ൾ നി​രീ​ക്ഷ​കൻ
‘മ​റ്റു​ള്ള​വ​ർ​ക്ക് മാ​തൃ​ക’
ഫു​ട്ബാ​ൾ ച​രി​ത്ര​ത്തി​ൽ​ത​ന്നെ എ​ണ്ണം​പ​റ​ഞ്ഞ ഗോ​ളു​ക​ൾ സം​ഭാ​വ​ന ചെ​യ്ത ഇ​തി​ഹാ​സ​മാ​ണ് പെ​ലെ. അ​ദ്ദേ​ഹ​ത്തി​ന്റെ വ്യ​ക്തി​പ്ര​ഭാ​വം ഏ​വ​രെ​യും ആ​ക​ർ​ഷി​ച്ചു. പ്ര​യാ​സം നി​റ​ഞ്ഞ ചെ​റു​പ്പ​കാ​ല​ത്തി​ൽ നി​ന്ന് ഉ​യ​ർ​ന്നു​വ​ന്ന് ലോ​ക ഫു​ട്ബാ​ളി​ന്റെ നെ​റു​ക​യി​ലെ​ത്തി​യ അ​ദ്ദേ​ഹം മ​റ്റു​ള്ള​വ​ർ​ക്ക് മാ​തൃ​ക​യാ​ണ്. ഉ​യ​ർ​ന്ന​ത​ല​ത്തി​ൽ നി​ൽ​ക്കു​മ്പോ​ഴും മി​ക​വു​റ്റ പ്ര​ക​ട​നം ന​ട​ത്തു​ന്ന ക​ളി​ക്കാ​രെ അ​ഭി​ന​ന്ദി​ക്കാ​നും പ്രോ​ത്സാ​ഹി​പ്പി​ക്കാ​നും അ​ദ്ദേ​ഹം മ​റ​ന്നി​രു​ന്നി​ല്ല. ഈ ​വി​ട​വ് നി​ക​ത്താ​നാ​കാ​ത്ത​താ​ണ്.
സി. ​സു​രേ​ഷ് ജില്ല ജോ​യ​ന്റ് സെ​ക്ര​ട്ട​റി, ഡി.​എ​ഫ്.​എ