ഇഞ്ചോടിഞ്ചിൽ ഗോവ വീണു; ത്രില്ലർ പോരിനൊടുവിൽ മുംബൈ ഫൈനലിൽ

ബാം​ബോ​ലിം:നിശ്ചിത സമയവും എക്​സ്​ട്രാ സമയവും കഴിഞ്ഞിട്ടും ഗോളൊന്നും വീണില്ല. ഒടുവിൽ വിജയിയെ നിർണയിക്കാൻ മത്സരം ഷൂട്ടൗട്ടിലേക്ക്​. 120 മി​നി​റ്റ്​ ക​ളി​ച്ചി​ട്ടും ഗോ​ൾ​ര​ഹി​ത​മാ​യി പി​രി​ഞ്ഞ ക​ളി ഷൂ​ട്ടൗ​ട്ടി​ലും സ്​​കോ​ർ​ബോ​ർ​ഡ്​ മു​റി​ച്ചി​ല്ല (2-2). ഒ​ടു​വി​ൽ സ​ഡ​ൻ​ഡെ​ത്തി​ലെ നാ​ലാം കി​ക്ക്​ വി​ധി നി​ർ​ണ​യി​ച്ചു. ഗോ​വ​യു​ടെ ഗ്ലാ​ൻ മാ​ർ​ടി​ൻ​സ്​ പു​റ​ത്തേ​ക്ക​ടി​ച്ച​പ്പോ​ൾ, മും​ബൈ​യു​ടെ റൗ​ളി​ൻ ബോ​ർ​ജ​സ്​ വ​ല​കു​ലു​ക്കി. ഷൂ​ട്ടൗ​ട്ടി​ൽ ഇ​രു ടീ​മി​നും ര​ണ്ടു​ കി​ക്ക്​ മാ​ത്ര​മേ വ​ല​യി​ലെ​ത്തി​ക്കാ​ൻ ക​ഴി​ഞ്ഞു​ള്ളൂ. ഇ​താ​ദ്യ​മാ​യാ​ണ്​ മും​ബൈ ഫൈ​ന​ലി​ന്​ യോ​ഗ്യ​ത നേ​ടു​ന്ന​ത്.

ഇരുടീമുകളും ഒപ്പത്തിനൊപ്പം നിന്ന മത്സരത്തിൽ കൂടുതൽ അവസരങ്ങൾ തുറന്നത്​ എഫ്​.സി ഗോവയായിരുന്നെങ്കിലും ഗോൾവലക്ക്​ മുമ്പിൽ വൻമരം കണക്കേ നിന്ന ഗോൾകീപ്പർ അമരീന്ദർ സിങ്ങിനെ മറികടക്കാനായില്ല. പ​രി​ച​യ​സ​മ്പ​ന്ന​രാ​യ ജോ​ർ​ജ്​ ആ​ർ​ടി​സും എ​ഡു ബേ​ഡി​യ​യും മു​ന്നേ​റ്റം ന​യി​ച്ച​പ്പോ​ൾ, മും​ബൈ പ്ര​തി​രോ​ധ​നി​ര​ക്ക്​ പി​ടി​പ്പ​തു പ​ണി​യാ​യി. മും​ബൈ​യു​ടെ മ​റു​പ​കു​തി​യി​ൽ ആ​ഡം ഫോ​ണ്ടെ​യും ഹ്യൂ​ഗോ ബൗ​മ​സു​മാ​യി​രു​ന്നു 90 മി​നി​റ്റ്​ നി​യ​ന്ത്രി​ച്ച​ത്. എ​ന്നാ​ൽ, മി​ക​ച്ച മു​ന്നേ​റ്റ​ങ്ങ​ൾ​കൊ​ണ്ട്​ ക​ളം​ഭ​രി​ച്ച​ത്​ ഗോ​വ​യാ​യി​രു​ന്നു. ബേ​ഡി​യ, ഓ​ർ​ടി​സ്, ആ​ൽ​ബ​ർ​ടോ നൊ​ഗ്വേ​ര കൂ​ട്ടി​‍െൻറ ആ​ക്ര​മ​ണം​കൊ​ണ്ട്​ മു​ർ​ത​ദ ഫാ​ളും ഹെ​ർ​നാ​നും ന​യി​ച്ച മും​ബൈ പ്ര​തി​രോ​ധം വീ​ർ​പ്പു​മു​ട്ടി. പലപ്പോഴും ഭാഗ്യത്തിന്‍റെ കൂടി അകമ്പടിയിലാണ്​ മുംബൈ രക്ഷപ്പെട്ടത്​. ആദ്യപാദത്തിൽ ഏറ്റുമുട്ടിയപ്പോൾ ഇരുടീമുകളും 2-2ന്​ സമനിലയിൽ പിരിഞ്ഞിരുന്നു.