Begin typing your search above and press return to search.
proflie-avatar
Login
exit_to_app
exit_to_app
പാർക്​ ഡി പ്രിൻസിൽ പിന്നെയും കളിമറന്ന്​ പി.എസ്​.ജി; ടീം തോൽക്കു​േമ്പാൾ ഡി മരിയയുടെ വീട്ടിൽ മോഷണവും
cancel
Homechevron_rightSportschevron_rightFootballchevron_rightപാർക്​ ഡി പ്രിൻസിൽ...

പാർക്​ ഡി പ്രിൻസിൽ പിന്നെയും കളിമറന്ന്​ പി.എസ്​.ജി; ടീം തോൽക്കു​േമ്പാൾ ഡി മരിയയുടെ വീട്ടിൽ മോഷണവും

text_fields
bookmark_border


പാരിസ്​: തുടർതോൽവികളുമായി ഇംഗ്ലണ്ടിൽ സ്വന്തം കളിമുറ്റം ഭയക്കുന്ന ലിവർപൂളിന്‍റെ ഗതികേടിലേക്കോ പാരിസ്​ സെന്‍റ്​ ജെർമൻ. പാർക്​ ഡി പ്രിൻസിൽ തുടർച്ചയായ രണ്ടാം കളിയിലും ദുർബലരായ എതിരാളികൾക്ക്​ മുന്നിൽ വഴുതിവീണ്​ ലീഗിൽ ഒന്നാമതെത്താനുള്ള അവസരം പി.എസ്​.ജി കളഞ്ഞുകുളിച്ചു. പട്ടികയിൽ 17ാമന്മാരായ നാന്‍റെസിനു മുന്നിലാണ്​ ആദ്യം ഗോളടിച്ചിട്ടും പിന്നീട്​ രണ്ടെണ്ണം വാങ്ങി പി.എസ്​.ജി തോറ്റുമടങ്ങിയത്​.

ആദ്യ പകുതിയുടെ 42ാം മിനിറ്റിൽ ജൂലിയൻ ഡ്രാക്​സ്​ലർ ആണ്​ പി.എസ്​.ജിയെ മുന്നിലെത്തിച്ച്​ കളിയിലെ ആദ്യ ഗോൾ നേടിയത്​​. പക്ഷേ, രണ്ടാം പകുതിയിൽ കിലിയൻ എംബാപെയുടെ പിഴവ്​ മുതലെടുത്ത്​ കോളോ മുവാനി 59ാം മിനിറ്റിൽ നാന്‍റെസിന്​ സമനില നൽകി. മോസസ്​ സൈമൺ 12 മിനിറ്റ്​ കഴിഞ്ഞ്​ ലക്ഷ്യംകണ്ടതോടെ​ നാന്‍റെസിന്​​ സ്വപ്​നങ്ങൾക്കുമപ്പുറത്തെ ജയം.

തോൽവിയോടെ ഒന്നാം സ്​ഥാനത്തേക്ക്​ കയറാനുള്ള അവസരമാണ്​ പി.എസ്​.ജി നഷ്​ടപ്പെടുത്തിയത്​. കരുത്തരുടെ പോരാട്ടത്തിൽ മൊണാകൊയോട്​ സമനില വഴങ്ങിയിട്ടും പട്ടികയിൽ ലിലെ ഒന്നാം സ്​ഥാനം നിലനിർത്തി. പി.എസ്​.ജിക്കു പിറകിൽ ലിയോണാണ്​ മൂന്നാമത്​. മൊണാകോ, മാഴ്​സെ ടീമുകൾ യഥാക്രമം നാലും അഞ്ചൂം സ്​ഥാനങ്ങളിലുണ്ട്​​.

അടുത്തിടെ ബാഴ്​സയെ കീഴടക്കി ചാമ്പ്യൻസ്​ ലീഗിൽ ക്വാർട്ടറിലേക്ക്​ കുതിച്ച പി.എസ്​.ജി ഈ സീസണിൽ ഇതുവരെ ഏഴു കളികൾ പരാജയപ്പെട്ടിട്ടുണ്ട്​. സ്വന്തം മൈതാനമായ പാർക്​ ഡി പ്രിൻസിൽ തുടർച്ചയായ രണ്ടാം തോൽവിയും. 2012നു ശേഷം ആദ്യമായാണ്​ ഇതേ മൈതാനത്ത്​ തുടർച്ചയായ രണ്ടാം തോൽവി ഏറ്റുവാങ്ങുന്നത്​. അതും, പോയിന്‍റ്​ പട്ടികയിൽ താഴെയുള്ള നാന്‍റെസിനോടും.

അതിനിടെ, ഫോമിലായിരുന്ന എയ്​ഞ്ചൽ ഡി മരിയക്ക്​ കളിക്കിടയിൽ അപ്രതീക്ഷിതമായി പകരക്കാരൻ ഇറങ്ങിയതും വളരെ പെ​ട്ടെന്ന്​​ ടണൽ വഴി അപ്രത്യക്ഷനായതും കൗതുകമായി. വീട്ടിൽ കവർച്ചക്കാർ കയറിയതറിഞ്ഞായിരുന്നു മൈതാനം വിട്ട​തെന്ന്​ പിന്നീട്​ വിശദീകരണവുമെത്തി.

കളി ഒരു മണിക്കൂർ എത്തു​േമ്പാഴായിരുന്നു സ്​പോർടിങ്​ ഡയറക്​ടർ ലിയോനാർഡോക്ക്​ വിളിയെത്തിയത്​. മൈതാനത്തിനു പുറ​ത്തുണ്ടായിരുന്ന മാച്ച്​ ഒഫീഷ്യലുമായും കോച്ച്​ പൊച്ചെറ്റിനോയുമായും സംസാരിച്ചു. വൈകാതെ ഡി മരിയ പുറത്തേക്ക്​. ഡി മരിയയുടെ ഭാര്യയെയും കുടുംബത്തെയും അൽപനേരം ബന്ദിയാക്കിയായിരുന്നു കവർച്ചയെന്നാണ്​ സൂചന. അടുത്തിടെ മറ്റൊരു താരം മാർക്വിഞ്ഞോസും സമാനമായി കവർച്ചക്കാരുടെ ആക്രമണത്തിനിരയായിരുന്നു. മാതാപിതാക്കളായിരുന്നു അന്ന്​ ബന്ദികളാക്കപ്പെട്ടതും അക്രമത്തിനിരയായതും​. പാരിസ്​ ടീം അംഗങ്ങളായ സെർജിയോ റികോ, മോറോ ഇക്കാർഡി, തിയാഗോ സിൽവ, ചോപോ മോട്ടിങ്​ തുടങ്ങിയവരും മോഷണത്തിനിരയായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:PSG FCAngel Di MariaNantesfamilies 'held hostage
News Summary - Paris St-Germain missed the chance to go top of Ligue 1 after a shock home defeat by strugglers Nantes
Next Story