ഒ​രു മാ​സം; മാ​ർ​ക്വേ​സ്​​ ര​ചി​ച്ച ച​രി​ത്രം

ദോ​ഹ: ഏ​ഷ്യ​ൻ ക​പ്പ്​ ഫു​ട്​​ബാ​ളി​ന്​ കി​ക്കോ​ഫി​ന്​ കൃ​ത്യം ഒ​രു മാ​സം ബാ​ക്കി നി​ൽ​ക്കെ​യാ​ണ്​ അ​ൽ വ​ക്​​റ ക്ല​ബി​ന്റെ പ​രി​ശീ​ല​ക​നാ​യ സ്​​പാ​നി​ഷു​കാ​ര​ൻ മാ​ർ​ക്വേ​സ്​ ലോ​പ​സി​ലേ​ക്ക്​ ദേ​ശീ​യ ടീ​മി​ന്റെ ചു​മ​ത​ല കൂ​ടി​യെ​ത്തു​ന്ന​ത്. 2019 ഏ​ഷ്യ​ൻ ക​പ്പ്​ കി​രീ​ടം സ​മ്മാ​നി​ക്കു​ക​യും, ലോ​ക​ക​പ്പി​ന്​ ടീ​മി​നെ ഒ​രു​ക്കി​യു​മാ​യി ദീ​ർ​ഘ​കാ​ല പ​രി​ശീ​ല​ക​ൻ ഫെ​ലി​ക്​​സ്​ സാ​ഞ്ച​സി​ന്റെ പി​ൻ​ഗാ​മി​യാ​യി ​സൂ​പ്പ​ർ കോ​ച്ച്​ കാ​ർ​ലോ​സ്​ ക്വി​റോ​സ്​ 2023 ഫെ​ബ്രു​വ​രി​യി​ലാ​യി​രു​ന്നു സ്​​ഥാ​ന​മേ​റ്റ​ത്.

എ​ന്നാ​ൽ, 11 മാ​സം തി​ക​യും മു​മ്പേ അ​ദ്ദേ​ഹ​ത്തെ ഒ​ഴി​വാ​ക്കി മാ​ർ​ക്വേ​സ്​ ലോ​പ​സി​ന്​ പ​രി​ശീ​ല​ക ക​സേ​ര കൈ​മാ​റു​​മ്പോ​ൾ ഖ​ത്ത​ർ ഫു​ട്​​ബാ​ൾ അ​സോ​സി​യേ​ഷ​ൻ ഭാ​ര​വാ​ഹി​ക​ൾ മ​ന​സ്സി​ൽ ക​ണ്ട​ത്​ ര​ണ്ടു മാ​സ​ത്തി​നി​പ്പു​റം ക​ള​ത്തി​ലും തെ​ളി​ഞ്ഞു​ക​ഴി​ഞ്ഞു. വി​ശ്വ​സി​ച്ചേ​ൽ​പി​ച്ച പ​ദ​വി​യി​ൽ പ​രി​ച​യ സ​മ്പ​ന്ന​രാ​യ സീ​നി​യ​ർ താ​ര​ങ്ങ​ളെ​യും, യു​വ​നി​ര​യെ​യും മാ​റി​മാ​റി ഉ​പ​യോ​ഗ​പ്പെ​ടു​ത്തി എ​തി​രാ​ളി​ക​ളു​ടെ ത​ന്ത്ര​ങ്ങ​ൾ​ക്കൊ​ത്ത്​ ഓ​രോ മാ​ച്ചി​നും ടീ​മി​നെ സ​ജ്ജ​മാ​ക്കി​യാ​ണ്​ കോ​ച്ച്​ ലോ​പ​സ്​ ഖ​ത്ത​റി​ന്​ ഓ​രോ വി​ജ​യ​ങ്ങ​ളും സ​മ്മാ​നി​ക്കു​ന്ന​ത്.

നേ​ര​ത്തെ സ്​​പാ​നി​ഷ്​ അ​ണ്ട​ർ 21 ടീ​മി​നു​വേ​ണ്ടി ക​ളി​ച്ച ലോ​പ​സ്​ 1997ലാ​ണ്​ പ​രി​ശീ​ല​ക വേ​ഷ​ത്തി​ലെ​ത്തു​ന്ന​ത്. എ​സ്​​പാ​ന്യോ​ൾ യൂ​ത്ത്​ ടീ​മു​ക​ളി​ൽ തു​ട​ങ്ങി​യ ഇ​ദ്ദേ​​ഹം 2018ലാ​ണ്​ ഖ​ത്ത​ർ സ്​​റ്റാ​ർ​സ്​ ലീ​ഗ്​ ക്ല​ബാ​യ അ​ൽ വ​ക്​​റ​യി​ലെ​ത്തു​ന്ന​ത്. ചു​രു​ങ്ങി​യ കാ​ല​ത്തി​നു​ള്ളി​ൽ ആ​ഭ്യ​ന്ത​ര ഫു​ട്​​ബാ​ളി​ൽ മി​ക​ച്ച പ​രി​ശീ​ല​ക​നാ​യി അ​ദ്ദേ​ഹം പേ​രെ​ടു​ത്തു. ദേ​ശീ​യ ടീ​മി​ലെ ഓ​രോ ക​ളി​ക്കാ​ര​ന്റെ​യും മി​ടു​ക്കും പ്ര​തി​ഭ​യും ന​ന്നാ​യി അ​റി​യാ​വു​ന്ന പ​രി​ശീ​ല​ക​ൻ എ​ന്ന​ത്​ പു​തി​യ ചു​മ​ത​ല​യി​ലെ​ത്തി​യ​പ്പോ​ൾ കാ​ര്യ​ങ്ങ​ൾ എ​ളു​പ്പ​മാ​ക്കി.