നെക്സ്റ്റ് ജെൻ കപ്പിന് ബ്ലാസ്റ്റേഴ്സ്

മഡ്ഗാവ്: റിലയൻസ് ഫൗണ്ടേഷൻ ഡെവലപ്മെന്റ് ലീഗിൽ ജേതാക്കളായ ബംഗളൂരു എഫ്.സിയും റണ്ണറപ്പ് കേരള ബ്ലാസ്റ്റേഴ്സും ഈ വർഷം ലണ്ടനിൽ നടക്കുന്ന നെക്സ്റ്റ് ജെൻ കപ്പിൽ കളിക്കും.

ഡെവലപ്മെന്റ് ലീഗിൽ കഴിഞ്ഞദിവസം നടന്ന ബ്ലാസ്റ്റേഴ്സ്-ബംഗളൂരു മത്സരം ഗോൾരഹിത സമനിലയിലാണ് കലാശിച്ചത്. ഇതോടെ, ഏഴു മത്സരങ്ങളിൽ 19 പോയന്റുമായി ബംഗളൂരു പ്രഥമ കിരീടം നേടി. 16 പോയന്റാണ് രണ്ടാം സ്ഥാനക്കാരായ ബ്ലാസ്റ്റേഴ്സിനുള്ളത്.