സാ​ഫ് ക​പ്പ്: ബം​ഗ്ലാ​ദേ​ശി​നെ എ​തി​രി​ല്ലാ​ത്ത ര​ണ്ട് ഗോ​ളി​ന് തകർത്ത് ല​ബ​നാ​ൻ

ബം​ഗ​ളൂ​രു: കി​രീ​ട പ്ര​തീ​ക്ഷ​യു​മാ​യി സാ​ഫ് ക​പ്പി​നെ​ത്തി​യ ല​ബ​നാ​ന് ഗ്രൂ​പ് ബി​യി​ൽ ജ​യ​ത്തോ​ടെ തു​ട​ക്കം. വ്യാ​ഴാ​ഴ്ച ശ്രീ​ക​ണ്ഠീ​ര​വ സ്റ്റേ​ഡി​യ​ത്തി​ൽ മു​ൻ ചാ​മ്പ്യ​ന്മാ​രാ​യ ബം​ഗ്ലാ​ദേ​ശി​നെ എ​തി​രി​ല്ലാ​ത്ത ര​ണ്ട് ഗോ​ളി​നാ​ണ് തോ​ൽ​പി​ച്ച​ത്. ഗോ​ൾ ര​ഹി​ത​മാ​യ മ​ത്സ​രം ഒ​ന്നേ​കാ​ൽ മ​ണി​ക്കൂ​റി​ലേ​ക്ക് അ​ടു​ക്ക​വെ 74ാം മി​നി​റ്റി​ൽ ക്യാ​പ്റ്റ​ൻ ഹ​സ​ൻ മ​ത്തൂ​ക്ക് ല​ബ​നാ​ന് വേ​ണ്ടി നി​ർ​ണാ​യ​ക ഗോ​ൾ നേ​ടി. ക​ളി തീ​രാ​ൻ നി​മി​ഷ​ങ്ങ​ൾ മാ​ത്രം ബാ​ക്കി​നി​ൽ​ക്കെ ഇ​ൻ​ജു​റി ടൈ​മി​ൽ ഖ​ലീ​ൽ ബ​ദ​ർ (90+6) സ്കോ​ർ ചെ​യ്ത് ലീ​ഡ് ര​ണ്ടാ​ക്കി. ഫി​ഫ റാ​ങ്കി​ങ്ങി​ൽ യ​ഥാ​ക്ര​മം 99ലും 192​ലും നി​ൽ​ക്കു​ന്ന ല​ബ​നാ​നും ബം​ഗ്ലാ​ദേ​ശും കൊ​ണ്ടും കൊ​ടു​ത്തു​മാ​ണ് ക​ളി​ച്ച​ത്. എ​ങ്കി​ലും ല​ബ​നാ​നാ​യി​രു​ന്നു ഒ​രു​പ​ടി മു​ന്നി​ൽ. ര​ണ്ട് അ​വ​സ​ര​ങ്ങ​ൾ സൃ​ഷ്ടി​ച്ചെ​ങ്കി​ലും അ​ത് ഗോ​ളാ​ക്കി മാ​റ്റാ​നാ​വാ​ഞ്ഞ​തി​നാ​ൽ ആ​ദ്യ പ​കു​തി​യി​ൽ സ്കോ​ർ ബോ​ർ​ഡ് അ​ന​ങ്ങി​യി​ല്ല. ക​ളി​യു​ടെ തീ​വ്ര​ത കൂ​ടു​ന്ന​തി​ന​നു​സ​രി​ച്ച് ഇ​രു​വ​ശ​ത്തും പ​രു​ക്ക​ൻ നീ​ക്ക​ങ്ങ​ളും ഉ​ണ്ടാ​യ​തോ​ടെ റ​ഫ​റി​ക്ക് ഇ​ട​ക്കി​ടെ മ​ഞ്ഞ​ക്കാ​ർ​ഡ് പു​റ​ത്തെ​ടു​ക്കേ​ണ്ടി​വ​ന്നു. ര​ണ്ടാം പ​കു​തി തീ​ർ​ത്തും ല​ബ​നാ​ന് അ​നു​കൂ​ല​മാ​വു​ന്ന​താ​ണ് ക​ണ്ട​ത്. ഇ​ട​ത് വി​ങ്ങി​ൽ നി​ന്ന് അ​തി​വേ​ഗ പാ​സ് സ്വീ​ക​രി​ച്ച സെ​യ്ൻ അ​ൽ ഫ​റാ​ൻ ര​ണ്ട് ബം​ഗ്ലാ​ദേ​ശ് ഡി​ഫ​ൻ​ഡ​ർ​മാ​രെ പ​രാ​ജ​യ​പ്പെ​ടു​ത്തി​യെ​ങ്കി​ലും ഗോ​ൾ​കീ​പ്പ​ർ അ​നി​സു​ർ റ​ഹ്മാ​ന്റെ നീ​ട്ടി​യ കൈ​ക​ളെ മ​റി​ക​ട​ക്കാ​ൻ ക​ഴി​ഞ്ഞി​ല്ല.

74ാം മി​നി​റ്റി​ൽ ആ​ദ്യ ഗോ​ളെ​ത്തി. ഡി​ഫ​ൻ​ഡ​റി​ൽ നി​ന്ന് പ​ന്ത് സ്വീ​ക​രി​ച്ച ക​രീം ഡാ​ർ​വി​ച്ച് ബം​ഗ്ലാ​ദേ​ശ് ഹാ​ഫി​ൽ നി​ൽ​ക്കു​ന്ന മ​ത്തൂ​ക്കി​ന് ന​ൽ​കാ​ൻ വൈ​കി​യി​ല്ല. ലോ​ങ് പാ​സ് സു​ന്ദ​ര​മാ​യി വ​രു​തി​യി​ലാ​ക്കി​യ മ​ത്തൂ​ക്ക് ഗോ​ൾ​കീ​പ്പ​റെ മ​റി​ക​ട​ന്ന് വ​ല​യി​ലേ​ക്ക് തൊ​ടു​ത്ത​തോ​ടെ ല​ബ​നാ​ന്റെ ആ​ഘോ​ഷം. ഇ​ൻ​ജു​റി ടൈ​മി​ലെ അ​വ​സ​രം ഖ​ലീ​ൽ ബ​ദ​റും ഉ​പ​യോ​ഗ​പ്പെ​ടു​ത്തി. ഞാ​യ​റാ​ഴ്ച ഭൂ​ട്ടാ​നു​മാ​യാ​ണ് ല​ബ​നാ​ന്റെ അ​ടു​ത്ത മ​ത്സ​രം. അ​ന്ന് ത​ന്നെ ബം​ഗ്ലാ​ദേ​ശ് മാ​ല ദ്വീ​പി​നെ​യും നേ​രി​ടും.