ഈ ഗോൾ പുഷ്​കാസ്​ അവാർഡിന്​; അൾജീരിയക്കായി റിയാദ്​ മെഹ്​റസ്​ നേടിയ വണ്ടർ ഗോൾ കാണാം

മാഞ്ചസ്​റ്റർ സിറ്റിയുടെ സൂപ്പർ താരം റിയാദ്​ മെഹ്​റസ്​ പന്തടക്കത്തിന്​ പേരു​ കേട്ടതാരമാണ്​. സിറ്റിക്കായും ദേശീയ ടീം അൾജീരിയക്കായും മെഹ്​റസിൻെറ പേരിൽ എണ്ണമറ്റ ഗംഭീര ഗോളുകളുണ്ട്​.

കഴിഞ്ഞ ദിവസം ആഫ്രിക്കൻ നേഷൻസ്​ കപ്പിൽ അൾജീരിയക്കായി താരം നേടിയ ഗോളാണ്​ ഇപ്പോൾ ആരാധകർക്ക്​ അത്​ഭുതമായിരിക്കുന്നത്​. സിംബാബ്​വെക്കെതിരായ മത്സരത്തിലായിരുന്നു താരത്തിൻെറ മിന്നും ഗോൾ.

മത്സരം 2-2ന്​ സമനിലയിലായെങ്കിലും മെഹ്​റസിൻെറ ഈ ഗോളിൽ മത്സരം ​ശ്രദ്ധേയമായി. വെസ്​റ്റ്​ഹാമിൻെറ മിഡ്​ഫീൽഡർ സഈദ്​ ബ്​ൻ റഹ്​മ നീട്ടി നൽകിയ പാസ്​ ഇടങ്കാലിൽ അനായാസം നിലത്തിറക്കിയാണ്​ മെഹ്​റസ്​ ഗോൾ നേടുന്നത്​.

നാലു മത്സരങ്ങളിൽ മൂന്ന്​ ജയവും ഒരു സമനിലയും അടക്കം പത്തുപോയൻറുമായി അൾജീരിയ ഗ്രൂപ്പിൽ ഒന്നാം സ്​ഥാനത്തുണ്ട്​.