എഫ്.എ കപ്പ്: സിറ്റിയെ കീഴടക്കി ലിവർപൂൾ ഫൈനലിൽ

ലണ്ടൻ: ലിവർപൂൾ എഫ്.എ കപ്പ് ഫുട്ബാളിൽ ഫൈനലിൽ. കരുത്തരുടെ അങ്കത്തിൽ മാഞ്ചസ്റ്റർ സിറ്റിയെ 3-2ന് മറികടന്നായിരുന്നു യുർഗൻ ക്ലോപിന്റെ സംഘത്തിന്റെ കുതിപ്പ്.

ആദ്യ പകുതിയിൽ തന്നെ സാദിയോ മാനെയുടെയും (2) ഇബ്രാഹീം കൊനാട്ടെയുടെയും ഗോളുകളിൽ മുന്നിൽ കടന്ന ലിവർപൂളിനെതിതെ ജാക് ഗ്രീലിഷിലൂടെയും ബെർണാഡോ സിൽവയിലൂടെയും സിറ്റി തിരിച്ചടിക്കാൻ ശ്രമിച്ചെങ്കിലും കാര്യമുണ്ടായില്ല.

ഞായറാഴ്ച നടക്കുന്ന ചെൽസി-ക്രിസ്റ്റൽ പാലസ് സെമി വിജയികളാണ് അടുത്തമാസം 14ന് നടക്കുന്ന ഫൈനലിൽ ലിവർപൂളിന്റെ എതിരാളികൾ.