അ​റ​ബ് മേ​ഖ​ല​യി​ൽ ജ്വ​ലി​ച്ചു​നി​ന്ന കു​വൈ​ത്തിന്റെ​ ഫു​ട്ബാ​ൾ ച​രി​ത്രം

കു​വൈ​ത്ത് സി​റ്റി: ലോ​കം ഖ​ത്ത​റി​ലെ ഫു​ട്ബാ​ൾ ആ​വേ​ശ​ത്തി​ന്റെ പ​ര​കോ​ടി​യി​ലേ​ക്ക് ചേ​ക്കേ​റു​മ്പോ​ൾ കാ​ൽ​പ​ന്തി​നാ​ൽ സ​മ്പ​ന്ന​മാ​യൊ​രു സു​വ​ർ​ണ കാ​ല​ത്തി​ന്റെ ഓ​ർ​മ​യി​ലാ​ണ് കു​വൈ​ത്ത്. മൂ​ന്നു പ​തി​റ്റാ​ണ്ടോ​ളം അ​റ​ബ് മേ​ഖ​ല​യി​ൽ ജ്വ​ലി​ച്ചു​നി​ന്നൊ​രു ഫു​ട്ബാ​ൾ ച​രി​ത്രം കു​വൈ​ത്തി​നു​ണ്ട്. നാ​ലു പ​തി​റ്റാ​ണ്ടു മു​മ്പ് ആ​ദ്യ​മാ​യി ലോ​ക​ക​പ്പി​ൽ പ​ന്തു​ത​ട്ടി​യ​തി​ന്റെ ഓ​ർ​മ​ക​ളും. എ​ന്നാ​ൽ, ആ ​ലോ​ക​ക​പ്പ് കു​വൈ​ത്തി​ന് അ​ത്ര സു​ഖ​ക​ര​മ​ല്ലാ​ത്ത ചി​ല ഓ​ർ​മ​ക​ൾ കൂ​ടി സ​മ്മാ​നി​ച്ചു. ലോ​ക ഫു​ട്ബാ​ളി​ന്റെ ച​രി​ത്ര​ത്തി​ലെ സ​മാ​ന​ത​ക​ളി​ല്ലാ​ത്ത ചി​ല സം​ഭ​വ​ങ്ങ​ൾ!

1970ൽ ​സ്വ​ന്തം മ​ണ്ണി​ൽ ആ​ദ്യ​മാ​യി ഗ​ൾ​ഫ് ക​പ്പ് നേ​ടു​ന്ന​തോ​ടെ​യാ​ണ് കു​വൈ​ത്തി​ന്റെ സു​വ​ർ​ണ​കാ​ലം തു​ട​ങ്ങു​ന്ന​ത്. 2010 ലെ ​അ​വ​സാ​ന കി​രീ​ട​നേ​ട്ട​മ​ട​ക്കം 10 ത​വ​ണ​യാ​ണ് കു​വൈ​ത്ത് ഗ​ൾ​ഫ് ക​പ്പി​ൽ മു​ത്ത​മി​ട്ട​ത്. 1976ൽ ​ഏ​ഷ്യ​ൻ ക​പ്പ് ഫൈ​ന​ലി​ൽ പ്ര​വേ​ശി​ച്ചു. അ​ന്ന് ഇ​റാ​നോ​ട് തോ​റ്റെ​ങ്കി​ലും 1980ൽ ​കി​രീ​ടം നേ​ടി മേ​ഖ​ല​യി​ലെ ചാ​മ്പ്യ​ന്മാ​രാ​യി. ഇ​തേ വ​ർ​ഷം മോ​സ്കോ ഒ​ളി​മ്പി​ക്സി​ന് യോ​ഗ്യ​ത നേ​ടി ശ​ക്തി തെ​ളി​യി​ച്ചു. പി​റ​കെ 1982ൽ ​സ്‍പെ​യി​നി​ൽ ന​ട​ന്ന ലോ​ക​ക​പ്പി​ലേ​ക്ക് യോ​ഗ്യ​ത നേ​ടി കു​വൈ​ത്ത് എ​ക്കാ​ല​ത്തെ​യും മി​ക​ച്ച നേ​ട്ട​ത്തി​ലെ​ത്തി. ഏ​ഷ്യ​യി​ൽ​നി​ന്ന് ലോ​ക​ക​പ്പി​ൽ പ്ര​വേ​ശ​നം നേ​ടു​ന്ന ആ​ദ്യ​ത്തെ അ​റ​ബ് ടീ​മാ​യി​രു​ന്നു കു​വൈ​ത്ത്.

ലോ​ക​ക​പ്പി​ൽ

1982ലെ ​സ്‍പെ​യി​ൻ ലോ​ക​ക​പ്പി​ൽ ഇം​ഗ്ല​ണ്ടും ഫ്രാ​ൻ​സും ചെ​ക്കോ​സ്​​ലോ​വാ​ക്യ​യും ഉ​ൾ​പ്പെ​ട്ട ഗ്രൂ​പ് നാ​ലി​ലാ​യി​രു​ന്നു കു​വൈ​ത്ത്. ചെ​ക്കോ​സ്​​ലോ​വാ​ക്യ​യു​മാ​യു​ള്ള ആ​ദ്യ മ​ത്സ​ര​ത്തി​ൽ 1-1 സ​മ​നി​ല നേ​ടി​യ​ത് കു​വൈ​ത്ത് ആ​രാ​ധ​ക​ർ​ക്ക് പ്ര​തീ​ക്ഷ ന​ൽ​കു​ന്ന​താ​യി​രു​ന്നു.

ര​ണ്ടാം മ​ത്സ​ര​ത്തി​ൽ പ​ക്ഷേ മി​ക​ച്ച​തൊ​ന്നും ക​ള​ത്തി​ൽ നേ​ടാ​നാ​വാ​തെ ഫ്രാ​ൻ​സി​നോ​ട് 4-1ന് ​പ​രാ​ജ​യം ഏ​റ്റു​വാ​ങ്ങേ​ണ്ടി​വ​ന്നു. അ​വ​സാ​ന മ​ത്സ​ര​ത്തി​ൽ ഇം​ഗ്ല​ണ്ടി​നോ​ട് ഒ​രു ഗോ​ളി​നും തോ​റ്റ​തോ​ടെ കു​വൈ​ത്തി​ന്റെ ലോ​ക​ക​പ്പ് പ്ര​തീ​ക്ഷ​ക​ൾ അ​വ​സാ​നി​ച്ചു.

ര​ണ്ടാം ക​ളി​യി​ലെ വി​വാ​ദം

1982 ജൂ​ൺ 21ലെ ​ര​ണ്ടാം മ​ത്സ​ര​ത്തി​ൽ കു​വൈ​ത്ത് ഫ്രാ​ൻ​സു​മാ​യി ഏ​റ്റു​മു​ട്ടു​ന്നു. കാ​ണി​ക​ളു​ടെ കൂ​ട്ട​ത്തി​ൽ അ​ന്ന് കു​വൈ​ത്ത് രാ​ജ​കു​മാ​ര​നും ഫു​ട്ബാ​ൾ അ​സോ​സി​യേ​ഷ​ൻ മേ​ധാ​വി​യു​മാ​യ ശൈ​ഖ് ഫ​ഹ​ദ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹും ഉ​ണ്ട്. കു​വൈ​ത്തി​ലെ ലോ​ക​ക​പ്പ് പ്ര​വേ​ശ​ന​ത്തെ​ക്കാ​ൾ ച​രി​ത്ര​ത്തി​ൽ ഇ​ടം പി​ടി​ച്ച​ത് ഈ ​മ​ത്സ​ര​മാ​ണ്. ആ​ദ്യ പ​കു​തി​യി​ൽ ര​ണ്ടു​ഗോ​ൾ വ​ഴ​ങ്ങി​യെ​ങ്കി​ലും ക​രു​ത്ത​രാ​യ ഫ്രാ​ൻ​സി​നു മു​ന്നി​ൽ കു​വൈ​ത്ത് പി​ടി​ച്ചു​നി​ന്നു.

ര​ണ്ടാം പ​കു​തി​യു​ടെ തു​ട​ക്ക​ത്തി​ൽ ഫ്രാ​ൻ​സ് ലീ​ഡു​യ​ർ​ത്തി​. 75ാം മി​നി​റ്റി​ൽ കു​വൈ​ത്തി​ന്റെ അ​ബ്ദു​ല്ല അ​ൽ ബു​ലൂ​ഷി ഫ്രാ​ൻ​സി​ന്റെ ഗോ​ൾ പോ​സ്റ്റി​ൽ ല​ക്ഷ്യം കാ​ണു​ക​യും ഗോ​ൾ നേ​ടു​ക​യും ചെ​യ്തു.

ഇ​തി​നു പി​റ​കെ​യാ​ണ് ലോ​ക​ക​പ്പ് ച​രി​ത്ര​ത്തി​ലെ അ​പൂ​ർ​വ സം​ഭ​വ​ത്തി​ന് സ്റ്റേ​ഡി​യം സാ​ക്ഷി​യാ​യ​ത്. ഫ്രാ​ൻ​സി​ന്റെ അ​വ​സാ​ന ഗോ​ളി​ലേ​ക്കു​ള്ള മു​ന്നേ​റ്റം, എ​വി​ടെ​നി​ന്നോ ഒ​രു വി​സി​ൽ മു​ഴ​ങ്ങി. ഓ​ഫ്സൈ​ഡാ​ണെ​ന്നു ക​രു​തി കു​വൈ​ത്ത് പ്ര​തി​രോ​ധ നി​ര ഒ​രു നി​മി​ഷം സ്തം​ഭി​ച്ചു​നി​ന്നു. എ​ന്നാ​ൽ, ഇ​ത് വ​ക​വെ​ക്കാ​തെ ഫ്രാ​ൻ​സ് പ​ന്ത് കു​വൈ​ത്ത് വ​ല​യി​ലെ​ത്തി​ച്ചു. റ​ഫ​റി ഗോ​ൾ അ​നു​വ​ദി​ക്കു​ക​യു​മു​ണ്ടാ​യി.

കു​വൈ​ത്ത് ക​ളി​ക്കാ​ർ പ്ര​തി​ഷേ​ധ​വു​മാ​യി റ​ഫ​റി​ക്കു​നേ​രെ തി​രി​ഞ്ഞു. ഇ​രു​രാ​ജ്യ​ങ്ങ​ളു​​ടെ​യും ക​ളി​ക്കാ​ർ ത​മ്മി​ൽ ചെ​റി​യ ഉ​ര​സ​ലും ഉ​ണ്ടാ​യി. ഇ​തി​നി​ടെ, ഫ​ഹ​ദ് രാ​ജ​കു​മാ​ര​ൻ മൈ​താ​ന​ത്തി​ലേ​ക്കി​റ​ങ്ങി​വ​ന്നു റ​ഫ​റി​യോ​ട് വി​ശ​ദീ​ക​ര​ണം ആ​രാ​ഞ്ഞു.

മൈ​താ​ന​ത്ത് സം​ഘ​ർ​ഷ​ഭ​രി​ത​മാ​യ നി​മി​ഷ​ങ്ങ​ൾ​ക്ക് ഇ​ത് സാ​ക്ഷി​യാ​യി. ഇ​രു ടീ​മു​ക​ളും ര​മ്യ​ത​യി​ലെ​ത്തി മ​ത്സ​രം തു​ട​ർ​ന്നെ​ങ്കി​ലും കു​വൈ​ത്തി​ന് തി​രി​ച്ചു​വ​രാ​ൻ പി​ന്നെ സ​മ​യ​മു​ണ്ടാ​യി​രു​ന്നി​ല്ല. അ​വ​സാ​ന ക​ളി​യും പ​രാ​ജ​യ​പ്പെ​ട്ട​തോ​ടെ കു​വൈ​ത്ത് പു​റ​ത്താ​വു​ക​യും ചെ​യ്തു. 1982ഓ​ടെ​യാ​ണ് കു​വൈ​ത്തി​ന്റെ ഫു​ട്ബാ​ൾ പ്ര​താ​പം ക്ഷ​യി​ച്ചു​തു​ട​ങ്ങി​യ​ത്. പി​ന്നീ​ടൊ​രി​ക്ക​ലും ലോ​ക​ക​പ്പി​ലേ​ക്ക് യോ​ഗ്യ​ത നേ​ടാ​ൻ രാ​ജ്യ​ത്തി​നാ​യി​ട്ടി​ല്ല.