എക്സ്ട്രാടൈം ഗോളിൽ ഐ.എസ്.എൽ കപ്പടിച്ച് ബഗാൻ; ബംഗളൂരുവിനെ കീഴടക്കിയത് ഒന്നിനെതിരെ രണ്ട് ഗോളിന്

​കൊ​ൽ​ക്ക​ത്ത: സാ​ൾ​ട്ട് ലേ​ക്ക് സ്റ്റേ​ഡി​യ​ത്തി​ൽ തി​ങ്ങി​നി​റ​ഞ്ഞ ആ​യി​ര​ങ്ങ​ളു​ടെ ആ​ർ​പ്പു​വി​ളി​ക​ൾ വെ​റു​തെ​യാ​യി​ല്ല. ഇ​ന്ത്യ​ൻ സൂ​പ്പ​ർ ലീ​ഗ് ഫു​ട്ബാ​ൾ പോ​യ​ന്റ് നി​ല​യി​ൽ ഒ​ന്നാ​മ​തെ​ത്തി സ്വ​ന്ത​മാ​ക്കി​യ ഷീ​ൽ​ഡി​ന് പി​ന്നാ​ലെ കി​രീ​ട​വും സ്വ​ന്ത​മാ​ക്കി മോ​ഹ​ൻ ബ​ഗാ​ന്റെ ജൈ​ത്ര​യാ​ത്ര​ക്ക് സ്വ​പ്ന​തു​ല്യ​മാ​യ പ​രി​സ​മാ​പ്തി. അ​ധി​ക​സ​മ​യ​ത്തേ​ക്ക് നീ​ണ്ട ക​ലാ​ശ​പ്പോ​രാ​ട്ട​ത്തി​ൽ ബം​ഗ​ളൂ​രു എ​ഫ്.​സി‍യെ ഒ​ന്നി​നെ​തി​രെ ര​ണ്ട് ഗോ​ളി​നാ​ണ് തോ​ൽ​പി​ച്ച​ത്. ഈ ​സീ​സ​ണി​ൽ ഹോം ​മൈ​താ​ന​ത്ത് ഒ​രു തോ​ൽ​വി പോ​ലു​മി​ല്ലാ​തെ​യാ​ണ് ബ​ഗാ​ൻ ര​ണ്ടാം കി​രീ​ട​ത്തി​ൽ മു​ത്ത​മി​ട്ട​ത്. ബം​ഗ​ളൂ​രു​വി​നോ​ട് ഒ​രു ഗോ​ളി​ന് പി​ന്നി​ൽ​നി​ന്ന ശേ​ഷം ഉ​ജ്ജ്വ​ല​മാ​യി തി​രി​ച്ചു​വ​രു​ക​യാ​യി​രു​ന്നു ആ​തി​ഥേ​യ​ർ. ആ​ൽ​ബ​ർ​ട്ടോ റോ​ഡ്രി​ഗ​സി​ന്റെ സെ​ൽ​ഫ് ഗോ​ളി​ൽ പി​ന്നി​ലാ​യി​പ്പോ​യ ആ​തി​ഥേ​യ​ർ, ജേസ​ൻ ക​മ്മി​ങ്സി​ന്റെ പെ​നാ​ൽ​റ്റി ഗോ​ളി​ലൂ​ടെ സ​മ​നി​ല പി​ടി​ച്ചു. എ​ക്സ്ട്രാ ടൈ​മി​ന്റെ ആ​റാം​മി​നി​റ്റി​ൽ ജാ​മി മ​ക്‍ലാ​ര​ൻ വി​ജ​യ​ഗോ​ളും കു​റി​ച്ചു. ഐ.​എ​സ്.​എ​ൽ ഫൈ​ന​ലി​ൽ ഇ​തു​വ​രെ ഹോം ​മൈ​താ​ന​ത്ത് ആ​രും ജ​യി​ച്ചി​ട്ടി​ല്ലെ​ന്ന ച​രി​ത്ര​വും ബ​ഗാ​ൻ തി​രു​ത്തി. 2022-23 സീ​സ​ണി​ലും ബ​ഗാ​നോ​ട് ബം​ഗ​ളൂ​രു ഫൈ​ന​ലി​ൽ കീ​ഴ​ട​ങ്ങി​യി​രു​ന്നു.

എ​തി​ർ​മ​ട​യി​ൽ ബം​ഗ​ളൂ​രു

ഗാ​ല​റി നി​റ​ച്ചെ​ത്തി​യ കാ​ണി​ക​ൾ​ക്കു മു​ന്നി​ൽ സ്വ​ന്തം മൈ​താ​ന​ത്ത് ആ​ദ്യ​പ​കു​തി​യി​ൽ ലീ​ഡ് പി​ടി​ക്കാ​നു​ള്ള ബ​ഗാ​ന്റെ തു​ട​ർ​ച്ച​യാ​യ ശ്ര​മ​ങ്ങ​ൾ ക​ണ്ടാ​ണ് ആ​ദ്യ പ​കു​തി ആ​രം​ഭി​ച്ച​ത്. കി​ക്കോ​ഫി​ന് പി​ന്നാ​ലെ ബ​ഗാ​ൻ എ​തി​ർ മു​ഖ​ത്ത് അ​പ​ക​ട സൂ​ച​ന​യു​മാ​യെ​ത്തി. നാ​ലാം മി​നി​റ്റി​ൽ ആ​തി​ഥേ​യ ബോ​ക്സി​ലേ​ക്ക് ബം​ഗ​ളൂ​രു​വും ആ​ദ്യ റെ​യ്ഡ് ന​ട​ത്തി. ആ​ദ്യ പ​ത്തു മി​നി​റ്റി​ൽ മ​റൈ​നേ​ഴ്സ് വീ​ര്യം പ്ര​ക​ടി​പ്പി​ച്ച​പ്പോ​ൾ പി​ന്നീ​ട് ക​ളി​യു​ടെ ഗ​തി മാ​റി. ബ​ഗാ​നെ കാ​ഴ്ച​ക്കാ​രാ​ക്കി ബം​ഗ​ളൂ​രു തു​ട​ർ​ച്ച​യാ​യ ആ​ക്ര​മ​ണ​ങ്ങ​ൾ മെ​ന​ഞ്ഞു. റ​യാ​ൻ വി​ല്യം​സാ​യി​രു​ന്നു ബം​ഗ​ളൂ​രു നി​ര​യി​ൽ കൂ​ടു​ത​ൽ അ​പ​ക​ട​കാ​രി.

19ാം മി​നി​റ്റി​ൽ സു​നി​ൽ ഛേത്രി​യു​ടെ ഫ്രീ​ഹെ​ഡ​ർ എ​തി​ർ ക്യാ​പ്റ്റ​ൻ സു​ഭാ​ഷി​ഷ് ബോ​സ് ഗോ​ൾ​ലൈ​ന​ിന് മു​ന്നി​ൽ ര​ക്ഷ​പ്പെ​ടു​ത്തി. പി​ന്നാ​ലെ കോ​ർ​ണ​ർ നി​ന്നെ​ത്തി​യ പ​ന്തി​ൽ നം​ഗ്യാ​ൻ ബൂ​ട്ടി​യ​യു​ടെ ഷോ​ട്ട് പോ​സ്റ്റി​ലേ​ക്ക് വ​ള​ഞ്ഞി​റ​ങ്ങി​യെ​ങ്കി​ലും വി​ശാ​ൽ കെ​യ്ത്ത് ശ്ര​മ​ക​ര​മാ​യി ര​ക്ഷ​പ്പെ​ടു​ത്തി. 25ാം മി​നി​റ്റി​ൽ ബം​ഗ​ളൂ​രു​വി​ന് മു​ന്നി​ൽ റ​ഫ​റി വി​ല്ല​നാ​യി. പെ​നാ​ൽ​റ്റി ബോ​ക്സി​ൽ സു​ഭാ​ഷി​ഷ് ബോ​സി​ന്റെ കൈ​യി​ൽ പ​ന്ത് ത​ട്ടി​യെ​ങ്കി​ലും റ​ഫ​റി പെ​നാ​ൽ​റ്റി അ​നു​വ​ദി​ച്ചി​ല്ല. ക​ളി​യു​ടെ ഗ​തി​ക്ക് വി​പ​രീ​ത​മാ​യി 42ാം മി​നി​റ്റി​ൽ ബ​ഗാ​ന്റെ ഒ​രു ആ​ക്ര​മ​ണം ക​ണ്ടു. ബം​ഗ​ളൂ​രു താ​ര​ത്തി​ൽ​നി​ന്ന് പ​ന്ത് പി​ടി​ച്ചെ​ടു​ത്ത് ജേസ​ൻ ക​മ്മി​ങ്സ് ഗോ​ൾ​മു​ഖ​ത്തേ​ക്ക് ന​ൽ​കി​യ പാ​സ് പ​ക്ഷേ, ജാ​മി മ​ക്‍ലാ​ര​ന് എ​ത്തി​പ്പി​ടി​ക്കാ​നാ​യി​ല്ല.

തി​രി​ച്ച​ടി​ച്ച് ബ​ഗാ​ൻ

ആ​ദ്യ​പ​കു​തി​യി​ലെ ആ​ല​സ്യം മ​റ​ന്ന് ബ​ഗാ​ൻ കൂ​ടു​ത​ൽ ഉ​ണ​ർ​ന്നു ക​ളി​ച്ച​തോ​ടെ ര​ണ്ടാം പ​കു​തി ചൂ​ടേ​റി​യ​താ​യി. എ​ന്നാ​ൽ, ബ​ഗാ​ന്റെ ഗോ​ളി​നാ​യി ആ​ർ​ത്തു​വി​ളി​ച്ച സാ​ൾ​ട്ട് ലേ​ക്കി​ലെ പ​തി​നാ​യി​ര​ങ്ങ​ളെ നി​ശ്ശ​ബ്ദ​രാ​ക്കി 49ാം മി​നി​റ്റി​ൽ ബം​ഗ​ളൂ​രു ലീ​ഡ് പി​ടി​ച്ചു. വ​ല​തു ബോ​ക്സി​ന് പു​റ​ത്തു​നി​ന്ന് റ​യാ​ൻ വി​ല്യം​സ് തൊ​ടു​ത്ത പ​വ​ർ ഷോ​ട്ട് ത​ന്റെ ഇ​ട​തു​കാ​ൽ കൊ​ണ്ട് ക്ലി​യ​ർ ചെ​യ്യാ​ൻ ശ്ര​മി​ച്ച ബ​ഗാ​ന്റെ പ്ര​തി​രോ​ധ താ​രം ആ​ൽ​ബ​ർ​ട്ടോ റോ​ഡ്രി​ഗ​സി​ന് പി​ഴ​ച്ച​പ്പോ​ൾ പ​ന്ത് വ​ല​യി​ൽ (1-0). 62ാം മി​നി​റ്റി​ൽ ബ​ഗാ​ൻ ഇ​ര​ട്ട മാ​റ്റ​വു​മാ​യി ര​ണ്ട് മ​ല​യാ​ളി​ക​ളെ ക​ള​ത്തി​ലി​റ​ക്കി. ലി​സ്റ്റ​ൺ കൊ​ളാ​സോ​ക്ക് പ​ക​രം ആ​ഷി​ഖ് കു​രു​ണി​യ​നും അ​നി​രു​ദ്ധ് താ​പ്പ​ക്ക് പ​ക​രം സ​ഹ​ൽ അ​ബ്ദു​ൽ സ​മ​ദും എ​ത്തി. ഇ​തോ​ടെ ബ​ഗാ​ൻ തു​ട​ർ​ച്ച​യാ​യ ആ​ക്ര​മ​ണ​ങ്ങ​ൾ തീ​ർ​ത്തു.

71ാം മി​നി​റ്റി​ൽ ബ​ഗാ​ൻ പെ​നാ​ൽ​റ്റി​യി​ലൂ​ടെ സ​മ​നി​ല പി​ടി​ച്ചു. ജാ​മി മ​ക്‍ലാ​ര​ന്റെ ഷോ​ട്ട് ബോ​ക്സി​ൽ ജിം​ഗ്ലി​യ​ൻ സ​ന​യു​ടെ കൈ​യി​ൽ ത​ട്ടി​യ​തോ​ടെ റ​ഫ​റി പെ​നാ​ൽ​റ്റി വി​ധി​ച്ചു. കി​ക്കെ​ടു​ത്ത ജേസ​ൻ ക​മ്മി​ങ്സി​ന് പി​ഴ​ച്ച​ില്ല. പ​ന്തു​വ​ന്ന ദി​ശ​യി​ൽ ഗോ​ളി ഗു​ർ​​​പ്രീ​ത് ഡൈ​വ് ചെ​യ്തെ​ത്തു​മ്പോ​ഴേ​ക്കും പ​ന്ത് വ​ല കു​ലു​ക്കി (1-1). 90ാം മി​നി​റ്റി​ൽ ബം​ഗ​ളൂ​രു ബോ​ക്സി​ൽ ആ​ഷി​ഖ് കു​രു​ണി​യ​ന്റെ ഒ​ന്നാ​ന്ത​രം ഒ​റ്റ​യാ​ൾ പ്ര​ക​ട​നം ക​ണ്ടു. ഒ​ടു​വി​ൽ തൊ​ടു​ത്ത ഷോ​ട്ട് റി​ഫ്ല​ക്ടാ​യി പോ​സ്റ്റി​ലേ​ക്ക് വ​ന്നെ​ങ്കി​ലും ഫ​സ്റ്റ് പോ​സ്റ്റി​ൽ വ​ഴി​യ​ട​ച്ചു​നി​ന്ന ഗു​ർ​പ്രീ​ത് സി​ങ് ര​ക്ഷ​ക​നാ​യി.

എ​ക്സ്ട്രാ ടൈം

​ക​ളി നീ​ണ്ട​തോ​ടെ ആ​വേ​ശ​വും എ​ക്സ്ട്രാ ടൈ​മി​ലേ​ക്ക് ക​ട​ന്നു. 94ാം മി​നി​റ്റി​ൽ ബം​ഗ​ളൂ​രു ലീ​ഡ് പി​ടി​ച്ചെ​ന്ന് തോ​ന്നി​ച്ചു. റോ​ഷ​ൻ സി​ങ് ന​ൽ​കി​യ പ​ന്ത് സ്വീ​ക​രി​ച്ച് ഗോ​ൾ​മു​ഖ​ത്തേ​ക്ക് റ​യാ​ൻ വി​ല്യം​സ് ന​ൽ​കി​യ ക്രോ​സ് വീ​ണ്ടും ബ​ഗാ​ൻ പ്ര​തി​രോ​ധ​ത്തി​ൽ​ത​ട്ടി ഗ​തി മാ​റി പോ​സ്റ്റി​ലേ​ക്ക് നീ​ങ്ങ​വെ, ഗോ​ളി വി​ശാ​ൽ കെ​യ്ത്ത് ശ്ര​മ​ക​ര​മാ​യി ര​ക്ഷ​പ്പെ​ടു​ത്തി.

എ​ക്സ്ട്രാ ടൈ​മി​ന്റെ ആ​റാം മി​നി​റ്റി​ൽ ഓ​പ​ൺ പ്ലേ​യി​ലൂ​ടെ മ​റൈ​നേ​ഴ്സ് വി​ജ​യ​ഗോ​ൾ കു​റി​ച്ചു. ബ​ഗാ​ൻ ആ​ക്ര​മ​ണ​ത്തി​നി​ടെ ബം​ഗ​ളൂ​രു ബോ​ക്സി​ൽ പ​ന്ത് ക്ലി​യ​ർ ചെ​യ്യു​ന്ന​തി​ൽ ജിം​ഗ്ലി​യ​ൻ സ​ന​ക്ക് പി​ഴ​ച്ച​പ്പോ​ൾ പ​ന്ത് പി​ടി​ച്ചെ​ടു​ത്ത് ഒ​ര​ടി മു​ന്നോ​ട്ടു​ക​യ​റി ജാ​മി മ​ക്‍ലാ​ര​ൻ തൊ​ടു​ത്ത വ​ല​ങ്കാ​ല​ൻ ഗ്രൗ​ണ്ട​ർ ഗോ​ളി ഗു​ർ​പ്രീ​തി​നെ​യും ക​ട​ന്ന് വ​ല​കു​ലു​ക്കി (2-1). ഗോ​ളി​ന് പി​ന്നാ​ലെ ആ​തി​ഥേ​യ​ർ പ്ര​തി​രോ​ധം മു​റു​ക്കി​യ​പ്പോ​ൾ ബം​ഗ​ളൂ​രു​വി​ന് മു​ന്നി​ൽ വ​ഴി​ക​ള​ട​ഞ്ഞു.