സ്വ​പ്ന​ത്തി​ലേ​ക്ക് ഓ​ടി​ച്ചാ​ടി ജാ​ബി​റി​ന് ടോ​ക്യോ ടി​ക്ക​റ്റ്

മ​ല​പ്പു​റം: ഒ​ന്നേ​കാ​ൽ നൂ​റ്റാ​ണ്ട് തി​ക​യു​ന്ന ഇ​ന്ത്യ​ൻ ഒ​ളി​മ്പി​ക്സ് ച​രി​ത്ര​ത്തി​ലേ​ക്ക് മ​ല​യാ​ള​ത്തി​ൽ നി​ന്നൊ​രു പേ​ര് കൂ​ടി. ടോ​ക്യോ ഒ​ളി​മ്പി​ക്സി​ൽ 400 മീ​റ്റ​ർ ഹ​ർ​ഡ്ൽ​സി​ൽ പ​ങ്കെ​ടു​ക്കാ​ൻ ആ​ന​ക്ക​യം പ​ന്ത​ല്ലൂ​ർ സ്വ​ദേ​ശി എം.​പി. ജാ​ബി​റാ​ണ്​ യോ​ഗ്യ​ത നേ​ടി​യ​ത്. ലോ​ക​റാ​ങ്കി​ൽ 32ാമ​നെ​ന്ന നി​ല​യി​ലാ​ണ് ടി​ക്ക​റ്റ്. അ​ഞ്ച​ര പ​തി​റ്റാ​ണ്ടി​നി​ടെ ഒ​ളി​മ്പി​ക്സ് 400 മീ​റ്റ​ർ ഹ​ർ​ഡ്ൽ​സി​ൽ ഒ​രു പു​രു​ഷ അ​ത്​​ല​റ്റും രാ​ജ്യ​ത്തെ പ്ര​തി​നി​ധീ​ക​രി​ച്ചി​ട്ടി​ല്ല. പി.​ടി. ഉ​ഷ​ക്ക് ശേ​ഷം ഈ​യി​ന​ത്തി​ൽ മ​ത്സ​രി​ക്കു​ന്ന ആ​ദ്യ മ​ല​യാ​ളി​യു​മാ​ണ് ജാ​ബി​ർ. കോ​വി​ഡ് പ്ര​തി​സ​ന്ധി​യി​ൽ ര​ണ്ട് വ​ർ​ഷ​ത്തോ​ള​മാ​യി മ​ത്സ​ര​ങ്ങ​ളി​ലൊ​ന്നും പ​ങ്കെ​ടു​ക്കാ​ത്ത​തി​നാ​ൽ 2019ലെ 21ാം ​റാ​ങ്കി​ൽ​നി​ന്ന് താ​ഴേ​ക്ക് പോ​യി 32ലെ​ത്തി​യെ​ങ്കി​ലും ആ​ദ്യ 40ലു​ള്ള​തി​നാ​ൽ സ്വ​പ്നം സാ​ക്ഷാ​ത്​​ക​രി​ക്കാ​നാ​യി.

പ​ഞ്ചാ​ബി​ലെ പ​ട്യാ​ല​യി​ൽ ന​ട​ന്ന ദേ​ശീ​യ ഇ​ൻ​റ​ർ​സ്​​റ്റേ​റ്റ് അ​ത്​​ല​റ്റി​ക് ചാ​മ്പ്യ​ൻ​ഷി​പ്പി​ൽ 49.78 സെ​ക്ക​ൻ​ഡി​ൽ ഫി​നി​ഷ് ചെ​യ്ത് സ്വ​ർ​ണം നേ​ടി​യ​താ​ണ് ഏ​റ്റ​വും ഒ​ടു​വി​ല​ത്തെ പ്ര​ക​ട​നം. പ​ന്ത​ല്ലൂ​ർ മു​ടി​ക്കോ​ട് മ​ദാ​രി​പ്പ​ള്ളി​യാ​ലി​ൽ ഹം​സ​യു​ടെ​യും ഷെ​റീ​ന​യു​ടെ​യും മ​ക​നാ​യ ജാ​ബി​ർ, ഹൈ​സ്കൂ​ൾ വി​ദ്യാ​ർ​ഥി​യാ​യി​രി​ക്കെ 400 മീ​റ്റ​ർ ഓ​ട്ട​ത്തി​ലും 400 മീ​റ്റ​ർ ഹ​ർ​ഡ്ൽ​സി​ലും പ​ങ്കെ​ടു​ത്താ​ണ് സം​സ്ഥാ​ന​ത​ല​ത്തി​ൽ ശ്ര​ദ്ധി​ക്ക​പ്പെ​ടു​ന്ന​ത്. 2013ലെ ​സം​സ്ഥാ​ന സ്കൂ​ൾ കാ​യി​കോ​ത്സ​വ​ത്തി​ൽ പ​ന്ത​ല്ലൂ​ർ എ​ച്ച്.​എ​സ്.​എ​സി​നു​വേ​ണ്ടി 400 മീ​റ്റ​ർ ഹ​ർ​ഡി​ൽ​സ് സ്വ​ർ​ണം. പ്ല​സ് ടു​വി​ന് ത​വ​നൂ​ർ കേ​ള​പ്പ​ന്‍ മെ​മ്മോ​റി​യ​ല്‍ വൊ​ക്കേ​ഷ​ന​ല്‍ ഹ​യ​ര്‍ സെ​ക്ക​ന്‍ഡ​റി സ്കൂ​ളി​ൽ. ഇ​വി​ടെ പ്ര​ഫ​ഷ​ന​ൽ സ്പോ​ർ​ട്സ് അ​ക്കാ​ദ​മി​യി​ൽ ചേ​ർ​ന്ന​ത് വ​ഴി​ത്തി​രി​വാ​യി.

ദേ​ശീ​യ സ്കൂ​ൾ മീ​റ്റ് സ്വ​ർ​ണ​മ​ട​ക്കം നി​ര​വ​ധി മെ​ഡ​ലു​ക​ൾ. 2015ൽ ​നാ​വി​ക​സേ​ന​യി​ൽ ജോ​ലി കി​ട്ടി. 2017ൽ ​ഭു​വ​നേ​ശ്വ​റി​ലും 2019ൽ ​ദോ​ഹ​യി​ലും ന​ട​ന്ന ഏ​ഷ്യ​ൻ അ​ത്​​ല​റ്റി​ക് ചാ​മ്പ്യ​ൻ​ഷി​പ്പു​ക​ളി​ൽ രാ​ജ്യ​ത്തി​ന് വെ​ങ്ക​ല മെ​ഡ​ലു​ക​ൾ നേ​ടി​ക്കൊ​ടു​ത്തു. ദോ​ഹ​യി​ലെ 49.13 സ​മ​യ​ത്തി​ലൂ​ടെ ലോ​ക് അ​ത്​​ല​റ്റി​ക് ചാ​മ്പ്യ​ൻ​ഷി​പ് യോ​ഗ്യ​ത. 2019ൽ ​ദോ​ഹ​യി​ൽ​ത്ത​ന്നെ​യാ​യി​രു​ന്നു ലോ​ക ചാ​മ്പ്യ​ൻ​ഷി​പ്. സെ​മി ഫൈ​ന​ലി​ൽ ക​ട​ക്കു​ന്ന ആ​ദ്യ ഇ​ന്ത്യ​ക്കാ​ര​നെ​ന്ന നേ​ട്ട​വും സ്വ​ന്ത​മാ​ക്കി. കൊ​ച്ചി സ​തേ​ൺ നേ​വ​ൽ ക​മാ​ൻ​ഡി​ൽ ചീ​ഫ് പെ​റ്റി ഒാ​ഫി​സ​റാ​ണ് ജാ​ബി​ർ ഇ​പ്പോ​ൾ. പ​ന്ത​ല്ലൂ​ർ സ്കൂ​ളി​ലെ വി.​പി. സു​ധീ​ർ, പ്ര​ഫ​ഷ​ന​ൽ സ്പോ​ർ​ട്സ് അ​ക്കാ​ദ​മി​യി​ലെ എം.​വി. അ​ജ​യ​ൻ, കോ​ട്ട​യം സ്പോ​ർ​ട്സ് ഹോ​സ്​​റ്റ​ലി​ലെ വി​ന​യ​ച​ന്ദ്ര​ൻ എ​ന്നി​വ​ർ പ്ര​ധാ​ന പ​രി​ശീ​ല​ക​രാ​ണ്. കെ.​ടി. ഇ​ർ​ഫാ​നു​ശേ​ഷം മ​ല​പ്പു​റം ജി​ല്ല​യി​ൽ​നി​ന്ന് ഒ​ളി​മ്പി​ക് യോ​ഗ്യ​ത നേ​ടു​ന്ന ആ​ദ്യ അ​ത്​​ല​റ്റു​മാ​ണ് 25കാ​ര​നാ​യ ജാ​ബി​ർ.