പ്യൂമയുമായി ചങ്ങാത്തം​​​; നെയ്​മറുമായുള്ള 15 വർഷത്തെ ബന്ധം അവസാനിപ്പിച്ച്​ നൈക്കി

ന്യുയോർക്ക്​: ബ്രസീലിയൻ ഫുട്​ബാൾ താരം നെയ്​മറുമായുള്ള 15 വർഷത്തെ ബന്ധം പ്രമുഖ കായിക ഉൽപന്ന നിർമാതാക്കളായ നൈക്കി അവസാനിപ്പിച്ചു. യു.എസ്​ കമ്പനി വക്താവ്​ ജോഷ്​ ബെനഡിക്കാണ്​ ഇരുവരും തമ്മിൽ വഴിപിരിഞ്ഞ വിവരം അറിയിച്ചത്​.

സൂപ്പർ താരത്തിൻെറ 13ാം വയസിലാണ്​ കമ്പനിയുമായി കരാറിലെത്തിയത്​. എന്നാൽ എന്തുകൊണ്ടാണ്​ നൈക്കി​ കരാർ ഒഴിവാക്കിയതെന്ന്​ ബെനഡിക്ക്​ വ്യക്തമാക്കിയില്ല. ഫ്രഞ്ച്​ ക്ലബായ പി.എസ്​.ജിയുടെ താരമായ നെയ്​മർ നൈക്കിയുടെ മുഖ്യശത്രുവായ പ്യൂമയുമായി അടുക്കുന്നുവെന്ന റിപ്പോർട്ടുകൾ വന്നിരുന്നു. കരാർ പുതുക്കാനുള്ള വ്യവസ്​ഥയിൽ നൈക്കിയും നെയ്​മറും ധാരണയിൽ എത്തിയിരുന്നില്ലെന്ന്​ നേരത്തെ ബ്രസീലിയൻ മാധ്യമമായ യു.ഒ.എൽ റിപോർട്ട്​ ചെയ്​തിരുന്നു.

നെയ്​മറുമായി കരാറിലെത്തുമെന്ന അഭ്യുഹങ്ങളോട്​ ജർമൻ കമ്പനിയായ പ്യൂമ ഇതുവരെ പ്രതികരിച്ചിട്ടില്ല. ബ്രസീലിയൻ ക്ലബായ സാ​േൻറാസിനായി കളിക്കു​േമ്പായാണ്​ നെയ്​മർ ആദ്യമായി നൈക്കിയുമായി കരാറിലെത്തിയത്​. 2013ലാണ്​ സാ​േൻറാസ്​ നെയ്​മറിനെ ബാഴ്​സക്ക്​ വിറ്റത്​.

കളിക്കളത്തിലെ മിന്നുന്ന പ്രകടനത്തിനൊപ്പം ശരീരത്തിലെ ടാറ്റുകളും വ്യത്യസ്​ത ഹെയർസ്​റ്റൈലുകളും കൂടി ആയതോ​െട നെയ്​മർ പരസ്യവിപണിയിലും താരമായി മാറി. ഫോബ്​സ്​ മാസികയുടെ കണക്ക്​ പ്രകാരം ലോകത്ത്​ ഏറ്റവും കൂടുതൽ പ്രതിഫലം ലഭിക്കുന്ന സെലിബ്രിറ്റികളുടെ പട്ടികയിൽ ഏഴാമനാണ്​ നെയ്​മർ.

എന്നാൽ സമീപകാലത്ത്​ ബാഴ്​സ ട്രാൻസ്​ഫറുമായി ബന്ധപ്പെട്ടുണ്ടായ നികുതി വെട്ടിപ്പും ബലാത്സംഗ കേസും നൈക്കിക്ക്​ നെയ്​മറിൽ അവമതിപ്പുളവാക്കിയിരുന്നു.

പീഡന പരാതി ഉയർന്നതോടെ നൈക്കി കാര്യം ഗൗരവത്തിലെടുത്തെങ്കിലും കേസ്​ ഒത്തുതീർന്നതോടെ ബഹളങ്ങൾ ഒതുങ്ങി. പി.എസ്​.ജിയുടെയും ബ്രസീലിൻെറയും സ്​പോൺസർമാരായി നൈക്കിയുള്ളതിനാൽ തന്നെ ​കമ്പനിയുടെ കിറ്റുകൾ നെയ്​മർ ഇനിയും അണിയേണ്ടി വരും.

യുവേഫ ചാമ്പ്യൻസ്​ ലീഗ്​ ഫൈനലിൽ ബയേൺ മ്യൂണിക്കിനോട്​ 1-0ത്തിന്​ തോറ്റ നിരാശയിലാണ്​ 28കാരനിപ്പോൾ. 2017ൽ റെക്കോഡ്​ ട്രാൻസ്​ഫർ തുകക്ക്​ (222 ദശലക്ഷം യൂറോ) സ്​പാനിഷ്​ ക്ലബായ ബാഴ്​സലോണയിൽ നിന്നാണ്​ നെയ്​മർ പാരിസിലെത്തിയത്​.