മെസ്സിയില്ല, നെയ്​മറും; ഫ്രഞ്ച്​ ലീഗിൽ പി.എസ്​.ജി ജയിച്ചത്​ 87ാം മിനിറ്റിൽ

പാരിസ്​: സൂപ്പർ താരങ്ങളായ ലയണൽ മെസ്സിയും നെയ്​മറും ഇല്ലാതെ ഫ്രഞ്ച്​ ലീഗ്​ പോരാട്ടത്തിനിറങ്ങിയ പി.എസ്​.ജി ജയിച്ചത്​ 87ാം മിനിറ്റിൽ. ലീഗ്​ വണ്ണിലെ പത്താം മത്സരത്തിൽ ആൻഗേഴ്​സിനെതിരെ 2-1നായിരുന്നു പി.എസ്​.ജിയുടെ ജയം. ലാറ്റിനമേരിക്കൻ താരങ്ങളിൽ മിക്കവരും ലോകകപ്പ്​ യോഗ്യത റൗണ്ട്​ മത്സരങ്ങളിലായ​തോടെയാണ്​ മെസ്സിയും നെയ്​മറും അടങ്ങുന്ന വമ്പൻ താരങ്ങളില്ലാതിരുന്നത്​.

7️⃣🔥#PSGSCO pic.twitter.com/BOB48MGrT6

— Paris Saint-Germain (@PSG_English) October 15, 2021

ലഭ്യമായ കളിക്കാരെ ഇറക്കി ആൻഗേഴ്​സിനെതിരെ പി.എസ്​.ജി കോച്ച്​ മൗറീസിയോ പൊച്ചെട്ടിനോ ടീമിനെ കളത്തിലിറക്കിയെങ്കിലും പ്രതീക്ഷിച്ചപോലെയായിരുന്നില്ല കാര്യങ്ങൾ. പി.എസ്​.ജിയുടെ ആക്രമണത്തിനൊത്ത മത്സരം കാഴ്ചവെച്ച എതിരാളിക​ൾ പലതവണ മുൻ ചാമ്പ്യന്മാരെ വിറപ്പിച്ചു. ഒടുവിൽ 36ാം മിനിറ്റിൽ പി.എസ്​.ജിയുടെ വലയിൽ പന്തുമെത്തിച്ചു. ആഞ്ചലോ ഫൽജീനിയാണ്​ ആതിഥേയരെ ഞെട്ടിച്ചത്​. തിരിച്ചടിക്കാൻ പി.എസ്​.ജി നന്നായി പാടുപെട്ടു.

⚽🇵🇹 pic.twitter.com/8ZmBjFL4St

— Paris Saint-Germain (@PSG_English) October 15, 2021

രണ്ടാം പകുതി ഡാനിലോ പെരീറ (69) ഗോൾ നേടി പി.എസ്​.ജിയെ ഒപ്പമെത്തിച്ചു. എങ്കിലും വിജയ ഗോളിനായി കാത്തിരിപ്പു നീണ്ടു. ഒടുവിൽ വാറിന്‍റെ സഹായത്തിൽ ലഭിച്ച പെനാൽറ്റിയാണ്​ കരുത്തരെ വിജയത്തിലെത്തിച്ചത്​. മൗറോ ഇക്കാർഡിയെ വീഴ്​ത്തിയതിന്​ 85ാം മിനിറ്റിൽ റഫറി പെനാൽറ്റി പോയന്‍റിലേക്ക്​ വിസിലൂതിയെങ്കിലും വാർ വിലങ്ങുതടിയായി. എന്നാൽ രണ്ടു മിനിറ്റിനുള്ളിൽ പിയറിക്​ ചാപ്പെല്ലെയുടെ കൈയിൽ പന്തു കൊണ്ടതിന്​ റഫറി പെനാൽറ്റി അനുവദിച്ചു.

👊 YES ! @KMbappe #PSGSCO

pic.twitter.com/kT27znhzsr

— Paris Saint-Germain (@PSG_English) October 15, 2021

കിക്കെടുത്ത കെയ്​ലിയൻ എംബാപ്പെ ഗോൾ നേടുകയും ചെയ്​തു. നാലു മത്സരങ്ങൾക്കൊടുവിലാണ്​ എംബാപ്പെ പി.എസ്​.ജിക്കായി ഗോൾ നേടുന്നത്​.

69' GOOOOOOOAL! 1-1@iamDaniloP levels the game! #PSGSCO pic.twitter.com/PiJSxWVc16

— Paris Saint-Germain (@PSG_English) October 15, 2021

പത്തു മത്സരങ്ങളിൽ ഇതോടെ പി.എസ്​.ജിക്ക്​ 27 പോയന്‍റായി.