ഫു​ട്ബാ​ളി​ൽ കേ​ര​ള​ത്തി​ന് വെ​ങ്ക​ലം

ഫ​ട്ടോ​ർ​ഡ: ദേ​ശീ​യ ഗെ​യിം​സ് പു​രു​ഷ ഫു​ട്ബാ​ളി​ൽ കേ​ര​ള​ത്തി​ന് വെ​ങ്ക​ലം. സ​ഡ​ൻ ഡെ​ത്തി​ലേ​ക്ക് നീ​ണ്ട ലൂ​സേ​ഴ്സ് ഫൈ​ന​ലി​ൽ പ​ഞ്ചാ​ബി​നെ (4-3) തോ​ൽ​പ്പി​ച്ചാ​ണ് മെ​ഡ​ൽ നേ​ട്ടം. ഗോ​ൾ​കീ​പ്പ​ർ മു​ഹ​മ്മ​ദ് അ​സ്ഹ​ർ ന​ട​ത്തി​യ ത​ക​ർ​പ്പ​ൻ ര​ക്ഷ​പ്പെ​ടു​ത്ത​ലാ​ണ് കേ​ര​ള​ത്തി​ന് തു​ണ​യാ​യ​ത്. നി​ശ്ചി​ത സ​മ​യ​ത്ത് കേ​ര​ള​വും പ​ഞ്ചാ​ബും ഗോ​ളൊ​ന്നും അ​ടി​ക്കാ​തെ സ​മ​നി​ല പാ​ലി​ച്ചു (0-0). അ​ധി​ക​സ​മ​യ​ത്തും ഗോ​ൾ പി​റ​ന്നി​ല്ല. പെ​നാ​ൽ​റ്റി ഷൂ​ട്ടൗ​ട്ടി​ൽ സ്കോ​ർ 3-3. ഇ​തോ​ടെ മ​ത്സ​രം സ​ഡ​ൻ ഡെ​ത്തി​ലേ​ക്ക് നീ​ണ്ടു.

കേ​ര​ള​ത്തി​നാ​യി കി​ക്കെ​ടു​ത്ത രി​സ്‍വാ​ൻ അ​ലി പ​ന്ത് പ​ഞ്ചാ​ബ് വ​ല​യി​ലാ​ക്കി. എ​ന്നാ​ൽ, പ​ഞ്ചാ​ബ് താ​ര​ത്തി​ന്റെ കി​ക്ക് കേ​ര​ള പൊ​ലീ​സി​ന്റെ താ​ര​മാ​യ അ​സ്ഹ​ർ ത​ടു​ത്തി​ടു​ക​യാ​യി​രു​ന്നു. ക്യാ​പ്റ്റ​ൻ ജി. ​സ​ഞ്ജു, വി. ​അ​ർ​ജു​ൻ, ബെ​ൽ​ജിം ബോ​സ്റ്റ​ർ എ​ന്നി​വ​രാ​ണ് കേ​ര​ള​ത്തി​നാ​യി പെ​നാ​ൽ​റ്റി​യി​ലൂ​ടെ ഗോ​ൾ ക​ണ്ടെ​ത്തി​യ മ​റ്റു​ള്ള​വ​ർ. സ​ർ​വി​സ​സി​നാ​ണ് സ്വ​ർ​ണം. ഫൈ​ന​ലി​ൽ ഇ​വ​ർ മ​ണി​പ്പൂ​രി​നെ പ​രാ​ജ​യ​പ്പെ​ടു​ത്തി (3-1). ക​ഴി​ഞ്ഞ ഗെ​യിം​സി​ൽ കേ​ര​ള​ത്തി​ന് വെ​ള്ളി​യാ​ണ് ല​ഭി​ച്ച​ത്.