Begin typing your search above and press return to search.
proflie-avatar
Login
exit_to_app
exit_to_app
വിജയം കണ്ടത്​​ കോച്ചിന്‍റെ അവസാനത്തെ അടവ്​; താരമായി ഹക്കു
cancel
Homechevron_rightSportschevron_rightFootballchevron_rightISL 2022-23chevron_rightവിജയം കണ്ടത്​​...

വിജയം കണ്ടത്​​ കോച്ചിന്‍റെ അവസാനത്തെ അടവ്​; താരമായി ഹക്കു

text_fields
bookmark_border

ബാംബോലിം: ഇതായിരുന്നു കാത്തിരുന്ന ആ ദിനം. ക്രിസ്​മസ്​ ആഘോഷം കഴിഞ്ഞ്​, പുതുവർഷ​െമത്തുംമുന്നേ. ആശ കൈവിടാതെ കാത്തിരുന്ന ആരാധകർക്ക്​ ക്രിസ്​മസ്​-പുതുവർഷ സമ്മാനമായി കേരള ബ്ലാസ്​റ്റേഴ്​സി​െൻറ ആദ്യ ജയം. ഇന്ത്യൻ സൂപ്പർ ലീഗ്​ ഏഴാം സീസണിൽ തുടർതോൽവികളും സമനിലയുമായി ആറു​ കളി പിന്നിട്ട ശേഷം, ഏഴാം അങ്കത്തിൽ മഞ്ഞപ്പടക്ക്​ അർഹിച്ച ജയം. ഹൈദരാബാദ്​ എഫ്​.സിയെ മറുപടിയില്ലാത്ത രണ്ടു​ ഗോളിന്​ (2-0) തരിപ്പണമാക്കിയാണ്​ സീസണിലെ ആദ്യ ജയം സ്വന്തമാക്കിയത്​. പ്രതിരോധം മുതൽ മുന്നേറ്റംവരെ ഉടച്ചുവാർത്ത്​ 'മെയ്​ഡ്​ ഇൻ ഇന്ത്യ' ഫോർമേഷനിൽ കളത്തിലിറങ്ങിയ കേരള ടീമിന്​ മലയാളി താരം അബ്​ദുൽ ഹക്കുവും (29ാം മിനിറ്റ്​) ആസ്​ട്രേലിയൻ താരം ജോർഡൻ മുറെയും (88) ചേർന്നാണ്​ വിജയമൊരുക്കിയത്​.

കിക്കോഫിന്​​ മു​മ്പ്​ ബ്ലാസ്​റ്റേഴ്​സ്​ ലൈനപ്പിലൂടെ കണ്ണോടിച്ചവർ അമ്പരന്നുപോയി. പ്രതിരോധമതിൽ കോസ്​റ്റ ​നമോയ്​നെസുവും ബകാരി കോനയും ​റിസർവ്​ ബെഞ്ചിൽപോലുമില്ല. മുന്നേറ്റത്തിൽ ഗാരി ഹൂപ്പറുമില്ല. ​െപ്ലയിങ്​ ഇലവനിൽ ഫകുണ്ടോ പെരേര, ജോർഡൻ മുറെ, വിസെ​െൻറ ഗോമസ്​ എന്നീ മൂന്നു​ വിദേശികൾ മാത്രം. ​

അരിഡാനെ സൻറാനയും ലിസ്​റ്റൺ കൊളാസോയും ഹാളിചരൺ നർസരിയും നയിക്കുന്ന ഇരട്ടമൂർച്ചയുള്ള ഹൈദരാബാദ്​ മുന്നേറ്റത്തെ തടയിടാൻ ബ്ലാസ്​റ്റേഴ്​സ്​ പ്രതിരോധത്തിൽ അബ്​ദുൽ ഹക്കുവും സന്ദീപ്​ സിങ്ങും. സീസണിൽ ആദ്യമായാണ്​ ഹക്കു ​െപ്ലയിങ്​ ഇലവനിൽ ഇടംപിടിച്ചത്​. സന്ദീപും പുതുമുഖം.

വിങ്ങിലുള്ള നിഷുകുമാറും ജെസൽ കാർനെയ്​രോയും മാത്രമായിരുന്നു പരിചയസമ്പന്നർ. കോച്ച്​ കിബു വികുനയുടെ അവസാനത്തെ അടവ്​ എന്നുറപ്പിക്കാവുന്ന ​​െപ്ലയിങ്​ ഇലവൻ. പക്ഷെ, വിസിൽ മുഴങ്ങിയതോടെ മൈതാനം തുടിച്ചു. അരിഡാനെ, കൊളാസോ, ജോ വിക്​ടർ ബാൾ സ​േപ്ല പൊളിക്കുന്നതിൽ ജെസൽ, സഹൽ അബ്​ദുൽ സമദ്​ വിങ്ങിന്​ കഴിഞ്ഞു. സെൻറർ ബാക്കിൽ അബ്​ദുൽ ഹക്കുവും സന്ദീപും മികവിലേക്കുയർന്നു.


മധ്യനിരയിലെ ​േപ്ല മാസ്​റ്ററായി ജീക്​സൻ സിങ്ങും തല ഉയർത്തിയതോടെ കളത്തിൽ ഒന്നാന്തരം കളി പിറന്നു. 29ാം മിനിറ്റിൽ ബ്ലാസ്​റ്റേഴ്​സിന്​ അനുകൂലമായ ഫ്രീകിക്ക്​, കോർണറായി മാറിയതാണ്​ ഗോളിലേക്ക്​ വഴിയൊരുക്കിയത്​. ഫകുണ്ടോ പെരേര നൽകിയ കിക്ക്​ ബോക്​സിനുള്ളിൽ വെടിക്കെട്ട്​ ഹെ​ഡറിലൂടെ ഹക്കു വലയിലാക്കി. ബ്ലാസ്​റ്റേഴ്​സിന്​ ആത്മവിശ്വാസം നൽകിയ ഗോൾ.

രണ്ടാം പകുതിയിൽ തുടർ സബ്​സ്​റ്റിറ്റ്യൂഷനുമായി ഹൈദരാബാദ്​ സമ്മർദം ശക്തമാക്കി. അപ്പോഴെല്ലാം കരുത്തുറ്റ പ്രതിരോധവുമായാണ്​ ബ്ലാസ്​റ്റേഴ്​സ്​ പിടിച്ചുനിന്നത്​. ഇതിനിടെ, 88ാം മിനിറ്റിൽ വിങ്​​ വഴി രോഹിത്​ കുമാർ എത്തിച്ച പന്ത്​, ബോക്​സിനുള്ളിൽ രാഹുലിൽനിന്നും ജോർഡൻ മുറെയിലേക്ക്​. മാർക്ക് ​ചെയ്യാതെ നിന്ന മുറെ തൊടുത്ത ​ഗ്രൗണ്ട്​ ഷോട്ട്​ ഗോളി സുബ്രതാപാലിനെ കബളിപ്പിച്ച്​ വലയിൽ. രണ്ടാം ഗോളോടെ ബ്ലാസ്​റ്റേഴ്​സ്​ കളി പിടിക്കുകയും ചെയ്​തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala blastersISL 2020-21
Next Story