1030 കോ​ടി; റെക്കോഡ്​ തുകക്ക്​ ജാക്​ ഗ്രീലിഷ്​ മാഞ്ചസ്റ്റർ സിറ്റിയിൽ

മാ​ഞ്ച​സ്​​റ്റ​ർ: ലയണൽ മെസ്സിയെ സ്വന്തമാക്കുമോ എന്ന ചർച്ചക്കിടെ ആ​സ്​​റ്റ​ൺ വി​ല്ലയുടെ ഇംഗ്ലീഷ്​ താ​രം ജാ​ക്​​ ഗ്രീ​ലി​ഷി​നെ സ്വ​ന്ത​മാ​ക്കി മാ​ഞ്ച​സ്​​റ്റ​ർ സി​റ്റി. 10 കോ​ടി പൗ​ണ്ടി​നാ​ണ്​ (ഏ​ക​ദേ​ശം1030 കോ​ടി) ഇം​ഗ്ലീ​ഷ്​ താ​ര​ത്തെ സി​റ്റി ആ​റു വ​ർ​ഷ​ത്തെ ക​രാ​റി​ൽ സ്വ​ന്ത​മാ​ക്കി​യ​ത്​. ഇം​ഗ്ലീ​ഷ്​ പ്രീ​മി​യ​ർ ലീ​ഗി​ലെ സ​ർ​വ​കാ​ല റെ​ക്കോ​ഡ്​ കൈ​മാ​റ്റ​ത്തു​ക​യാ​ണി​ത്.

2016ൽ ​പോ​ൾ പോ​ഗ്​​ബ​യെ യു​വ​ൻ​റ​സി​ൽ നി​ന്ന്​ 9.3 കോ​ടി പൗ​ണ്ടി​ന്​​ (ഏ​ക​ദേ​ശം 916 കോ​ടി) വാ​ങ്ങി​യ​താ​യി​രു​ന്നു ഇ​തി​നു മു​മ്പു​ള്ള റെ​ക്കോ​ഡ്. ആ​സ്​​റ്റ​ണ്‍ വി​ല്ല​യു​ടെ നാ​യ​ക​നാ​യി​രു​ന്ന 25കാ​ര​ൻ ഗ്രീ​ലി​ഷ് 213 മ​ത്സ​ര​ങ്ങ​ള്‍ ക്ല​ബി​നാ​യി ക​ളി​ച്ചു. 32 ഗോ​ളു​ക​ൾ നേ​ടി​യ താ​രം 43 ഗോ​ളു​ക​ൾ​ക്ക്​ വ​ഴി​യൊ​രു​ക്കു​ക​യും ചെ​യ്​​തു.

ക​ളി​യു​ടെ ഗ​തി​മാ​റ്റി ഗോ​ള​ടി​പ്പി​ക്കാ​നു​ള്ള ഈ ​മി​ടു​ക്ക്​ ക​ണ്ടാ​ണ്​ സി​റ്റി താ​ര​ത്തെ വി​ടാ​തെ പി​ന്തു​ട​ർ​ന്ന​ത്. 2015 മു​ത​ല്‍ 2021 വ​രെ സെ​ര്‍ജി​യോ അ​ഗ്യൂ​റോ അ​ണി​ഞ്ഞി​രു​ന്ന 10ാം ന​മ്പ​ര്‍ ജ​ഴ്‌​സി​യി​ലാ​ണ്​ താ​രം ക​ളി​ക്കു​ക. യൂറോ കപ്പിൽ ഇംഗ്ലണ്ട്​ ജഴ്​സിയിൽ മിന്നും ഫോമിലാണ്​ ഗ്രീലിഷ്​ പന്തുതട്ടിയിരുന്നത്​.