'ലെസ്റ്റർ പരീക്ഷ' കഴിഞ്ഞു; സിറ്റിക്ക്​ നാലു ജയമകലെ കിരീടം

ലണ്ടൻ: കരുത്തരായ ലെസ്റ്റർ സിറ്റിക്കെതിരെ തകർപ്പൻ വിജയവുമായി മാഞ്ചസ്റ്റർ സിറ്റി പ്രിമിയർ ലീഗ്​ കിരീടത്തിന്​ ഏറെ അരികെ. രണ്ടാം പകുതിയിൽ ബെഞ്ചമിൻ മെൻഡിയും ഗബ്രിയേൽ ജീസസും നേടിയ മനോഹര ഗോളുകളിലാണ്​ ഒന്നാം സ്​ഥാനത്ത്​ സിറ്റി അജയ്യമായ ലീഡ്​ 17 പോയിന്‍റാക്കി ഉയർത്തിയത്​. ഏഴു കളികൾ ബാക്കിനിൽക്കെ ​ഗാർഡിയോളയുടെ കുട്ടികൾക്ക്​​ കിരീടമുറപ്പിക്കാൻ ഇനി വേണ്ടത്​ 11 പോയിന്‍റ്​ മാത്രം.

സിറ്റിയുടെ റെക്കോഡ്​ ഗോൾ വേട്ടക്കാരനായ സെർജിയോ അഗ്യൂറോ ക്ലബ്​ വിടുന്നുവെന്ന വാർത്ത പുറത്തുവന്ന ശേഷം നടക്കുന്ന ആദ്യ മത്സരത്തിൽ ആദ്യ പകുതി ഗോളൊഴിഞ്ഞുനിന്നു. മറുവശത്ത്​, ജാമി വാർഡി പന്ത്​ വലയിലെത്തിച്ച്​ ആഘോഷവുമായി പറന്നുനടന്നത്​ പക്ഷേ, ഓഫ്​സൈഡ്​ കെണിയിൽ കുരുങ്ങി.

രണ്ടാം പകുതിയിൽ 10 മിനിറ്റ്​ പിന്നിടുംമു​െമ്പ സിറ്റി ​കാത്തിരുന്ന ഗോളിലേക്ക്​ മെൻഡി നിറയൊഴിച്ചതോടെ കളിയിൽ ഇരുവശത്തും മുന്നേറ്റം കനത്തു. ചുറ്റും വട്ടമിട്ടുനിന്ന പ്രതിരോധ നിര​െയ കാഴ്ചക്കാരാക്കിയായിരുന്നു മെൻഡി മാജിക്​. 74ാം മിനിറ്റിൽ അതിലേറെ മനോഹരമായ േക്ലാസ്​ റേഞ്ച്​ ഗോളുമായി ജീസസ്​ സിറ്റി അപ്രമാദിത്വമുറപ്പിച്ചു. റഹീം സ്​റ്റെർലിങ്​, ഇൽകെ ഗുണ്ടൊഗൻ, ഫിൽ​ ഫോഡൻ, ബെർണാഡോ സിൽവ എന്നിവരെ ബെഞ്ചിലിരുത്തിയിട്ടും സിറ്റിക്കൊപ്പം നിൽക്കാൻ ഒരുഘട്ടത്തിലും ലെസ്റ്ററിനായില്ല.

അനായാസ ജയത്തോടെ, ഇനി കിരീടനേട്ടത്തിലേക്ക്​ കാത്തിരിപ്പ്​ പിന്നെയും എളുപ്പമായ സന്തോഷത്തിലാണ്​ ഗാർഡിയോളയും കുട്ടികളും. ഈ സീസണിൽ ഏറ്റവും കൂടുതൽ ഗോൾ എതിരാളികളുടെ വലയിൽ അടിച്ചുകയറ്റുകയും സ്വന്തം വലയിൽ കുറച്ചുമാത്രം വഴങ്ങുകയും ചെയ്​ത യൂറോപിലെ ഒന്നാം നമ്പർ ടീം എന്ന അപൂർവ റെക്കോഡിനുടമ കൂടിയാണ്​ സിറ്റി. 47 കളികളിൽ 105 ​േഗാൾ നേടിയ ടീം ഇതുവരെയും വാങ്ങിയത്​ 26 ഗോളുകൾ മാത്രം.

പ്രിമിയർ ലീഗിൽ കിരീടം ഏകദേശം ഉറപ്പിച്ചതോടെ സമീപകാലത്തൊന്നും എത്തിപ്പിടിക്കാനാവാതെ പോയ ചാമ്പ്യൻസ്​ ലീഗ്​ കിരീടം ഇത്തവണ ഇത്തിഹാദ്​ മൈതാനത്തെത്തിക്കാനാണ്​ സിറ്റിയുടെ ശ്രമം.