കോർണിഷിലേക്ക് 'നോ എൻട്രി'

ദോഹ: ലോകകപ്പ് ആഘോഷമേളയുടെ പ്രധാന കേന്ദ്രമായ ദോഹ കോർണിഷ് ചൊവ്വാഴ്ച മുതൽ കാൽനട യാത്രക്കാരുടേതു മാത്രമായി മാറും. ഡിസംബർ 19 വരെയാണ് കോർണിഷിലേക്ക് വാഹനങ്ങൾക്ക് പ്രവേശനവിലക്ക് ഏർപ്പെടുത്തിയത്.

കാറുകൾ, ബൈക്കുകൾ, സൈക്കിൾ, ഇ-സ്കൂട്ടർ ഉൾപ്പെടെ ഒരു വാഹനങ്ങൾക്കും ദോഹ കോർണിഷിലേക്ക് പ്രവേശനമുണ്ടാവില്ല. മിയ പാർക്ക് മുതൽ ഷെറാട്ടൺ ഹോട്ടൽ വരെയുള്ള ആറു കിലോമീറ്റർ ദൂരമാണ് ലോകകപ്പ് വേളയിൽ പ്രധാന ആഘോഷ വേദി.