ദേ​ശീ​യ ഗെ​യിം​സ് ഫു​ട്ബാ​ൾ: മ​ണി​പ്പൂ​രി​നെ​ വീഴ്ത്തി കേ​ര​ളം

ഫ​ട്ടോ​ർ​ഡ: ദേ​ശീ​യ ഗെ​യിം​സ് ഫു​ട്ബാ​ളി​ലെ നി​ർ​ണാ​യ​ക മ​ത്സ​ര​ത്തി​ൽ ക​രു​ത്ത​രാ​യ മ​ണി​പ്പൂ​രി​നെ​തി​രെ കേ​ര​ള​ത്തി​ന് ജ​യം (3-1). കേ​ര​ള​ത്തി​നാ​യി വി. ​അ​ര്‍ജു​ൻ, മു​ഹ​മ്മ​ദ് ആ​ഷി​ഖ്, കെ. ​അ​ബ്ദു​ൽ റ​ഹീം എ​ന്നി​വ​ർ ഗോ​ൾ നേ​ടി​യ​പ്പോ​ൾ പെ​ബം​റെ​ന്‍ഡി സി​ങ്ങാ​ണ് മ​ണി​പ്പൂ​രി​നാ​യി ഗോ​ൾ ക​ണ്ടെ​ത്തി​യ​ത്.

സെ​മി സാ​ധ്യ​ത​ക​ൾ നി​ല​നി​ർ​ത്താ​ൻ ജ​യം അ​നി​വാ​ര്യ​മാ​യി​രു​ന്ന കേ​ര​ളം ആ​ദ്യം മു​ത​ൽ ആ​ക്ര​മി​ച്ചാ​ണ് ക​ളി​ച്ച​ത്. ഇ​തി​ന് ഏ​ഴാം മി​നി​റ്റി​ല്‍ വി. ​അ​ര്‍ജു​നി​ലൂ​ടെ ഫ​ലം ക​ണ്ടു (1-0). എ​ന്നാ​ല്‍, ഒ​മ്പ​താം മി​നി​റ്റി​ൽ മ​ണി​പ്പൂ​ര്‍ ഗോ​ൾ മ​ട​ക്കി. പെ​ബം റെ​ൻ​ഡി സി​ങ്ങാ​യി​രു​ന്നു സ്കോ​റ​ർ(1-1). 39ാം മി​നി​റ്റി​ൽ മു​ഹ​മ്മ​ദ് ആ​ഷി​ഖി​ലൂ​ടെ കേ​ര​ളം വീ​ണ്ടും ലീ​ഡ് നേ​ടി (2-1).

ര​ണ്ടാം പ​കു​തി​യു​ടെ എ​ക്സ്ട്രാ ടൈ​മി​ലാ​യി​രു​ന്നു കേ​ര​ള​ത്തി​ന്റെ മൂ​ന്നാം ഗോ​ൾ. കെ. ​അ​ബ്ദു​ൽ റ​ഹീ​മാ​ണ് വ​ല​കു​ലു​ക്കി​യ​ത് (3-1). മ​ത്സ​ര​ത്തി​ന്റെ അ​വ​സാ​ന​നി​മി​ഷം കേ​ര​ള താ​രം റി​സ്വാ​ന്‍ അ​ലി ചു​വ​പ്പ് കാ​ര്‍ഡ് ക​ണ്ട് പു​റ​ത്താ​യി. ശ​നി​യാ​ഴ്ച വൈ​കി​ട്ട് നാ​ലി​ന് മേ​ഘാ​ല​യ​ക്കെ​തി​രെ​യാ​ണ് കേ​ര​ള​ത്തി​ന്റെ അ​വ​സാ​ന ഗ്രൂ​പ് മ​ത്സ​രം.