ഹാട്രിക്ക്​ എംബാപ്പെ; നൗ കാമ്പിൽ മെസ്സിയൂടെ ബാഴ്​സയെ മുക്കി പി.എസ്​.ജി

ബാഴ്​സ​േലാണ: അകത്തും പുറത്തും ഇനിയും തീർക്കാനാവാത്ത പ്രശ്​നങ്ങളുമായി ഉഴറുന്ന കറ്റാലൻ കരുത്തരെ അവരുടെ തട്ടകത്തിലെത്തി തകർത്തുവിട്ട്​ പാരിസ്​ സെൻറ്​ ജർമയ്​ൻ (പി.എസ്​.ജി). മൂന്നുവട്ടം വലകുലുക്കി ഫ്രഞ്ച്​ സൂപർ താരം കിലിയൻ എംബാപ്പെ നിറഞ്ഞാടിയ ചാമ്പ്യൻസ്​ ലീഗ്​ പ്രീക്വാർട്ടർ ഒന്നാം പാദ മത്സരത്തിൽ ഒന്നിനെതിരെ നാലു ഗോളുകൾക്കായിരുന്നു പി.എസ്​.ജി ജയം.

27ാം മിനിറ്റിൽ പെനാൽറ്റി ഗോളാക്കി മാറ്റി മെസ്സിയും ബാഴ്​സലോണയുമായിരുന്നു നൗകാമ്പിൽ ഗോൾമേളം തുടങ്ങിയത്​. ആദ്യ പകുതിയിൽ കളിയുടെ നിയന്ത്രണവും കൈയിൽ വെച്ച മെസ്സി സംഘം പക്ഷേ, എംബാപ്പെ മാജികിൽ പിന്നീട്​ നാമാവശേഷമാകുന്നതായിരുന്നു കാഴ്​ച.

ബാഴ്​സ പ്രതിരോധത്തെ കാഴ്​ചക്കാരാക്കി അതിവേഗത്തിലായിരുന്നു എംബാപ്പെയുടെ ചടുല നീക്കങ്ങൾ. 32ാം മിനിറ്റിൽ ​െക്ലമൻറ്​ ലെങ്​ലെറ്റിനെ നൃത്തച്ചുവടുകളിൽ മറികടന്ന്​ 10അടി അകലെനിന്ന്​ എംബാപ്പെ പായിച്ച ബുള്ളറ്റ്​ ഷോട്ടിൽ സമനില പിറന്നു. ഒരുവട്ടം കൂടി വലകുലുക്കി താരം ടീമിനെ മുന്നിലെത്തിച്ചു. എവർ​ടണിൽനിന്ന്​ വായ്​പക്ക്​ എത്തിയ മോയ്​സ്​ കീനായിരുന്നു പിന്നീട്​ വല കുലുക്കിയത്​. അവസാന നിമിഷങ്ങളിൽ ഒരിക്കൽ കൂടി അവസരം മുതലെടുത്ത്​ പി.എസ്​.ജിക്കായി ഫ്രഞ്ച്​ താരം ഹാട്രിക്ക്​ പൂർത്തിയാക്കിയതോടെ ബാഴ്​സ തോൽവി ഉറപ്പാക്കി. ഇതോടെ, അദ്​ഭുതം സംഭവിച്ചാലേ ബാഴ്​സക്ക്​ ചാമ്പ്യൻസ്​ ലീഗ്​ ക്വാർട്ടർ കാണാനാകൂ.

പണക്കിലുക്കവും താരത്തിളക്കവും ഒരുപോലെ മേളിക്കുന്ന ബാഴ്​സ- പി.എസ്​.ജി പോരാട്ടങ്ങളുടെ പതിവ്​ താളം മാറി ഏകപക്ഷീയമായെന്നതാണ്​ ഇന്നലത്തെ കളിയുടെ സവിശേഷത. കഴിഞ്ഞ സീസൺ കലാശപ്പോരിൽ ബയേൺ മ്യൂണിക്കിനു മുന്നിൽ ടീം പതറിയപ്പോൾ ഒപ്പം പതറിയ എംബാപ്പെ ഇന്നലെ എല്ലാം മറികടക്കുന്ന പ്രകടനവുമായി ഉടനീളം നിറഞ്ഞുനിന്നു.

പുതിയ പരിശീലകൻ പൊച്ചെറ്റിനോക്കു കീഴിൽ പി.എസ്​.ജി ഫോം തുടരുകയാണ്​. മറുവശത്ത്​, സമീപകാലത്തെ വൻവീഴ്​ചകൾ ബാഴ്​സലോണയെ വീണ്ടും വേട്ടയാടുന്നുവെന്നതിന്​ ഒരിക്കലൂടെ നൗകാമ്പ്​ സാക്ഷിയായി. സീസണിൽ ബാഴ്​സലോണക്കായി 20ാമത്തെ ഗോളുമായി​ മെസ്സി പ്രകടന മികവ്​ തുടർന്നത്​ മാത്രമാണ്​ പ്രതീക്ഷ​. മാർച്ച്​ 20നാണ്​ ഇരു ടീമുകളും തമ്മിലെ രണ്ടാം പാദ മത്സരം.

ലീപ്​സി​ഷിനെതിരെ അനായാസം ലിവർപൂൾ

ചെമ്പടയിലെ ഭാഗ്യ ജോഡികളായ മുഹമ്മദ്​ സലാഹും സാദിയോ മാനേയും ലക്ഷ്യം കണ്ട മത്സരത്തിൽ ലീപ്​സിഷിനെ 2-0ന്​ തകർത്തുവിട്ട്​ ലിവർപൂൾ. ബുഡാപെസ്​റ്റിലെ പുഷ്​കാസ്​ അറീനയിൽ നടന്ന ചാമ്പ്യൻസ്​ ലീഗ്​ പ്രീക്വാർട്ടർ ആദ്യ പാദ മത്സരത്തി​െൻറ രണ്ടാം പകുതിയിൽ അഞ്ചു മിനിറ്റ്​ ഇടവേളയിലായിരുന്നു യുർഗൻ ​​േക്ലാപി​െൻറ പടക്ക്​ ആവേശം നൽകിയ ഇരട്ട ഗോളുകളുടെ പിറവി. പ്രിമിയർ ലീഗിൽ കിരീടപ്പോരാട്ടത്തിൽനിന്ന്​ ഏറെക്കുറെ പുറത്തായ ടീമിന്​ ഇതോടെ സീസണിൽ ചാമ്പ്യൻസ്​ ലീഗ്​ ഉൾപെടെ മറ്റു പോരിടങ്ങളിൽ ഇനിയുമേറെ പോകാനാകും.

ഇന്നലെ ആദ്യാവസാനം കളി നയിച്ച ലിവർപൂൾ തുടക്കത്തിലേ ലീഡ്​ പിടിക്കേണ്ടതായിരുന്നുവെങ്കിലും ചെറിയ പിഴവുകളിൽ ലക്ഷ്യം കാണാതെ മടങ്ങി. സലാഹി​െൻറ ഒറ്റയാൾ പോരാട്ടമാണ്​ 53ാം മിനിറ്റിൽ ആദ്യ ഗോളിൽ കലാശിച്ചത്​. 58ാം മിനിറ്റിൽ ജോൺസി​െൻറ പാസ്​ ലീപ്​സിഷ്​ വലയിലെത്തിച്ച്​ ടീം ലീഡുയർത്തി.

മാർച്ച്​ 10ന്​ ആൻഫീൽഡിലാണ്​ ഇരുവരും തമ്മിലെ രണ്ടാം പാദം. സ്വന്തം തട്ടകത്തിൽ ചെറിയ തോൽവി പോലും ടീമി​െൻറ വഴി മുടക്കില്ല. ഈ സീസണിൽ 34 കളികളിൽ 24 ഗോളുകളുമായി സലാഹ്​ പ്രകടന മികവ്​ തുടരുകയാണ്​.