മെസ്സി മാജിക്​ വീണ്ടും; കിരീടപ്പോര്​ കനപ്പിച്ച്​ തകർപ്പൻ ജയവുമായി ബാഴ്​സയും അത്​ലറ്റിക്കോയും

മഡ്രിഡ്​: ലാ ലിഗയിൽ കിരീട പോരാട്ടത്തിന്​ മൂർച്ച കൂട്ടി മെസ്സിക്കൂട്ടം. ഗെറ്റാഫെക്കെതിരെ വമ്പൻ ജയവുമായി ബാഴ്​സലോണ മൂന്നാം സ്​ഥാനത്തെത്തി. ഒരു കളി കുറച്ചു കളിച്ച ബാഴ്​സ​െയക്കാൾ അഞ്ചു പോയിന്‍റ്​ ലീഡുമായി അത്​ലറ്റികോ മഡ്രിഡ്​ ഒന്നാം സ്​ഥാനത്ത്​ തുടരുന്നുണ്ടെങ്കിലും വമ്പന്മാരായ റയൽ മഡ്രിഡ്​ തൊട്ടുപിറകിലുണ്ട്​. മൂന്നു ടീമുകളുടെ കിരീട ശ്രമങ്ങൾ ഇനിയുള്ള നാളുകളിൽ ലാ ലിഗ പോരാട്ടങ്ങളെ തീപാറിക്കും.

എട്ടാം മിനിറ്റിൽ ഗോളടിച്ചുതുടങ്ങിയ മെസ്സി 33ാം മിനിറ്റിൽ വീണ്ടും സ്​കോർ ചെയ്​തു. ഗ്രീസ്​മാനും അറോയോയുമായിരുന്നു മറ്റു ഗോളുകൾ നേടിയത്​. ഗെറ്റാഫെ താരം ചക്​ല​ സെൽഫ്​ ഗോളുമായി ബാഴ്​സ പട്ടിക തികച്ചപ്പോൾ യുനാൽ പെനാറ്റി ഗോളാക്കിയും ലെംഗ്​ലെറ്റ്​ സെൽഫ്​ ഗോളിലും ഗെറ്റാഫെക്ക്​ ആശ്വാസ ഗോൾ സമ്മാനിച്ചു.

ദുർബലരായ ഹുവസ്​കക്കെതിരെ ഏകപക്ഷീയമായ രണ്ടു ഗോളിനായിരുന്നു അത്​ലറ്റികോ മഡ്രിഡ്​ ജയം. മറ്റു മത്സരങ്ങളിൽ ​ഗ്രനഡ ഐബറിനെയും (4-1) റയൽ സോസിദാദ്​ സെൽറ്റ വിഗോയെയും (2-1) തോൽപിച്ചു.