വനിത ചാമ്പ്യൻസ് ലീഗിൽ ലിയോണിന് എട്ടാം കിരീടം

ടൂറിൻ: വനിത ചാമ്പ്യൻസ് ലീഗിൽ ലിയോണിന് എട്ടാം കിരീടം. യുവന്റസ് സ്റ്റേഡിയത്തിൽ നടന്ന കലാശപ്പോരാട്ടത്തിൽ ബാഴ്സലോണയെ ഒന്നിനെതിരെ മൂന്ന് ഗോളിനാണ് തോൽപിച്ചത്.

നാല് ഗോളും പിറന്നത് ആദ്യ പകുതിയിലാണ്. ആറാം മിനിറ്റിൽ അമാൻഡിൻ ഹെൻറിയിലൂടെയാണ് ലിയോൺ ലീഡ് പിടിച്ചത്. 23ാം മിനിറ്റിൽ അഡ മാർട്ടിൻ ഹെഗർബർഗ് ലീഡ് രണ്ടാക്കി. 33ാം മിനിറ്റിൽ കാതറിന മസാരിയോയിലൂടെ മൂന്നാം ഗോളുമെത്തി. ലിയോൺ 3-0ത്തിന് മുന്നിട്ട് നിൽക്കെ 41ാം മിനിറ്റിൽ അലക്സിയ പുട്ടല്ലാസ് സെഗ്യൂറയിലൂടെ ബാഴ്സ ഒരു ഗോൾ മടക്കി.