മറഡോണയുടെ സംസ്‌കാരം കാസ റൊസാഡ കൊട്ടാരത്തില്‍; അവസാനമായി കാണാനെത്തിയത്​ ലക്ഷങ്ങൾ

ബ്യൂണസ് ഐറിസ്: അന്തരിച്ച അർജൻറീനൻ ഇതിഹാസ ഫുട്​ബാൾ താരം ഡീഗോ മറഡോണയെ അവസാനമായി കാണാൻ തലസ്​ഥാന നഗരിയായ ബ്യൂണസ്​ ഐറിസി​ലേക്ക്​ ഒഴുകി എത്തിയത്​ ലക്ഷക്കണിക്ക്​ ആരാധകർ.

പന്തുകൊണ്ട്​ ഇ​ന്ദ്രജാലം തീർത്ത്​ വിസ്​മയിപ്പിച്ച ആ കളിക്കാരനോട്​ സമാധാനത്തോടെ മടങ്ങൂയെന്ന്​ കണ്ണീരോടെ അവർ പറഞ്ഞു. ബുധനാഴ്​ച രാത്രി അർജൻറീന ഉറങ്ങിയിരുന്നില്ല. ഇതിഹാസ താരത്തി​െൻറ ഓർമകൾ പങ്കുവെച്ചും കാൽപന്തു കളി കഥ പറഞ്ഞും അവർ ഉണർന്നിരുന്നു. തലസ്​ഥാന നഗരി ആ മനുഷ്യനെ ഒരു നോക്കു കാണാൻ ഏറെ നേരം കാത്തിരുന്നു.

ബുധനാഴ്ച സ്വവസതിയില്‍ പ്രാദേശിക സമയം രാവിലെ 11.30 ഓടെയായിരുന്നു ഫുട്‌ബോള്‍ ഇതിഹാസത്തി​െൻറ അന്ത്യം. തലച്ചോറിലെ രക്​തസ്രവത്തെ തുടർന്ന്​ ചികിത്സയിലായിരുന്ന 60 കാരനായ മറഡോണ രണ്ടാഴ്​ച മുമ്പായിരുന്നു ആശുപത്രി വിട്ടിരുന്നത്​. വീട്ടിൽ വിശ്രമത്തിലിരിക്കെ ഹൃദയാഘാതം സംഭവിക്കുകയായിരുന്നു. മറഡോണയുടെ മരണത്തെ തുടര്‍ന്ന് രാജ്യത്ത് മൂന്ന് ദിവസത്തെ ദുഃഖാചരണം പ്രഖ്യാപിച്ചിരിക്കുകയാണ്.

സംസ്‌കാരം ബ്യൂണസ് ഐറിസിലെ കാസ റൊസാഡ കൊട്ടരത്തിലാണ്​ നടക്കുന്നത്​. അര്‍ജൻറീന പ്രസിഡൻറി​െൻറ ഓഫീസും ഔദ്യോഗിക വസതിയുമാണ് കാസ റൊസാഡ. എല്ലാ ഔദ്യോഗിക ബഹുമതികളോടും കൂടി വ്യാഴാഴ്ച അദ്ദേഹത്തി​െൻറ സംസ്‌കാര ചടങ്ങുകള്‍ നടക്കുമെന്ന് അര്‍ജൻറീന സര്‍ക്കാര്‍ അറിയിച്ചിട്ടുണ്ട്​.

സാന്‍ ഫെറാന്‍ഡോ ആശുപത്രിയില്‍ വൈകീട്ട് 7.30 മുതല്‍ 10 മണിവരെയായിരുന്നു അദ്ദേഹത്തി​െൻറ പോസ്റ്റുമോര്‍ട്ടം നടപടികള്‍.

തുടര്‍ന്ന് 11 മണിയോടെ അദ്ദേഹത്തി​െൻറ ഭൗതികദേഹം പൊതുദര്‍ശനത്തിനായി കാസ റൊസാഡയിലേക്ക് മാറ്റി. വഴിയിലുടനീളം നിരവധിയാളുകളാണ് മാറഡോണയുടെ ഭൗതികദേഹം വഹിച്ചുകൊണ്ടുള്ള ആംബുലന്‍സിന് ചുറ്റുംകൂടിയത്.

ഇതിനാല്‍ തന്നെ രാത്രി 1.30-ഓടെയാണ് മാറഡോണയുടെ മൃതദേഹം പൊതുദര്‍ശനത്തിനായി സര്‍ക്കാര്‍ വസതിയില്‍ എത്തിക്കാനായത്.

പിന്നീടങ്ങോട്ട്​ ജനപ്രവാഹമായിരുന്നു. ഫുട്‌ബോള്‍ ഇതിഹാസത്തെ അവസാനമായി ഒരുനോക്ക് കാണാന്‍ സര്‍ക്കാര്‍ വസതിയിലേക്ക് നിരവധി പേർ എത്തി.