Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightFootballchevron_rightലോങ്​റേഞ്ചറുകളുമായി...

ലോങ്​റേഞ്ചറുകളുമായി കളം വാണ്​ മെസ്സി; രണ്ടാം സ്​ഥാനത്തേക്കുയർന്ന്​ ബാഴ്​സ

text_fields
bookmark_border
lionel messi
cancel

ബാഴ്​സലോണ: ക്ലബ്​ ഇതിഹാസം സാവി ഫെർണാണ്ടസിന്‍റെ റെക്കോഡിനൊപ്പമെത്തിയ മത്സരത്തിൽ ഇരട്ടഗോളുമായി മെസ്സി താരമായി. രണ്ട്​ ലോങ്​ റേഞ്ചർ ഗോളുകളുമായി മെസ്സി കളിയിലെ താരമായപ്പോൾ ഡി​േപാർട്ടിവോ അലാവസിനെ ബാഴ്​സലോണ 5-1ന്​ തകർത്തു. ഇതോടെ പി.എസ്​.ജിക്കെതിരായ ചാമ്പ്യൻസ്​ ലീഗ്​ മത്സരത്തിന്​ ആത്മവിശ്വാസത്തോടെ ഒരുങ്ങാൻ ബാഴ്​സക്കായി.

ജയ​േത്താടെ ലാലിഗയിൽ 22 മത്സരങ്ങളിൽ നിന്ന്​ 46 പോയന്‍റുമായി ബാഴ്​സ രണ്ടാം സ്​ഥാനത്തെത്തി. ഗോൾ വ്യത്യാസത്തിലാണ്​ ബാഴ്​സ റയലിനെ പിന്തള്ളിയത്​. 21 മത്സരങ്ങളിൽ നിന്ന്​ 54 പോയന്‍റുള്ള അത്​ലറ്റികോ മഡ്രിഡാണ്​ എട്ട്​ പോയന്‍റ്​ ലീഡുമായി പട്ടികയുടെ തലപ്പത്ത്​.

ബാഴ്​സക്കായി ഏറ്റവും കൂടുതൽ ലീഗ്​ മത്സരങ്ങൾ കളിച്ച സാവി ഫെർണാണ്ടസിന്‍റെ (505 മത്സരങ്ങൾ) റെക്കോഡിനൊപ്പമെത്തിയ മത്സരത്തിലായിരുന്നു മെസ്സിയുടെ മാസ്​മരിക പ്രകടനം.

ആദ്യ പകുതിയുടെ ഇഞ്ചുറി സമയത്തും 75ാം മിനിറ്റിലുമായിരുന്നു മെസ്സിയുടെ ഗോളുകൾ. 45ാം മിനിറ്റിൽ അലാവസ്​ ബോക്​സിന്‍റെ പുറത്ത്​ നിന്ന്​ മെസ്സി തൊടുത്ത്​ വിട്ട പന്ത്​ രണ്ട്​ എതിർടീം പ്രതിരോധനിരക്കാരെ മറികടന്ന്​ ഗോൾപോസ്റ്റിലെത്തി. 75ാം മിനിറ്റിൽ 25 വാര അകലെ നിന്നും മെസ്സിയടിച്ച ലോങ്​റേഞ്ചർ ഗോൾപോസ്റ്റിൽ പതിക്കു​േമ്പാൾ ഗോൾകീപ്പർക്ക്​ കാഴ്​ച്ചക്കാരനായി നോക്കിനിൽക്കാനാണ്​ സാധിച്ചത്​.

ബാഴ്​സക്കായി 21കാരനായ ഫ്രാൻസിസ്​കോ ട്രിൻകാവോയും (29,74) രണ്ട്​ തവണ വെടിപൊട്ടിച്ചു. ജൂനിയർ ഫിർപോയുടെ വകയായിരുന്നു ശേഷിക്കുന്ന ഗോൾ. ശനിയാഴ്ച നടന്ന മത്സരത്തിൽ അത്​ലറ്റികോ മഡ്രിഡ്​ 2-1ന്​ ഗ്രാനഡയെ തോൽപിച്ചു. മാർകോസ്​ ലോറന്‍റെയും എയ്​ഞ്ചൽ കൊറിയയുമാണ്​ അത്​ലറ്റിക്കോക്കായി സ്​കോർ ചെയ്​തത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:footballLionel MessiBarcelona
News Summary - Lionel Messi Leads Barcelona To Thumping Win over Alaves
Next Story