യൂറോപ്പിൽ അട്ടിമറി; സ്​പെയിനിനെ തോൽപിച്ച്​ യുക്രെയ്​ൻ

കിവ്​: യുവേഫ നാഷൻസ്​ ലീഗിൽ അട്ടിമറിയുടെ ദിനം. കരുത്തരായ സ്​പെയിനിനെ യുക്രെയ്​ൻ 1-0ത്തിന്​ വീഴ്​ത്തിയപ്പോൾ, കൊളോണിൽ ജർമനിയെ സ്വിറ്റ്​സർലൻഡ്​ 3-3ന്​ പിടിച്ചുകെട്ടി. ലീഗ്​ 'എ'യിലെ ഗ്രൂപ്​ നാലിലെ മത്സരങ്ങളിലായിരുന്നു അപ്രതീക്ഷിത ഫലങ്ങൾ. ആന്ദ്രെ ഷെവ്​ചെ​േങ്കായുടെ ടീം ഇതുവരെ കണ്ടതിനേക്കാൾ കടുപ്പമായിരുന്നു.

കിവിലെ ഒളിമ്പിക്​ സ്​റ്റേഡിയത്തിൽ ആരവമുയർത്തിയ 17,000ത്തോളം കാണികളുടെ നടുവിൽ അവർ സ്​പെയിനിനെ വിറപ്പിച്ചു. ആദ്യ പകുതിയിൽ ഏതു​ നിമിഷവും ഗോൾ എന്ന നിലയിലായിരുന്നു റോഡ്രിഗോ, അൻസു ഫാതി, സെർജിയോ റാമോസ്​ തുടങ്ങിയ സൂപ്പർതാരങ്ങളുടെ ശ്രമങ്ങൾ. എന്നാൽ, എല്ലാത്തിനു മുന്നിൽ യു​െ​ക്രയ്​ൻ ഗോളി ജോർജി ബുഷ്​ചാൻ വൻമതിൽ തീർത്തതോടെ സ്​പെയിൻ നിരാശരായി.

അതേസമയം, രണ്ടാം പകുതിയിലെ 76ാം മിനിറ്റിൽ ഉജ്വലമായൊരു കൗണ്ടർ അറ്റാക്ക്​ ഗോളാക്കി വിക്​ടർ സിഗൻകോവ്​ യുക്രെയി​​ന്​ ജയം സമ്മാനിച്ചു. യാർമലെ​േങ്കാ നീട്ടി നൽകിയ ക്രോസ്​ ബോക്​സിന്​ പുറത്തുനിന്നും ലോങ്​റേഞ്ചിലൂടെ വലയിലെത്തിച്ചാണ്​ ഡൈനാമോ കിവ്​ താരം സ്​പെയിനിനെതിരെ യുക്രെയിനി​​െൻറ ചരിത്രത്തിലെ ആദ്യ ജയം സമ്മാനിച്ചത്​.

ജർമൻ മണ്ണിലായിരുന്നു മറ്റൊരു അട്ടിമറി ഫലം. ലീഡ്​ പിടിച്ച സ്വിറ്റ്​സർലൻഡിനെതിരെ പിന്നിൽ നിന്ന്​ പൊരുതിക്കയറിയാണ്​ ജർമനി സമനില നേടിയത്​. മരിയോ ഗവ്​​റനോവിച്​ (5), റിമോ ​ഫ്ര്യൂലർ (26) എന്നിവരുടെ ഗോളിലൂടെ സ്വിറ്റ്​സർലൻഡ്​ ആദ്യം ഗോൾ നേടി.

തിമോ വെർണർ (28), ഹാവെർട്​സ്​ (55) എന്നിവർ ജർമനിക്ക്​ ലൈഫ്​ നൽകി​യെങ്കിലും 56ാം മിനിറ്റിൽ ഗവ്​​റനോവിചി​െൻറ രണ്ടാം ഗോളിലൂടെ സ്വിറ്റ്​സർലൻഡ്​ വീണ്ടും മുന്നിലെത്തി. ഒടുവിൽ സെർജി നാബ്രിയാണ്​ (60) ജർമനിക്ക്​ സമനില സമ്മാനിച്ചത്​. ഗ്രൂപിൽ സ്​പെയിൻ (7) തന്നെയാണ്​ ഒന്നാമത്​.