വാർ സ്​ക്രീനിലേക്ക്​ 'ഒളിഞ്ഞു നോക്കി'; സുവാരസിന്​ കാർഡ്​

മഡ്രിഡ്​: പെനാൽറ്റിക്കായി അഭിനയിച്ചും സ്വന്തം ഗോൾ പോസ്​റ്റിൽ ഷോട്ട്​ കൈ​കൊണ്ട്​ തടുത്തും എതിരാളികളെ കടിച്ചുമെല്ലാം ശിക്ഷ ഏറ്റുവാങ്ങി കുപ്രസിദ്ധി നേടിയ താരമാണ്​ ഉറൂഗ്വായ്​ താരം ലൂയിസ്​ സുവാരസ്​. ഏറ്റവും ഒടുവിൽ കഴിഞ്ഞ ദിവസം രസകരമായ ഒരു സംഭവം കൂടിയുണ്ടായി. ചാമ്പ്യൻസ് ലീഗിൽ അത്​ലറ്റികോ മഡ്രിഡ്​- ലോകോമോടീവ്​ മോസ്​കോ മത്സരത്തിനിടെയാണ് ​സുവാരസ്​ ഇന്നേവരെ ആരും വാങ്ങാത്ത ഒരു 'ബഹുമതി' സ്വന്തമാക്കിയത്​.

25ാം മിനിറ്റിലാണ്​ സംഭവം. ലോക്കോമോട്ടീവ്​ ടീമിന്​ ലഭിച്ച പെനാൽറ്റി ഉറപ്പുവരുത്താൻ റഫറി ബെനോയിറ്റ്​ ബാസ്​റ്റ്യൻ വാർ സ്​ക്രീനിലേക്ക്​ ഓടി​. റഫറിയോട്​ എന്തൊക്കെയോ പറഞ്ഞ്​

പിന്നാലെ സുവരസും ഓടി. ഒടുവിൽ റഫറി സ്​ക്രീൻ നോക്കു​േമ്പാൾ ത്രോലൈനും കടന്ന്​ സുവാറസ്​ റഫറിക്കു പിറകിൽ നിന്ന്​ എത്തിനോക്കി. ഉടൻ തന്നെ റഫറി ഉറൂഗ്വായ്​ താരത്തിന്​ മഞ്ഞ കാർഡ്​ നൽകുകയായിരുന്നു.

നിയമ പ്രകരം റഫറി വാർ സ്​ക്രീൻ നോക്കു​േമ്പാൾ താരങ്ങൾക്ക്​ ത്രോലൈൻ വരെ മാത്രമേ​ ചെല്ലാൻ പാടൂള്ളൂ. പെനാൽറ്റി ലഭിച്ച ലോക്കോമോട്ടീവ്​ അത്​ ഗോളാക്കുകയും ചെയ്​തു. ആവേശം ചോർന്ന മത്സരം 1-1ന്​ സമനിലയിൽ കലാശിക്കുകയും ചെയ്​തു.

18ാം മിനിറ്റിൽ ജോസ്​ ഗിമനസി​െൻറ ഗോളിൽ അത്​ലറ്റികോമഡ്രിഡ് ആണ്​ ആദ്യം​ മുന്നിലെത്തിയത്​. പിന്നീടാണ്​ സമനില വഴങ്ങിയത്​. ഗ്രൂപ്​ എയിൽ നാലുപോയൻറുമായി രണ്ടാം സ്​ഥാനത്താണ്​ അത്​ലറ്റി​േകാ.