ഒഡിഷയോടും തോൽവി; ഈ​സ്റ്റ് ബം​ഗാ​ളിന്റെ ക​ഷ്ട​കാ​ലം തു​ട​രു​ന്നു

വാ​സ്കോ: ഐ.​എ​സ്.​എ​ല്ലി​ൽ ഈ​സ്റ്റ് ബം​ഗാ​ളി​ന്റെ ക​ഷ്ട​കാ​ലം തു​ട​രു​ന്നു. ഇ​ത്ത​വ​ണ തോ​റ്റ​ത് ഒ​ഡി​ഷ എ​ഫ്.​സി​യോ​ട്. പൊ​രു​തി​ക്ക​ളി​ച്ചി​ട്ടും, കൂ​ടു​ത​ൽ അ​വ​സ​ര​ങ്ങ​ൾ തു​റ​ന്നെ​ടു​ത്തി​ട്ടും തോ​ൽ​ക്കാ​നാ​യി​രു​ന്നു കൊ​ൽ​ക്ക​ത്ത ടീ​മി​ന്റെ വി​ധി. 2-1നാ​യി​രു​ന്നു ഒ​ഡി​ഷ എ​ഫ്.​സി​യു​ടെ വി​ജ​യം.

ഒ​ഡി​ഷ 15 ക​ളി​ക​ളി​ൽ 21 പോ​യ​ന്റു​മാ​യി ആ​റാം സ്ഥാ​ന​ത്തേ​ക്കു​യ​ർ​ന്ന​പ്പോ​ൾ ഈ​സ്റ്റ് ബം​ഗാ​ൾ 16 മ​ത്സ​ര​ങ്ങ​ളി​ൽ 10 പോ​യ​ന്റു​മാ​യി 10ാം സ്ഥാ​ന​ത്ത് തു​ട​രു​ക​യാ​ണ്. വി​ദേ​ശ താ​ര​ങ്ങ​ളാ​യ ജൊ​നാ​ഥാ​സ് ക്രി​സ്റ്റ്യ​ന്റെ​യും ഹാ​വി ഹെ​ർ​ണാ​ണ്ട​സി​ന്റെ​യും ഗോ​ളു​ക​ളി​ലാ​ണ് ഒ​ഡി​ഷ ജ​യി​ച്ചു​ക​യ​റി​യ​ത്. ഈ​സ്റ്റ് ബം​ഗാ​ളി​ന്റെ ആ​ശ്വാ​സ ഗോ​ൾ വി​ദേ​ശ​താ​രം അ​ന്റോ​ണി​യോ പെ​റോ​സെ​വി​ച് നേ​ടി.

ആ​ദ്യ ഗോ​ൾ നേ​ടി​യ ജൊ​നാ​ഥാ​സ് ആ​യി​രു​ന്നു മ​നോ​ഹ​ര​മാ​യ ഡ്രി​ബ്ലി​ങ്ങി​ലൂ​ടെ ര​ണ്ടാം ഗോ​ളി​നും വ​ഴി​യൊ​രു​ക്കി​യ​ത്. ര​ണ്ടാം ഗോ​ൾ നേ​ടി​യ ഹാ​വി തൊ​ട്ടു​പി​റ​കെ വീ​ണ്ടും ഗോ​ളി​ന​ടു​ത്തെ​ത്തി​യെ​ങ്കി​ലും ഈ​സ്റ്റ് ബം​ഗാ​ൾ ഡി​ഫ​ൻ​ഡ​ർ ഹീ​ര മൊ​ണ്ഡ​ൽ ഗോ​ൾ​ലൈ​ൻ സേ​വി​ലൂ​ടെ ത​ട​ഞ്ഞു.