Begin typing your search above and press return to search.
exit_to_app
exit_to_app
പെനാൽറ്റി പോസ്റ്റിലടിച്ച്​ മൊറീനോ; ഹെഡർ ഗോളിൽ ലെവൻഡോവ്​സ്​കി; സ്​പെയിനിനെ പിടിച്ചുകെട്ടി പോളണ്ട്​
cancel
Homechevron_rightSportschevron_rightFootballchevron_rightപെനാൽറ്റി...

പെനാൽറ്റി പോസ്റ്റിലടിച്ച്​ മൊറീനോ; ഹെഡർ ഗോളിൽ ലെവൻഡോവ്​സ്​കി; സ്​പെയിനിനെ പിടിച്ചുകെട്ടി പോളണ്ട്​

text_fields
bookmark_border

സെവിയ്യ: ഒരു കാലത്ത്​ ലോക ഫുട്​ബാളിനെ ഭരിച്ച സംഘമെന്ന വലിയ വിലാസം ഇനിയും സഹായിക്കില്ലെന്ന്​ ഒരിക്കലൂടെ തെളിയിച്ച്​ യൂറോകപ്പിലെ രണ്ടാം മത്സരം. ഗ്രൂപ്​ 'ഇ'യിൽ അവസരങ്ങൾ കണക്കിലെടുത്താൽ ജയിക്കാമായിരുന്ന​ സ്​പെയ്​നിനെ പോളണ്ടാണ് 1-1ന്​ തളച്ചത്​.

പതിവു പോലെ പാസിങ്ങിലും പന്തടക്കത്തിലും ​മുൻ ലോകചാമ്പ്യന്മാർ ഏറെ മുന്നിൽ നിന്നെങ്കിലും അവസരങ്ങൾ ലക്ഷ്യത്തിലെത്തിക്കുന്നതിൽ ദയനീയമായി പിഴച്ചു. പെനാൽറ്റി പോലും കളഞ്ഞുകുളിച്ചവർ സമനിലയുമായി മടങ്ങിയത്​​ തന്നെ ഭാഗ്യമായി കരുതണം. ആദ്യ കളിയിൽ ​െസ്ലാവാക്യക്കെതിരെ ഗോൾരഹിത സമനിലയിൽ കുരുങ്ങിയ സ്​പെയിനിന്​ കൂടുതൽ കരുത്തരായ എതിരാളികളായിരുന്നു പോളണ്ട്​. എന്നിട്ടും പന്ത്​ പോളണ്ടിന്‍റെ പകുതിയിൽ നിർത്തി മൈതാനത്ത്​ അവർ ആധിപത്യമറിയിക്കുകയും ചെയ്​തു. ​െസ്ലാവാക്യക്കെതിരെ 85 ശതമാനം കളിയും നിയന്ത്രിച്ചവർ ഇന്നലെ 76 ശതമാനം സമയവും പന്ത്​ സ്വന്തം കാലുകളിൽ നിർത്തി. പക്ഷേ, നിർഭാഗ്യം വില്ലനാകുകയായിരുന്നുവെന്ന്​ സ്​പാനിഷ്​ ഫുൾബാക്ക്​ ജോർഡി ആൽബ പറയുന്നു.

25ാം മിനിറ്റിൽ ജെറാഡ്​ മോറിനോയുടെ പാസിൽ അൽവാരോ മൊറാറ്റ​ സ്​പെയിനിനെ മുന്നിലെത്തിച്ചു. ആദ്യ പകുതിക്ക്​ പിന്നാലെ 54ാം മിനിറ്റിൽ സൂപ്പർ താരം റോബർട്ട്​​ ലെവൻഡോവ്സ്​കി ഹെഡറിലൂടെ ഗോൾ നേടിയാണ്​ പോളണ്ട്​ സമനില പിടിക്കുന്നത്​. തൊട്ടുപിന്നാലെ സ്​പെയ്​നിന്​ പെനാൽറ്റി ലഭിച്ചെങ്കിലും ജെറാഡ്​ മോറിനോ തുലച്ചു. പോസ്​റ്റിൽ തട്ടി തിരിച്ചുവന്ന പന്ത്​ മൊറാറ്റക്കും ഗോളാക്കി മാറ്റാനായില്ല. മൊറീനോയെ പെനാൽറ്റി ബോക്​സിൽ വീഴ്​ത്തിയതിനായിരുന്നു റഫറി പെനാൽറ്റി അനുവദിച്ചത്​.. രണ്ടാം മത്സരവും സമനിലയിലായതോടെ ഗ്രൂപിൽ ​സ്​പെയ്​നി​ന്‍റെ നില പരുങ്ങലിലായി​.

ഒരു പതിറ്റാണ്ട്​ മുമ്പുവരെ ലോകത്തെ ഏറ്റവും ഭയക്കുന്ന ടീമുകളി​െലാന്നായിരുന്നു സ്​പാനിഷ്​ അർമഡ. ടികി ടാക ശൈലിയുമായി മൈതാനം നിറഞ്ഞവർ 2008, 2012 ​യൂറോ ചാമ്പ്യൻഷിപ്പും 2010ലെ ലോകകപ്പും സ്വന്തം പേരിൽ കുറിച്ചു. ആ ടീമിനു പഷേ, പ്രശ്​നങ്ങളേറെ. മധ്യനിര തളർന്നതും മിടുക്കനായ സ്​ട്രൈക്കറുടെ അഭാവവും പരിഹരിക്കാൻ ആരു വരുമെന്നാണ്​ ഒന്നാം ചോദ്യം. ഇന്നലെ ഗോൾ നേടിയ മൊറാറ്റ സ്വീഡനെതിരെ രണ്ട്​ തുറന്ന അവസരങ്ങളാണ്​ വെറുതെ കളഞ്ഞത്​.

മറുവശത്ത്​, പോളണ്ട്​ നിരയിൽ കരുത്തനായ ലെവൻഡോവ്​സ്​കി ഒറ്റയാനായി കളംനിറഞ്ഞു.

Show Full Article
TAGS:Euro Copa Lewandowski Poland Spain 
News Summary - Lewandowski saves Poland as Spain’s Morata misses rebound of redemption
Next Story