കേരള പ്രീമിയർ ലീഗ്​: കേരള പൊലീസിന്​ വിജയം

മലപ്പുറം: കോട്ടപ്പടി സ്റ്റേഡിയത്തിൽ നടന്ന ​കേരള പ്രീമിയർ ലീഗിൽ കേരള പൊലീസിന്​ വിജയം. വൈകീട്ട്​ നടന്ന മത്സരത്തിൽ കോവളം എഫ്​.സിയെ ഒന്നിനെതിരെ നാല്​ ഗോളിനാണ്​ പൊലീസ്​ ടീം തോൽപിച്ചത്​. കേരള പൊലീസിനായി 25ാം മിനിറ്റിൽ ബിജേഷും 28ാം മിനിറ്റിൽ സുജിലും 40ാം മിനിറ്റിൽ സജീഷും 76ാം മിനിറ്റിൽ വിബിനും ഗോളുകൾ നേടി.

78ാം മിനിറ്റിൽ ജിത്തു കോവളം എഫ്​.സിയുടെ ആശ്വാസ ഗോൾ നേടി. ലൂക്ക സോക്കർ ക്ലബും​ എഫ്​.സി അരീ​ക്കോടും തമ്മിൽ നടന്ന രണ്ടാം മത്സരം ഗോൾരഹിത സമനിലയിൽ പിരിഞ്ഞു.