Begin typing your search above and press return to search.
exit_to_app
exit_to_app
Homechevron_rightSportschevron_rightFootballchevron_right'ഈ റഫറിമാരെ...

'ഈ റഫറിമാരെ ഒന്നുമാറ്റിത്തരുമോ?'; പരാതിയുമായി ബ്ലാസ്​റ്റേഴ്​സും ആരാധകരും

text_fields
bookmark_border
ഈ റഫറിമാരെ ഒന്നുമാറ്റിത്തരുമോ?; പരാതിയുമായി ബ്ലാസ്​റ്റേഴ്​സും ആരാധകരും
cancel

ഐ.എസ്​.എല്ലിൽ നിരന്തരമായി തുടരുന്ന മോശം റഫറിയിങ്ങിനെതിരെ കടുത്ത പ്രതിഷേധവുമായി കേരള ബ്ലാസ്​റ്റേഴ്​സ്​ മാനേജ്​മെന്‍റും ആരാധകക്കൂട്ടമായ മഞ്ഞപ്പടയും. കേരള ബ്ലാസ്​റ്റേഴസ്​ ടീമംഗങ്ങൾ അഖിലേന്ത്യാ ഫുട്​ബാൾ ഫെഡറേഷന്​ പരാതി നൽകിയപ്പോൾ ആരാധകർ നടപടിയാവശ്യപ്പെട്ട്​ ഫിഫക്ക്​ കത്തയച്ചു.

ആൾ ഇന്ത്യ ഫുട്​ബാൾ ഫെഡറേഷനും ഐ.എസ്​.എൽ അധികൃതർക്കും പരാതി നൽകിയിട്ടും ഫലമില്ലാത്തതോടെയാണ്​ ഫിഫക്ക്​ പരാതിനൽകുന്നതെന്ന്​ ബ്ലാസ്​റ്റേഴ്​സ്​ ആരാധക്കൂട്ടമായ മഞ്ഞപ്പട ട്വിറ്ററിൽ കുറിച്ചു. ഐ.എസ്​.എല്ലി​െല മോശം റഫറിയിങ്ങ്​ ഇന്ത്യയിലെ ഫുട്​ബാളിന്‍റെ നിലവാരം കുറക്കുന്നെന്ന്​ പരാതിയിൽ പറയുന്നുണ്ട്​.

ജാംഷഡ്​പൂരിനെതിരായ മത്സരത്തിൽ ബ്ലാസ്​റ്റേഴ്​സ്​ താരം ഗാരി ഹൂപ്പറിന്‍റെ ഷോട്ട്​ ഗോൾവര കടന്നെങ്കിലും റഫറി ഗോൾ അനുവദിച്ചിരുന്നില്ല. ഇതിനെത്തുടർന്ന്​ വിലപ്പെട്ട മൂന്നുപോയന്‍റാണ്​ ബ്ലാസ്​റ്റേഴ്​സിന്​ നഷ്​ടമായത്​. എ.ടി.കെ മോഹൻ ബഗാനെതി​രായ മത്സരത്തിൽ ബ്ലാസ്​റ്റേഴ്​സിനെതിരായി റഫറി പെനൽറ്റി വിധിച്ചത്​ അന്യായമാണെന്നും ആക്ഷേപം ഉയരുന്നുണ്ട്​. ബ്ലാസ്​റ്റേഴ്​സിനെതിരായി മാത്രമല്ല, സീസണിലുടനീളം മോശം റഫറിയിങ്ങ്​ മത്സരങ്ങളുടെ രസംകൊല്ലിയായിരുന്നു.

അതേസമയം റ​ഫ​റി​മാ​രെ​ക്കു​റി​ച്ച്​ സം​സാ​രി​ക്കാ​ൻ താ​നി​ല്ലെ​ന്ന്​ കേ​ര​ള ബ്ലാ​സ്​​റ്റേ​ഴ്​​സ്​ കോ​ച്ച്​ കി​ബു വി​കു​ന പറഞ്ഞു. ബു​ധ​നാ​ഴ്​​ച ന​ട​ക്കു​ന്ന മും​ബൈ സി​റ്റി​ക്ക്​ എ​തി​രാ​യ മ​ത്സ​ര​ത്തി​ലാ​ണ്​ ശ്ര​ദ്ധ. റ​ഫ​റി​മാ​രെ ബ​ഹു​മാ​നി​ക്കു​ന്നു. ക​ളി​യു​ടെ പ്ര​ധാ​ന ഭാ​ഗ​മാ​ണ്​ അ​വ​രെ​ന്നും അ​ദ്ദേ​ഹം ഓ​ൺ​ലൈ​ൻ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.

Show Full Article
TAGS:kerala blasters Isl 2020-21 
Next Story