മാഞ്ചസ്റ്റർ സിറ്റിക്ക് ഏഴാം എഫ്.എ കപ്പ്; യുനൈറ്റഡിനെ തോൽപിച്ചത് 2-1ന്

ല​ണ്ട​ൻ: പ്രീ​മി​യ​ർ ലീ​ഗ് ജേ​താ​ക്ക​ളാ​യ മാ​ഞ്ച​സ്റ്റ​ർ സി​റ്റി​ക്ക് സീ​സ​ണി​ൽ മ​റ്റൊ​രു കി​രീ​ട​നേ​ട്ടം കൂ​ടി. മാ​ഞ്ച​സ്റ്റ​ർ യു​നൈ​റ്റ​ഡി​നെ കീ​ഴ​ട​ക്കി എ​ഫ്.​എ ക​പ്പും സി​റ്റി സ്വ​ന്ത​മാ​ക്കി. വാ​ശി​യേ​റി​യ പോ​രാ​ട്ട​ത്തി​ൽ 2-1നാ​യി​രു​ന്നു​ സി​റ്റി​യു​ടെ ജ​യം. ക്യാ​പ്റ്റ​ൻ ഇ​ൽ​കെ ഗു​​ണ്ടോ​ഗ​ൻ നേ​ടി​യ ഇ​ര​ട്ട ​ഗോ​ളു​ക​ളാ​ണ് സി​റ്റി​ക്ക് തു​ണ​യാ​യ​ത്. മാ​ഞ്ച​സ്റ്റ​ർ യു​നൈ​റ്റ​ഡി​ന് വേ​ണ്ടി ക്യാ​പ്റ്റ​ൻ ബ്രൂ​ണോ ഫെ​ർ​ണാ​ണ്ട​സും വ​ല​കു​ലു​ക്കി.

13 ​​സെ​ക്ക​ൻ​ഡി​നി​ടെ​യാ​യി​രു​ന്നു ഗു​​ണ്ടോ​ഗ​ന്റെ ആ​ദ്യ ഗോ​ൾ. എ​ഫ്.​എ ക​പ്പ് ​ഫൈ​ന​ലി​ലെ ഏ​റ്റ​വും വേ​ഗ​മേ​റി​യ ഗോ​ളാ​ണ് പി​റ​ന്ന​ത്. 33ാം മി​നി​റ്റി​ൽ പെ​നാ​ൽ​റ്റി കി​ക്ക് വ​ല​യി​ലെ​ത്തി​ച്ച് ബ്രൂ​ണോ ഫെ​ർ​ണാ​ണ്ട​സ് യു​നൈ​റ്റ​ഡി​ന് വേ​ണ്ടി തി​രി​ച്ച​ടി​ച്ചു. 51ാം മി​നി​റ്റി​ൽ ഗു​​ണ്ടോ​ഗ​ൻ സി​റ്റി​ക്ക് ലീ​ഡ് നേ​ടി​ക്കൊ​ടു​ത്തു. പി​ന്നീ​ട് യു​നൈ​റ്റ​ഡ് സ​മ​നി​ല​ക്കാ​യി ആ​ഞ്ഞു​ശ്ര​മി​ച്ചു. പി​ടി​ച്ചു​നി​ന്ന സി​റ്റി ഒ​ടു​വി​ൽ 2-1ന് ​ജ​യി​ച്ചു​ക​യ​റി. എ​ഫ്.​എ ക​പ്പി​ൽ സി​റ്റി​യു​ടെ ഏ​ഴാം കി​രീ​ട​മാ​ണി​ത്. ചാ​മ്പ്യ​ൻ​സ് ലീ​ഗ് ഫൈ​ന​ലി​ലും വി​ജ​യി​ച്ചാ​ൽ സി​റ്റി​ക്ക് മൂ​ന്ന് സു​പ്ര​ധാ​ന കി​രീ​ട​ങ്ങ​ളു​മാ​യി ‘​ട്രെ​ബി​ൾ’ നേ​ട്ടം കൊ​യ്യാം.

83,000ത്തി​ലേ​റെ കാ​ണി​ക​ൾ നി​റ​ഞ്ഞ വെം​ബ്ലി സ്റ്റേ​ഡി​യ​ത്തി​ൽ വി​സി​ലൂ​തി സെ​ക്ക​ൻ​ഡു​ക​ൾ​ക്ക​കം ഗോ​ൾ​വ​ല കു​ലു​ങ്ങി. ഗു​ണ്ടോ​ഗ​ൻ ട​ച്ച് ചെ​യ്ത് ഗോ​ൾ കീ​പ്പ​ർ​ക്ക് നീ​ട്ടി​യ പ​ന്താ​ണ് തി​രി​ച്ച് 13ാം ​സെ​ക്ക​ൻ​ഡി​ൽ ഈ ​താ​ര​ത്തി​ന്റെ​ത​ന്നെ ബൂ​ട്ടു​ക​ളി​ലെ​ത്തി​യ​ത്. ത​ക​ർ​പ്പ​ൻ വോ​ളി​യി​ലൂ​ടെ യു​നൈ​റ്റ​ഡ് ഗോ​ളി ഡേ​വി​ഡ് ഡി​ജി​യ​യു​ടെ ത​ല​ക്കു മു​ക​ളി​ലൂ​ടെ പ​ന്ത് വ​ല​യി​ലെ​ത്തി. 2009ലെ ​ഫൈ​ന​ലി​ൽ ചെ​ൽ​സി​ക്കെ​തി​രെ എ​വ​ർ​ട്ട​ന്റെ ലൂ​യി സാ​ഹ 25ാം സെ​ക്ക​ൻ​ഡി​ൽ ​ഗോ​ള​ടി​ച്ച റെ​ക്കോ​ഡ് ഇ​തോ​ടെ വ​ഴി​മാ​റി.

33ാം മി​നി​റ്റി​ൽ വാ​ൻ ബി​സാ​ക്ക​യു​ടെ ഹെ​ഡ​ർ ബോ​ക്സി​ൽ​വെ​ച്ച് ​ജാ​ക്ക് ഗ്രീ​ലി​ഷി​ന്റെ ​​കൈ​യി​ൽ ത​ട്ടി​യ​തോ​​ടെ റ​ഫ​റി പെ​നാ​ൽ​റ്റി കി​ക്ക് വി​ധി​ച്ചു. വാ​റി​ലൂ​ടെ​യാ​ണ് പെ​നാ​ൽ​റ്റി വി​ധി​ച്ച​ത്. ബ്രൂ​ണോ ഫെ​ർ​ണാ​ണ്ട​സി​ന് പി​ഴ​ച്ചി​ല്ല. സ്കോ​ർ 1-1. ര​ണ്ടാം പ​കു​തി​യി​ൽ കോ​ർ​ണ​ർ കി​ക്കി​ൽ​നി​ന്നു​ള്ള പ​ന്തി​ൽ മ​​റ്റൊ​രു വോ​ളി​യി​ലൂ​ടെ​യാ​ണ് ഗു​ണ്ടോ​ഗ​ൻ ഡ​ബ്ൾ തി​ക​ച്ച​ത്. പി​ന്നീ​ട് ഒ​രി​ക്ക​ൽ​കൂ​ടി ഈ ​താ​രം പ​ന്ത് വ​ലി​യി​ലാ​ക്കി​യെ​ങ്കി​ലും ഓ​ഫ്സൈ​ഡ് വി​ളി​ച്ചു. ഇ​ഞ്ച്വ​റി സ​മ​യ​ത്ത് യു​നൈ​റ്റ​ഡി​ന്റെ റാ​ഫേ​ൽ വ​രാ​ന​യു​ടെ ഷോ​ട്ട് പോ​സ്റ്റി​ൽ ത​ട്ടി മ​ട​ങ്ങി​യ​ത് സി​റ്റി​ക്ക് ആ​ശ്വാ​സ​മാ​യി.