‘കൺനിറയെ’ അവർ കണ്ടു, മഞ്ഞപ്പട‍യുടെ കളംനിറഞ്ഞ കളി

കൊ​ച്ചി: പ്രി​യ​പ്പെ​ട്ട കേ​ര​ള ബ്ലാ​സ്റ്റേ​ഴ്സ് താ​ര​ങ്ങ​ളു​ടെ ക​ളി ഇ​ന്ന​ലെ വ​രെ കേ​ട്ട​റി​യു​ക​യാ​യി​രു​ന്നു അ​വ​ർ. ചൊ​വ്വാ​ഴ്​​ച അ​വ​രെ​ല്ലാം ആ ​താ​ര​ങ്ങ​ളെ തൊ​ട്ട​റി​ഞ്ഞു, നേ​രി​ട്ട്​ കാ​ണാ​നാ​വി​ല്ലെ​ങ്കി​ലും അ​വ​രു​ടെ ക​ളി​ക്ക​ള​ത്തി​ലെ ച​ടു​ല​നീ​ക്ക​ങ്ങ​ൾ തൊ​ട്ട​ടു​ത്തു​നി​ന്ന് അ​നു​ഭ​വി​ച്ച​റി​ഞ്ഞു. ലോ​ക ഭി​ന്ന​ശേ​ഷി ദി​ന​ത്തി​ല്‍ ഇ​ന്ത്യ​ന്‍ ബ്ലൈ​ന്‍ഡ് ഫു​ട്‌​ബാ​ള്‍ താ​ര​ങ്ങ​ൾ​ക്കൊ​പ്പ​മാ​യി​രു​ന്നു കേ​ര​ള ബ്ലാ​സ്റ്റേ​ഴ്സ് കോ​ച്ചും താ​ര​ങ്ങ​ളും.

ക​ട​വ​ന്ത്ര ഗാ​മ ഫു​ട്‌​ബാ​ള്‍ ഗ്രൗ​ണ്ടി​ല്‍ ന​ട​ക്കു​ന്ന ബ്ലൈ​ന്‍ഡ് ഫു​ട്‌​ബാ​ള്‍ നാ​ഷ​ന​ല്‍ ടീം ​ക്യാ​മ്പി​ൽ മ​ഞ്ഞ​പ്പ​ട​യു​ടെ കോ​ച്ച് മൈ​ക്ക​ല്‍ സ്റ്റാ​റെ, താ​ര​ങ്ങ​ളാ​യ മി​ലോ​സ് ഡ്രി​ന്‍സി​ച്ച്, അ​ല​ക്‌​സാ​ന്‍ഡ്രേ കൊ​യെ​ഫ്, മു​ഹ​മ്മ​ദ് അ​യ്മ​ന്‍ എ​ന്നി​വ​രെ​ത്തി​യ​ത് ക്യാ​മ്പി​ൽ പ​ങ്കെ​ടു​ത്ത​വ​ർ​ക്ക് പു​തി​യ അ​നു​ഭ​വ​മാ​യി. ടീ​മി​നൊ​പ്പം സം​വ​ദി​ച്ചും അ​വ​ർ​ക്കൊ​പ്പം ക​ണ്ണു​മൂ​ടി​ക്കെ​ട്ടി (ബ്ലൈ​ൻ​ഡ് ഫോ​ൾ​ഡ്) പെ​നാ​ല്‍റ്റി ഷൂ​ട്ടൗ​ട്ടി​ല്‍ പ​ങ്കെ​ടു​ത്തും ഏ​റെ​സ​മ​യം ചെ​ല​വ​ഴി​ച്ചാ​ണ് ബ്ലാ​സ്റ്റേ​ഴ്സ് താ​ര​ങ്ങ​ൾ മ​ട​ങ്ങി​യ​ത്. ഭി​ന്ന​ശേ​ഷി ദി​ന​ത്തി​ന്‍റെ ഭാ​ഗ​മാ​യി ബ്ലൈ​ൻ​ഡ് താ​ര​ങ്ങ​ൾ​ക്ക് പ്ര​ചോ​ദ​ന​വും ആ​ത്മ​വി​ശ്വാ​സ​വും പ​ക​രു​ന്ന​തി​ന്‍റെ ഭാ​ഗ​മാ​യി​രു​ന്നു സ​ന്ദ​ർ​ശ​നം.

ഡി​സം​ബ​ര്‍ 16 മു​ത​ല്‍ റ​ഷ്യ​യി​ല്‍ ന​ട​ക്കു​ന്ന ബ്രി​ക്സ് രാ​ജ്യ​ങ്ങ​ളു​ടെ പാ​രാ ഫു​ട്‌​ബാ​ള്‍ ഗെ​യിം​സി​ന്​ മു​ന്നോ​ടി​യാ​യു​ള്ള സെ​ല​ക്ഷ​ൻ ആ​ൻ​ഡ് ട്രെ​യി​നി​ങ് ക്യാ​മ്പാ​ണ് കൊ​ച്ചി​യി​ൽ ന​ട​ക്കു​ന്ന​ത്. ബ്ലാ​സ്റ്റേ​ഴ്സി​ന്‍റെ ആ​രാ​ധ​ക​രാ​ണ് ത​ങ്ങ​ളെ​ന്നും കാ​ണാ​നാ​വി​ല്ലെ​ങ്കി​ലും ഐ.​എ​സ്.​എ​ൽ ക​മ​ൻ​റ​റി​യി​ലൂ​ടെ ബ്ലാ​സ്റ്റേ​ഴ്സി​ന്‍റെ ക​ളി കേ​ൾ​ക്കാ​റു​ണ്ടെ​ന്നും ടീ​മി​ലെ മ​ല​യാ​ളി​ക​ളാ​യ അ​ഖി​ൽ ലാ​ൽ, തു​ഫൈ​ൽ അ​ബ്ദു​ല്ല എ​ന്നി​വ​ർ പ​റ​ഞ്ഞു.

കാ​ഴ്ച​പ​രി​മി​തി​യി​ല്ലാ​ത്ത അ​ഞ്ച് ഗോ​ൾ​കീ​പ്പ​ർ​മാ​രി​ൽ ടി.​എ​സ്. അ​നു​രാ​ഗ്, പി.​എ​സ്. സു​ജി​ത് എ​ന്നീ മ​ല​യാ​ളി​ക​ളു​മു​ണ്ട്. ബ്ലൈ​ൻ​ഡ് ഫു​ട്ബാ​ൾ ടീം ​ഹെ​ഡ് കോ​ച്ച് സു​നി​ൽ ജെ. ​മാ​ത്യു ത​ങ്ങ​ളു​ടെ പ​രി​മി​തി​ക​ളെ​ക്കു​റി​ച്ചും സാ​ധ്യ​ത​ക​ളെ​ക്കു​റി​ച്ചും ബ്ലാ​സ്റ്റേ​ഴ്സ് താ​ര​ങ്ങ​ൾ​ക്ക് വി​ശ​ദീ​ക​രി​ച്ചു. ഇ​വ​ർ​ക്ക് പ്ര​ചോ​ദ​നാ​ത്മ​ക​മാ​യ അ​നു​ഭ​വ​ങ്ങ​ൾ പ​ങ്കു​വെ​ച്ചും മോ​സ്കോ​യി​ൽ വി​ജ​യാ​ശം​സ നേ​ർ​ന്നു​മാ​ണ് ബ്ലാ​സ്റ്റേ​ഴ്സ് മ​ട​ങ്ങി​യ​ത്.