Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightFootballchevron_right''ഇതുവരെയും മൗനം...

''ഇതുവരെയും മൗനം പാലിച്ചു, ഇനി വയ്യ; നീതിക്കായി പോരാടും''-ആഴ്​സനലി​നെതിരെ വൈകാരിക കുറിപ്പുമായി ഓസിൽ

text_fields
bookmark_border
ഇതുവരെയും മൗനം പാലിച്ചു, ഇനി വയ്യ; നീതിക്കായി പോരാടും-ആഴ്​സനലി​നെതിരെ വൈകാരിക കുറിപ്പുമായി ഓസിൽ
cancel

ലണ്ടൻ: ആഴ്​സനലി​െൻറ യൂറാപ്പ ലീഗിനും പ്രീമിയർ ലീഗിനുമുള്ള 25 അംഗ ടീമിൽ ഉൾപ്പെടുത്താതിരുന്നതിന്​ പിന്നാലെ വൈകാരിക കുറിപ്പുമായി ​ജർമൻ മിഡ്​ഫീൽഡർ മെസ്യൂദ്​ ഓസിൽ.

ഓസിൽ സമൂഹമാധ്യമങ്ങളിൽ പങ്കുവെച്ച കുറിപ്പ്​:

'' ഞാൻ കഴിഞ്ഞ ഏതാനും വർഷങ്ങളായി കളിച്ച ആഴ്​സനലി​െൻറ ആരാധകരോട്​ വളരെ ബുദ്ധിമുട്ടിയാണ്​ ഈ സന്ദേശം ഞാൻ എഴുതുന്നത്​. പുതിയ പ്രീമിയർ ലീഗ്​ സീസണിൽ എന്നെ ഉൾപ്പെടുത്താത്തതിൽ ഞാൻ അതീവ നിരാശനാണ്​. 2018ൽ ക്ലബ്ബുമായി ഞാൻ പുതിയ കരാർ ഒപ്പിടു​േമ്പാൾ വിശ്വാസ്യതയും കൂറും ഞാൻ സ്​നേഹിക്കുന്ന ക്ലബ്ബിനോട്​ പ്രതിജ്ഞ ചെയ്​തിരുന്നു. എന്നാൽ ഇത്​ അതിന്​ പരസ്​പരവിരുദ്ധമായി എന്നത്​ എന്നെ ദുഖിപ്പിക്കുന്നു. വിശ്വസ്​തത ഈ ദിവസങ്ങളിൽ പ്രയാസമാണെന്ന്​ ഞാൻ കണ്ടെത്തിയിരിക്കുന്നു.

ടീമിൽ ഇടം ലഭിക്കുമെന്ന്​ ഓരോ ആഴ്​ച കഴിയുന്തോറും ഞാൻ പ്രതീക്ഷയോടെ കാത്തിരുന്നു. അതുകൊണ്ടായിരുന്നു ഇതുവരെയും മൗനം പാലിച്ചത്​. കോവിഡ്​ ഇടവേളക്ക്​ മുമ്പ്​ പുതിയ കോച്ച്​ മൈകൽ ആർതേറ്റയുടെ കീഴിൽ ടീമിൽ മാറ്റങ്ങൾ നടന്നതിൽ ഞാൻ അതീവ സന്തുഷ്​ടനായിരുന്നു. ഞങ്ങൾ നല്ലപാതലായിരുന്നുവെന്നതിന്​ പുറമേ എ​െൻറ പ്രകടനം മികച്ചതായിരുന്നുവെന്നും എനിക്ക്​ പറയാൻ കഴിയും.

എന്നാൽ കാര്യങ്ങൾ പെ​ട്ടെന്ന്​ മാറി. ആഴ്​സനലിനായി പന്തുതട്ടാൻ എനിക്ക്​ ഇനി അനുവാദമില്ല. ഞാനെന്തുപറയാനാണ്​​?​. ലണ്ടൻ എനിക്കിപ്പോഴും വീടുപോലെയാണ്​. ടീമിൽ എനിക്ക്​ ഒരുപാട്​ നല്ല സുഹൃത്തുക്കളുണ്ട്​. ക്ലബ്ബി​െൻറ ആരാധകരുമായും ഗാഢമായ ബന്ധമുണ്ട്​. എന്തുതന്നെയായാലും എ​െൻറ അവസരത്തിനായി ഞാൻ പോരാടും. ആഴ്​സനലിനായുള്ള എ​െൻറ എട്ടാം സീസൺ ഇങ്ങനെ അവസാനിപ്പിക്കരുത്​. ഈ കടുത്ത തീരുമാനം എ​െൻറ മനസ്സിനെ ഒട്ടും മാറ്റില്ലെന്ന്​ എനിക്ക്​ ഉറപ്പിച്ചുപറയാൻ സാധിക്കും. മികച്ച പരിശീലനം നടത്തുകയും അവസരം കിട്ടുന്നിടങ്ങളിലെല്ലാം മനുഷ്യത്വരഹിതമായ പ്രവർത്തനങ്ങൾക്ക്​ നേരെ ശബ്​ദമുയർത്തുകയും നീതിക്കായി നിലകൊള്ളുകയും ചെയ്യും''

സ്​പാനിഷ്​ വമ്പൻമാരായ റയൽ മാഡ്രിഡിൽ നിന്നും 2013ലാണ്​ ഓസിൽ ആഴ്​സനലിലെത്തിയത്​. ക്ലബ്ബിനായി 254 മത്സരങ്ങളിൽ 44 ഗോളുകൾ​ നേടിയ താരം അസിസ്​റ്റുകൾ നൽകുന്നതിൽ മിടുക്കനായിരുന്നു. 2018 ലോകകപ്പിലെ മോശം പ്രകടനത്തിന്​ പിന്നാലെ ഓസിൽ ജർമനിയുടെ അന്താരാഷ്​ട്ര ടീമിൽ നിന്നും വിരമിച്ചിരുന്നു. 32കാരനായ താരം മാർച്ച്​ ഏഴിന്​ ശേഷം ആഴ്​സനലിനായി കളത്തിലിറങ്ങിയിരുന്നില്ല.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:arsenalMesut Özil a
Next Story