മെസ്സി വന്നതും ആരും കൊതിക്കുന്ന താരനിരയും മനസ്സിളക്കുന്നില്ല; എംബാപ്പെക്ക്​ റയലിലേക്ക് പോകണം...

പാരിസ്​: ആധുനിക ഫുട്​ബാളിലെ അനിഷേധ്യ താരം ലയണൽ ​െമസ്സിയെ അണിയിലെത്തിച്ച്​ കരുത്തു കാട്ടിയതിനു പിന്നാലെ പാരിസ്​ സെന്‍റ്​്​ ജെർമെയ്​നു മുന്നിൽ കടുത്ത വെല്ലുവിളിയായി ഫ്രഞ്ച്​ സ്​ട്രൈക്കർ കിലിയൻ എംബാപ്പെയുടെ കരാർ. സ്​പാനിഷ്​ ലീഗിലെ കരുത്തരായ റയൽ മഡ്രിലേക്ക്​ ചേക്കേറാൻ കുറച്ചുകാലമായി ആഗ്രഹിച്ചു കഴിയുന്ന എംബാപ്പെ ഈ സീസണിൽതന്നെ ആ കൂടുമാറ്റം കൊതിക്കുകയാണെന്നാണ്​ റിപ്പോർട്ടുകൾ. റയലിൽ ചേക്കേറാനുള്ള ത​െന്‍റ ആഗ്രഹം പി.എസ്​.ജി പ്രസിഡന്‍റ്​ നാസർ അൽ ഖലീഫിക്കു മുമ്പാകെ താരം ഉടൻ ബോധിപ്പിക്കുമെന്ന്​ സ്​പാനിഷ്​ മാധ്യമങ്ങൾ സൂചിപ്പിക്കുന്നു.

പി.എസ്.ജിയുമായി 2022 വരെ കരാറുള്ള എംബാപ്പെയെ വരും സീസണിൽ ടീമിൽ പിടിച്ചു നിര്‍ത്താനാണ്​ ക്ലബ്​ ശ്രമിക്കുന്നത്​. എന്നാൽ, 2022 വരെ കാത്തിരിക്കാൻ താൽപര്യമില്ലെന്നും ഈ സീണിൽതന്നെ മഡ്രിഡി​ലേക്ക്​ പോവാനാണ്​ താൻ ആഗ്രഹിക്കുന്നതെന്നും ഖലീഫിയുമായി സ്വകാര്യ കൂടിക്കാഴ്​ചയിൽ താരം വെളിപ്പെടുത്തിയേക്കുമെന്ന്​ എൽ ചിറിങ്​ഗ്വിറ്റോ ടി.വി റിപ്പോർട്ട്​ ചെയ്​തു.

എംബാപ്പെ ടീമിൽ തുടരുമോയെന്ന കാര്യത്തിൽ വരുന്ന ഒരാഴ്ച നിർണായകമാവും. ഒരാഴ്ചക്കുള്ളിൽ ഖലീഫിയുമായുള്ള കൂടിക്കാഴ്ച നടക്കും. തുടരാൻ താൽപര്യമില്ലെന്ന്​ താരം ഇതിനകം പ്രധാന അധികൃതർക്കു മുമ്പാകെ അറിയിച്ചിട്ടുണ്ട്​. കഴിഞ്ഞ ദിവസം പി.എസ്​.ജിയുടെ സ്​പാനിഷ്​ താരം ആൻഡെർ ഹെരേരയുടെ പിറന്നാൾ വിരുന്നിൽ മെസ്സിയും നെയ്​മറുമടക്കമുള്ള പ്രമുഖ താരങ്ങൾ മുഴുവൻ പ​ങ്കെടുത്തപ്പോൾ എംബാപ്പെയുടെ അസാന്നിധ്യം പ്രത്യേകം ശ്രദ്ധിക്കപ്പെട്ടിരുന്നു.

പി.എസ്.ജിയുമായി പുതിയ കരാർ ഒപ്പിടുന്ന കാര്യത്തില്‍ 22കാരനായ എംബാപ്പെ ഇതുവരെ മനസുതുറന്നിട്ടില്ല. അതോടെ, താരം റയലിലേക്ക് കൂടുമാറുമെന്ന വാര്‍ത്തകൾ ശക്​തമാണ്​. മെസ്സി കൂടിയെത്തിയതോടെ മെസ്സി-നെയ്​മർ-എംബാപ്പെ ത്രയം അണിനിരക്കുന്ന സ്വപ്​ന സദൃശമായ മുന്നേറ്റനിരയിലൂടെ ഈ സീസണിൽ ലോകത്തിന്‍റെ മുഴുവൻ ശ്രദ്ധയുമാവാഹിക്കുകയാണ്​ പാരിസുകാരുടെ ലക്ഷ്യം. അതിനുശേഷം അടുത്ത വർഷം ഫ്രഞ്ചു​താരത്തിന്​ ​ഫ്രീ ഏജന്‍റായി ക്ലബ്​ വിടാമെന്നും പി.എസ്​.ജി ചൂണ്ടിക്കാട്ടുന്നു.

എന്നാൽ, ആരും കൊതിക്കുന്ന ഈ മു​േന്നറ്റനിരയൊന്നും എംബാപ്പെയുടെ മനസ്സുമാറ്റുന്നില്ലെന്നാണ്​ അണിയറ വർത്തമാനങ്ങൾ. അതോടെ പി.എസ്​.ജിയും ത്രിശങ്കുവിലാണ്​. തന്‍റെ ആഗ്രഹത്തിനെതിരായി ഒരു കളിക്കാരനെ ടീമിൽ തുടരാൻ നിർബന്ധിതമാക്കുന്നത്​ ഒരു ക്ലബും സാധാരണഗതിയിൽ താൽപര്യപ്പെടാറില്ല. ഈ സീസണിൽ പി.എസ്​.ജി തന്നെ വിൽക്കുന്നില്ലെങ്കിൽ താരത്തിന്‍റെ സമീപനം എന്താണെന്നതും കണ്ടറിയേണ്ടിവരും. എംബാപ്പെയെ വിട്ടുനൽകാൻ 150 ദശലക്ഷം യൂറോ (1,310 കോടി രൂപ) എന്ന വൻതുക മുടക്കാൻ റയൽ ഒരുക്കമാണെന്നാണ്​ സൂചനകൾ. താരത്തിന്​ തുടരാൻ താൽപര്യമില്ലെങ്കിൽ പൊന്നും വിലയ്​ക്ക്​ വിൽക്കുകയെന്നതിലേക്ക്​ പി.എസ്​.ജിക്ക്​ എത്തിച്ചേരേണ്ടി വരും.

മെസ്സിയും നെയ്മറും എംബാപ്പെയും ഏയ്​ഞ്ചൽ ഡി മരിയയും സെർജിയോ റാമോസും മാർകോ വെറാറ്റിയും അടക്കമുള്ള ലോകത്തിലെ മിന്നും താരങ്ങൾ ബൂട്ടണിയുന്ന ഗംഭീര ടീം ചാമ്പ്യന്‍സ് ലീഗില്‍ കിരീടം നേടിത്തരുമെന്ന പ്രത്യാശയിലാണ്​ പി.എസ്​.ജി. ആ സ്വപ്​നങ്ങളിലേക്ക്​ വല കുലുക്കാൻ എംബാപ്പെ അനിവാര്യ ഘടകമാണെന്നും ക്ലബ്​ അധികൃതർ കരുതുന്നുണ്ട്​. എന്നാൽ, ട്രാൻസ്​ഫർ ജാലകം അടക്കാൻ രണ്ടാഴ്ച മാത്രം ബാക്കിനിൽക്കെ എംബാപ്പെയുടെ കാര്യത്തിൽ ക്ലബും ക്ലബിന്‍റെ കാര്യത്തിൽ എംബാപ്പെയും​ സ്വീകരിക്കുന്ന സമീപനങ്ങൾ എന്താണെന്ന്​ വൈകാതെ അറിയാം.