മിനി ഖത്തർ @ പാലക്കുളം

മ​ഞ്ചേ​രി: പാ​ല​ക്കു​ളം ഇ​പ്പോ​ൾ മി​നി ഖ​ത്ത​റാ​ണ്. ലോ​ക ഫു​ട്ബാ​ൾ മാ​മാ​ങ്ക​ത്തി​ന് അ​ര​ങ്ങു​ണ​രാ​ൻ 34 ദി​വ​സം ബാ​ക്കി​നി​ൽ​ക്കെ പ്ര​ദേ​ശ​ത്തെ കെ​ട്ടി​ട​ങ്ങ​ൾ മു​ഴു​വ​നാ​യും വി​വി​ധ ടീ​മു​ക​ളു​ടെ ആ​രാ​ധ​ക​ർ ഏ​റ്റെ​ടു​ത്ത മ​ട്ടാ​ണ്. ര​ണ്ട് കെ​ട്ടി​ട​ങ്ങ​ളു​ടെ ചു​മ​രു​ക​ൾ ഇ​പ്പോ​ൾ ലോ​ക​ക​പ്പി​ൽ പ​ങ്കെ​ടു​ക്കു​ന്ന രാ​ജ്യ​ങ്ങ​ളു​ടെ വ​ർ​ണ​പ്പ​താ​ക​ക​ളാ​ൽ നി​റ​ഞ്ഞു. അ​ങ്ങാ​ടി​യു​ടെ ഹൃ​ദ​യ​ഭാ​ഗ​ത്താ​യി അ​ർ​ജ​ന്റീ​ന, ബ്ര​സീ​ൽ, പോ​ർ​ചു​ഗ​ൽ, ഇം​ഗ്ല​ണ്ട്, ഘാ​ന എ​ന്നീ ടീ​മു​ക​ളു​ടെ കൊ​ടി​ക​ളാ​ണ് ചു​മ​രി​ൽ വ​ര​ച്ച​ത്. കാ​ൽ​പ​ന്തു​ക​ളി​യെ നെ​ഞ്ചി​ലേ​റ്റു​ന്ന എ​ഫ്.​സി പാ​ല​ക്കു​ളം ക്ല​ബ് അം​ഗ​ങ്ങ​ളാ​ണ് ത​ങ്ങ​ളു​ടെ ഇ​ഷ്ട ടീ​മു​ക​ളു​ടെ കൊ​ടി​ക​ൾ വ​ര​ച്ച​ത്.

അ​ർ​ജ​ന്റീ​ന ആ​രാ​ധ​ക​രാ​ണ് ആ​ദ്യം ചു​മ​രി​ലെ 'സൗ​ഹൃ​ദ​മ​ത്സ​രം' തു​ട​ങ്ങി​യ​ത്. ആ​കാ​ശ​നീ​ല​യും വെ​ള്ള​യും ക​ല​ർ​ന്ന ത​ങ്ങ​ളു​ടെ പ​താ​ക അ​വ​ർ ഹൃ​ദ​യ​ത്തി​നൊ​പ്പം കെ​ട്ടി​ട ചു​മ​രി​ലും തീ​ർ​ത്തു. വി​ട്ടു​കൊ​ടു​ക്കാ​ൻ ബ​ദ്ധ​വൈ​രി​ക​ളാ​യ ബ്ര​സീ​ൽ ആ​രാ​ധ​ക​രും ഒ​രു​ക്ക​മാ​യി​രു​ന്നി​ല്ല. മ​റ്റൊ​രു കെ​ട്ടി​ടം മു​ഴു​വ​നും അ​വ​രും ഏ​റ്റെ​ടു​ത്തു. പ​ച്ച​യും മ​ഞ്ഞ​യും ക​ല​ർ​ന്ന ത​ങ്ങ​ളു​ടെ കൊ​ടി​യു​ടെ നി​റം മു​ഴു​വ​നാ​യും അ​ടി​ച്ചു​തീ​ർ​ത്തു. ഇ​തോ​ടെ പോ​ർ​ചു​ഗ​ൽ ഫാ​ൻ​സും ഇം​ഗ്ല​ണ്ട് ആ​രാ​ധ​ക​രും വെ​റു​തെ​യി​രു​ന്നി​ല്ല. ത​ങ്ങ​ളു​ടെ ടീ​മി​ന്റെ കൊ​ടി​യു​ടെ നി​റം അ​വ​രും വ​ര​ച്ചി​ട്ടു.

ആ​ഫ്രി​ക്ക​ൻ ക​രു​ത്ത​രാ​യ ഘാ​ന​യു​ടെ ആ​രാ​ധ​ക​രും ചു​വ​രി​ൽ ഇ​ടം​പി​ടി​ച്ചു. പാ​ല​ക്കു​ള​ത്തെ മു​തി​ർ​ന്ന​വ​ർ മു​ത​ൽ ചെ​റി​യ കു​ട്ടി​ക​ൾ വ​രെ ഈ '​കൊ​ടി​യു​ദ്ധ'​ത്തി​ൽ പ​ങ്കു​ചേ​ർ​ന്നു. മ​ത്സ​രം ഇ​നി​യും അ​വ​സാ​നി​ച്ചി​ട്ടി​ല്ലെ​ന്ന് ആ​രാ​ധ​ക​ർ പ​റ​യു​ന്നു. ഇ​നി ല​യ​ണ​ൽ മെ​സ്സി, നെ​യ്മ​ർ, ക്രി​സ്റ്റ്യാ​നോ റൊ​ണാ​ൾ​ഡോ തു​ട​ങ്ങി പ്ര​ധാ​ന താ​ര​ങ്ങ​ളു​ടെ ക​ട്ടൗ​ട്ടു​ക​ൾ സ്ഥാ​പി​ക്കാ​നു​ള്ള ത​യാ​റെ​ടു​പ്പി​ലാ​ണ് അ​വ​ർ. ചു​വ​രി​ലും താ​ര​ങ്ങ​ളു​ടെ ചി​ത്ര​ങ്ങ​ൾ വ​ര​ക്കാ​ൻ ശ്ര​മം ന​ട​ത്തു​ന്നു​ണ്ട്. ടീ​മി​നെ പ്ര​ഖ്യാ​പി​ക്കു​ന്ന​തോ​ടെ ഫ്ല​ക്സ് സ്ഥാ​പി​ച്ച് ലോ​ക​ക​പ്പി​നെ വ​ര​വേ​ൽ​ക്കാ​നു​ള്ള ത​യാ​റെ​ടു​പ്പി​ലാ​ണ്. ബ്ര​സീ​ലി​നും അ​ർ​ജ​ന്റീ​ന​ക്കു​മാ​ണ് കൂ​ടു​ത​ൽ ആ​രാ​ധ​ക​രെ​ന്ന് ക്ല​ബ് അം​ഗ​ങ്ങ​ൾ പ​റ​ഞ്ഞു. അ​ങ്ങാ​ടി​യി​ലെ ചെ​റി​യ മൈ​താ​ന​ത്ത് ലോ​ക​ക​പ്പ് മ​ത്സ​ര​ങ്ങ​ൾ മു​ഴു​വ​ൻ ബി​ഗ് സ്ക്രീ​നി​ൽ കാ​ണാ​നു​ള്ള അ​വ​സ​ര​വും ഒ​രു​ക്കാ​നു​ള്ള ശ്ര​മ​ത്തി​ലാ​ണ് ക്ല​ബ് അം​ഗ​ങ്ങ​ൾ.