സിറ്റിക്ക് മിന്നും ജയം

ലണ്ടൻ: ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ സിറ്റിക്ക് തകർപ്പൻ ജയം. ക്രിസ്റ്റൽ പാലസിനെ 4-1നാണ് തകർത്തത്. എർലിങ് ഹാലൻഡും, റ്യാൻ ചെർകിയും രണ്ട് ഗോൾ വീതം നേടി വിജയശിൽപികളായി. മറ്റൊരു മത്സരത്തിൽ ലിവർപൂളിനെ നോട്ടിങ്ഹാം ഫോറസ്റ്റ് 2-2ന് സമനിലയിൽ തളച്ചു.

രണ്ട് ഗോളിന് പിന്നിൽ നിന്ന ശേഷമാണ് ലിവർപൂൾ സമനില പിടിച്ചത്. അലക്സാണ്ടർ ഇസാകും, വിക്ടർ മുനോസും ലിവർപൂളിനായി സ്കോർ ചെയ്തു. രണ്ട് കളിയും ജയിച്ച സിറ്റിയാണ് പോയന്റ് പട്ടികയിൽ മുന്നിൽ. ലിവർപൂളിന് രണ്ട് കളിയും സമനിലയായി.