സുവാരസ്​ ക്രിസ്​റ്റ്യാനോക്കൊപ്പം; റാകിടിച്ച്​ സെവിയ്യയിൽ

മഡ്രിഡ്​: പുതിയ സീസണിൽ ബാഴ്​സലോണ ടീമിൽ സ്​ഥാനമുണ്ടാവില്ലെന്ന്​ ഉറപ്പിച്ച ലൂയി സുവാരസും ഇവാൻ റാകിടിച്ചും പുതിയ താവളങ്ങളിലേക്ക്​. ബാഴ്​സലോണയിൽ മെസ്സിയുടെ വലംകൈ ആയിരുന്ന സുവാരസ്​ ഇനി ക്രിസ്​റ്റ്യാനോയുടെ കൈയാളാവും. ഉറുഗ്വായ്​ താരത്തി​െൻറ യുവൻറസിലേക്കുള്ള കൂടുമാറ്റം ഏതാണ്ട്​ ഉറപ്പായതായി സ്​പാനിഷ്​ മാധ്യമങ്ങൾ റിപ്പോർട്ട്​ ചെയ്​തു.

ആറു വർഷം ബാഴ്​സലോണ മുൻനിരയിലെ നിറസാന്നിധ്യമായിരുന്ന സുവാരസ്​, കോച്ച്​ കൂമാ​െൻറ ഗെയിം പ്ലാനിന്​​ പുറത്തായതോടെയാണ്​ പുതിയ ക്ലബ്​ തേടുന്നത്​. കൂടുമാറ്റം സംബന്ധിച്ച്​ ബാഴ്​സലോണയും യുവൻറസ്​ വൈസ്​ പ്രസിഡൻറ്​ പാവേൽ നെദ്​വദും ചർച്ച നടത്തി. ക്ലബ്​ വിടുന്ന അർജൻറീന സ്​ട്രൈക്കർ ഗോൺസാലോ ഹിഗ്വെയ്​ന്​ പകരക്കാരനായാണ്​ യുവെ സുവാരസിനെ നോ

ട്ടമിടുന്നത്​. കൂമാ​െൻറ പട്ടികയിൽനിന്നും പുറത്തായ ഇവാൻ റാകിടിച്​ ​ലാ ലിഗ ക്ലബ്​ സെവിയ്യയിലേക്കാണ്​ പോകുന്നത്​. ഇക്കാര്യം ബാഴ്​സ​ ഒൗദ്യോഗികമായി പ്രഖ്യാപിച്ചു. ക്രൊയേഷ്യൻ മിഡ്​ഫീൽഡർക്ക്​ ത​െൻറ പഴയ തട്ടകത്തിലേക്ക്​ തന്നെയുള്ള മടക്കമാണിത്​.

2014ലാണ്​ താരം സെവിയ്യയിൽനിന്ന്​ ബാഴ്​സയിലെത്തിയത്​. 200ലാ ലിഗ മത്സരം ഉൾപ്പെടെ 310 കളിയിൽ ബാഴ്​സ ബൂട്ടണിഞ്ഞു. നാല്​ ലാ ലിഗ കിരീടം, ഒരു ചാമ്പ്യൻസ്​ ലീഗ്​ എന്നിവ ഉൾപ്പെടെ 13 കിരീടങ്ങളുടെ തിളക്കവുമായാണ്​ സൂപ്പർ മിഡ്​ കാറ്റലോണിയ വിടുന്നത്​.