സീരി എ യിൽ ഫോട്ടോ ഫിനിഷ്; ചാമ്പ്യൻമാരായി നാപ്പോളി

റോം: ​പ​തി​റ്റാ​ണ്ടു​ക​ൾ അ​ക​ലെ മ​റ​ഡോ​ണ​യു​ടെ സു​വ​ർ​ണ പാ​ദ​ങ്ങ​ൾ സ​ഹാ​യി​ച്ച് സ​മാ​ന​ത​ക​ളേ​റെ​യി​ല്ലാ​തെ നേ​ട്ട​ങ്ങ​ൾ പി​ടി​ച്ച ഓ​ർ​മ​ക​ളി​ലേ​ക്ക് ഒ​രി​ക്ക​ലൂ​ടെ ഗോ​ള​ടി​ച്ചു​ക​യ​റി നാ​പ്പോ​ളി. ഇ​റ്റാ​ലി​യ​ൻ ലീ​ഗാ​യ സീ​രി എ​യി​ൽ നി​ർ​ണാ​യ​ക​മാ​യ അ​വ​സാ​ന അ​ങ്കം ജ​യി​ച്ചാ​ണ് ക​ഴി​ഞ്ഞ വ​ർ​ഷ​ത്തെ ചാ​മ്പ്യ​ന്മാ​രാ​യ ഇ​ന്റ​ർ മി​ലാ​നെ ഒ​രു പോ​യ​ന്റ് അ​ക​ല​ത്തി​ൽ മ​റി​ക​ട​ന്ന് ടീം ​മൂ​ന്ന് സീ​സ​ണി​നി​ടെ ര​ണ്ടാം കി​രീ​ടം ചൂ​ടി​യ​ത്.

ക​ഗി​ലാ​രി​ക്കെ​തി​രെ എ​തി​രി​ല്ലാ​ത്ത ര​ണ്ട് ഗോ​ളി​നാ​യി​രു​ന്നു ജ​യം. സ്‌​കോ​ട്ട് മ​ക്‌​ടോ​മി​ന​യ്, റൊ​മേ​ലു ലു​ക്കാ​ക്കൂ എ​ന്നി​വ​ർ നാ​പ്പോ​ളി​ക്കാ​യി വ​ല കു​ലു​ക്കി. ക​ഴി​ഞ്ഞ സീ​സ​ൺ അ​വ​സാ​ന​ത്തോ​ടെ യു​നൈ​റ്റ​ഡ് വി​ട്ട് എ​ത്തി​യ മ​ക്ടോ​മി​ന​യ്ക്ക് ഇ​റ്റാ​ലി​യ​ൻ ലീ​ഗി​ലെ അ​ര​ങ്ങേ​റ്റം കി​രീ​ട​ത്തോ​ടെ​യാ​യി.

സീ​സ​ണി​ലെ അ​വ​സാ​ന മ​ത്സ​ര​ത്തി​ൽ ഇ​ന്റ​ർ മി​ലാ​ൻ കോ​മോ​യെ എ​തി​രി​ല്ലാ​ത്ത ര​ണ്ട് ​ഗോ​ളു​ക​ൾ​ക്ക് തോ​ൽ​പി​ച്ചു. ഇ​തോ​ടെ 38 മ​ത്സ​ര​ങ്ങ​ളി​ൽ നി​ന്ന് 24 വി​ജ​യ​വും ഒ​മ്പ​ത് സ​മ​നി​ല​യും അ​ഞ്ച് തോ​ൽ​വി​യും ഉ​ൾ​പ്പെ​ടെ ഇ​ന്റ​ർ മി​ലാ​ൻ 81 പോ​യ​ന്റു​ക​ൾ നേ​ടി. ഒ​രു പോ​യ​ന്റ് അ​ധി​ക​മു​ള്ള നാ​പ്പോ​ളി​ക്ക് 24 വി​ജ​യ​വും 10 സ​മ​നി​ല​യും നാ​ല് തോ​ൽ​വി​യും ഉ​ൾ​പ്പെ​ടെ 82 പോ​യ​ന്റു​ണ്ട്.

സീ​രി എ​യി​ൽ നാ​പ്പോ​ളി​യു​ടെ നാ​ലാം കി​രീ​ട​മാ​ണി​ത്. 1987, 1990 സീ​സ​ണു​ക​ളി​ൽ ഡീ​​ഗോ മ​റ​ഡോ​ണ​യു​ടെ മാ​ന്ത്രി​ക​ത​യി​ൽ ആ​ദ്യ ര​ണ്ട് ത​വ​ണ നാ​പ്പോ​ളി സീ​രി എ ​ചാ​മ്പ്യ​ന്മാ​രാ​യി.

എ​ന്നാ​ൽ, മ​റ​ഡോ​ണ ക​ളം വി​ട്ട​തോ​ടെ വീ​ണ്ടു​മൊ​രു സീ​രി എ ​കി​രീ​ട​ത്തി​നാ​യി നാ​പ്പോ​ളി​ക്ക് കാ​ത്തി​രി​ക്കേ​ണ്ടി വ​ന്നു. ഒ​ടു​വി​ൽ 2022-23 സീ​സ​ണി​ൽ 33 വ​ർ​ഷ​ത്തി​നു​ശേ​ഷം നാ​പ്പോ​ളി ഇ​റ്റാ​ലി​യ​ൻ ഫു​ട്ബാ​ളി​ന്റെ ചാ​മ്പ്യ​ൻ പ​ട്ടം അ​ല​ങ്ക​രി​ച്ചു. ക​ഴി​ഞ്ഞ സീ​സ​ണി​ൽ വ​ൻ​ത​ക​ർ​ച്ച നേ​രി​ട്ട നാ​പ്പോ​ളി 10ാം സ്ഥാ​ന​ത്താ​ണ് ഫി​നി​ഷ് ചെ​യ്ത​ത്. ഒ​രു വ​ർ​ഷ​ത്തെ ഇ​ട​വേ​ള​ക്കു​ശേ​ഷം നാ​പ്പോ​ളി തെ​രു​വ് വീ​ണ്ടും കി​രീ​ട നേ​ട്ട​ത്തി​ന്റെ ആ​ഘോ​ഷ​ത്തി​ലാ​ണ്.