പി.എസ്​.ജി - മാഴ്‌സ മത്സരത്തിനിടെയുള്ള കൈയ്യാങ്കളി; നെയ്​മറിന്​ വിലക്ക്​, അൽവാരോക്കെതിരെ അന്വേഷണം

പാരിസ്: ഫ്രഞ്ച്​ ലീഗിലെ പി.എസ്​.ജി - ഒളിമ്പിക്​ മാഴ്‌സ മത്സരത്തിനിടെയുണ്ടായ കൈയ്യാങ്കളിയെ തുടർന്ന്​ സൂപ്പർതാരം നെയ്​മറിന് രണ്ട്​ കളികളിൽ​ വിലക്ക്​. മാഴ്​സ താരം അല്‍വാരോ ഗോണ്‍സാലസുമായായിരുന്നു നെയ്​മറി​െൻറ ഉരസൽ. അന്നത്തെ മത്സരത്തിൽ ഇരുടീമിലുമായി അഞ്ചുപേരെയാണ്​ റഫറി ചുവപ്പുകാർഡ്​ നൽകി പുറത്താക്കിയത്​. അതേസമയം, നെയ്​മറിനെതിരെ വംശീയാധിക്ഷേപം നടത്തിയതി​െൻറ പേരിൽ അല്‍വാരോയ്‌ക്കെതിരെ അന്വേഷണം നടത്തുമെന്നും ലീഗ് വണ്‍ സംഘാടകര്‍ അറിയിച്ചിട്ടുണ്ട്​.

പിഎസ്ജി പ്രതിരോധ നിര താരം ലെയ്വിന്‍ കുര്‍സാവക്ക് ആറ് മത്സരങ്ങളിലാണ് വിലക്കേര്‍പ്പെടുത്തിയത്. മാഴ്‌സെ ഡിഫൻറര്‍ ജോര്‍ദാന്‍ അമാവിക്ക് മൂന്ന് മത്സരങ്ങളില്‍ നിന്നും വിലക്ക് വന്നു. മത്സരത്തിൽ പിഎസ്ജി 1-0ന് തോറ്റിരുന്നു. ചാമ്പ്യൻ പി.എസ്​.ജിയുടെ സീസണിലെ തുടർച്ചയായ രണ്ടാം തോൽവിയായിരുന്നു കഴിഞ്ഞ ദിവസത്തിലേത്​.

ചുവപ്പുകാര്‍ഡ് കണ്ടതിനെ തുടര്‍ന്ന് പിഎസ്ജിയുടെ മെറ്റ്‌സിനെതിരായ മത്സരം നെയ്മര്‍ക്ക് നഷ്ടമായിരുന്നു. സെപ്തംബര്‍ 27ന് നടക്കുന്ന പിഎസ്ജിയുടെ സ്റ്റെഡ് ഡെ റെയിംസിന് എതിരായ മത്സരത്തോടെയാവും നെയ്മര്‍ ടീമിലേക്ക് തിരികെ എത്തുക. മാഴ്‌സെയുടെ സ്‌ട്രൈക്കര്‍ ബെനെഡെറ്റോയ്ക്ക് ഒരു കളിയില്‍ വിലക്കേര്‍പ്പെടുത്തി.

കളിക്കു ​ശേഷമാണ്​ എതിർ ടീം അൽവാരോ ഗോൺസാലസ്​ വംശീയാധിക്ഷേപം നടത്തിയെന്ന പരാതിയുമായി നെയ്​മർ രംഗത്തെത്തിയത്​. ഇതുകാരണമാണ്​ ഗോൺസാലസി​െൻറ തലക്കു പിന്നിൽ താൻ ഇടിച്ചതെന്നും നെയ്​മർ വ്യക്തമാക്കുന്നു. കളത്തിലെ സംഘർഷത്തിനിടെ ഗോൺസാലസ്​ തന്നെ കുരങ്ങൻ എന്ന്​ വിളി​െച്ചന്നും ഇതാണ്​ പ്രകോപിപ്പിച്ചതെന്നുമാണ്​ നെയ്​മറി​െൻറ ആരോപണം.