എറിക്​സൺ 'അവധിയെടുത്ത' ഡെൻമാർക്​ ക്യാമ്പിനെ നയിച്ച്​​ പുതിയ ഹീറോയെത്തി...

കോപൻഹേഗൻ: യൂറോ കപ്പിലെ ആദ്യ മത്സരത്തിൽ കളി പാതിയിൽനിൽക്കെ കുഴഞ്ഞുവീണ്​ ക്രിസ്​ത്യൻ എറിക്​സൺ എന്ന വീരനായകൻ മടങ്ങിയപ്പോൾ എല്ലാം കൈവിട്ടുപോകുമായിരുന്ന ഡെൻമാർക്​ ക്യാമ്പിൽ ആവേശം പകർന്ന്​ പുതിയ താരോദയം. ചുണ്ടിൽ കവിത വഴിയുന്ന, നെഞ്ചുവിരിച്ച്​ മൈതാനത്തിനരികെ നിന്ന്​ എല്ലാം ഭരിക്കുന്ന ചിന്തകനും ഒപ്പം ഉറ്റവനുമായ പരിശീലകൻ കാസ്​പർ ഹ്യുൽമണ്ടാണിപ്പോൾ ​താരം. എറിക്​സ​െൻറ അപ്രതീക്ഷിത വീഴ്​ച ടീമി​െൻറ മനസ്സ്​ തകർത്തപ്പോൾ ആശ്വാസം പകർന്ന്​ മുന്നിലും പിന്നിലും ഒറ്റയാനായി നിലയുറപ്പിച്ച പരിശീലക​െൻറ കരുത്തിൽ ടീം പിന്നീട്​ നേടിയതത്രയും ചരിത്രം.

ആദ്യ മത്സരം തോറ്റുതുടങ്ങിയവർ പിന്നീട്​ യൂറോയിൽ കരുത്തരേറെയും മടങ്ങിയിട്ടും വലിയ വിജയങ്ങളുമായി മുന്നോട്ടാണ്​. ഇന്ന്​ ക്വാർട്ടർ ഫൈനലിൽ ചെക്​ റിപ്പബ്ലിക്കിനെതിരെ ഇറങ്ങു​േമ്പാഴും ഫാവറിറ്റുകളായി പരിഗണിക്കപ്പെടുന്നതും മറ്റാരുമല്ല.

അത്ര വലിയ നഷ്​ടം കൺമുന്നിൽ അരങ്ങേറിയിട്ടും ഒട്ടും പതറാതെയാണ്​ ഇതുവരെയും ടീമി​െൻറ മുന്നേറ്റം. അതിലത്രയും നായകൻ കാസ്​പർ ഹ്യുൽമണ്ടും.

ബെൽജിയത്തിനെതിരായ ആവേശപ്പോരിൽ 75 മിനിറ്റും കോട്ട കാത്ത ടീം അവസാനം ഡി ബ്രുയി​ൻ സംഘത്തി​െൻറ പ്രതിഭക്ക്​ മുന്നിൽ കീഴടങ്ങുകയായിരുന്നു. റഷ്യ​യാക​ട്ടെ, വൻ തോൽവി വാങ്ങിയാണ്​ കളംവിട്ടത്​. വെയിൽസും കളി മറന്നപോലെയായിരുന്നു ഡെൻമാർക്കിനെതിരെ പന്തു തട്ടിയത്​.

എറിക്​സണും ഗോൾ വേട്ടക്കാരായ യൂസുഫ്​ പൗൽസണും പിന്നെ ഡാനിയൽ വാസും ഇല്ലാതെയാണ്​ ടീം ഇത്രയും നേട്ടങ്ങളിലേക്ക്​ ഓട്ടം തുടങ്ങിയതെന്ന്​ അറിയണം. അതിനൊക്കെയും അവർ നന്ദി പറയുന്നത്​ കാസ്​പർ ഹ്യുൽമണ്ടിനോടാണ്​.

ടീമി​െൻറ ഫോർമേഷൻ മാറ്റിയാണ്​ ഹ്യുൽമണ്ട്​ ടീമി​​െൻറ വിജയ ചിത്രം പുതുതായി വരച്ചത്​. 4-2-3-1 ആയിരുന്നത്​ ബെൽജിയത്തിനെതിരെ 3-4-3 ആയും റഷ്യക്കെതിരെ 4-3-3 ആയും പുതുക്കി. പിയറി എമിലി ഹോജ്​ബെർഗിനെ മുന്നിലേക്ക്​ കൊണ്ടുവന്നു. മധ്യനിരയിലാക​ട്ടെ ആന്ദ്രെ ക്രിസ്​റ്റനും എത്തി. ആക്രമണങ്ങൾ ഒരുകാലത്ത്​ എറിക്​സൺ നയിച്ചതായിരുന്നുവെങ്കിൽ ഇപ്പോൾ എല്ലാവരും ഏറ്റെടുത്തു. എല്ലാ ബുദ്ധിയും കോച്ചി​െൻറയാണ്​. ആ കോച്ചാണിപ്പോൾ ടീമി​െൻറ ഹീറോയും.