Begin typing your search above and press return to search.
proflie-avatar
Login
exit_to_app
exit_to_app
Harry Kane
cancel
Homechevron_rightSportschevron_rightFootballchevron_rightഹാരി കെയ്​ൻ...

ഹാരി കെയ്​ൻ മാഞ്ചസ്റ്റർ സിറ്റിയിലേക്ക്​? ക്ലബ്​ വിടാൻ അനുമതി നൽകി ടോട്ടൻഹാം ചെയർമാൻ

text_fields
bookmark_border

ലണ്ടൻ: തങ്ങളുടെ സൂപ്പർ സ്​ട്രൈക്കറും ഇംഗ്ലണ്ട്​ ക്യാപ്​റ്റനുമായ ഹാരി കെയ്​ന്​ ക്ലബ്​ വിടാൻ അനുമതി നൽകി ടോട്ടൻഹാം ഹോട്​സ്​പർ. ഇംഗ്ലീഷ്​ പ്രീമിയർ ലീഗിൽ ടോട്ടൻഹാമിന്‍റെ കിരീട വൈരികളായ മാഞ്ചസ്റ്റർ സിറ്റിയിലേക്ക്​ കെയ്​ൻ ചേക്കേറാനുള്ള സാധ്യതകൾ ഇതോടെ സജീവമായി.

ടോട്ടൻഹാം ചെയർമാൻ ഡാനിയൽ ലെവി ക്ലബ്​വിട്ടുപോവാനുള്ള ഹാരിയുടെ താൽപര്യത്തോട്​ സമ്മതം മൂളിയതായി ബ്രിട്ടീഷ്​ മാധ്യമങ്ങൾ റി​േപ്പാർട്ട്​ ചെയ്​തു. 16 കോടി യൂറോക്ക്​ (ഏകദേ​ശം 1400 കോടി രൂപ) കെയ്​ൻ സിറ്റിയിൽ ചേരുമെന്ന്​ ദ സൺ ഉൾപെടെയുള്ള മാധ്യമങ്ങൾ സൂചന നൽകി. ടോട്ടൻഹാം വിട്ട്​ വമ്പൻ ക്ലബുകളിലൊന്നിൽ ചേക്കേറാനുള്ള താൽപര്യം കെയ്​ൻ നേരത്തേ തുറന്നുപറഞ്ഞിരുന്നു.

മാഞ്ചസ്റ്റർ സിറ്റിയുമായി നാലു വർഷത്തെ കരാറിൽ കെയ്​ൻ ഒപ്പിടുമെന്നാണ്​ റിപ്പോർട്ടുകൾ. ആഴ്ചയിൽ നാലു ലക്ഷം യൂറോയായിരിക്കും പ്രതിഫലമെന്നാണ്​ സൂചന. യൂറോകപ്പിൽ തകർപ്പൻ പ്രകടനത്തോടെ ഇംഗ്ലണ്ടിനെ ഫൈനലിലെത്തിച്ചതിനു പിന്നാലെ മുൻ ദേശീയ താരം ഗാരി നെവിലിന്​ നൽകിയ അഭിമുഖത്തിലാണ്​ ടോട്ടൻഹാം വിടുമെന്ന സൂചന കെയ്​ൻ നൽകിയത്​. 'വലിയ മത്സരങ്ങളിലും വലിയ മുഹൂർത്തങ്ങളിലും പങ്കാളിയാവണം. ചാമ്പ്യൻസ്​ ലീഗ്​ മത്സരങ്ങൾ ഞാൻ കാണാറുണ്ട്​. ഇംഗ്ലീഷ്​ ടീമുകൾ അതിശയിപ്പിക്കുന്ന പ്രകടനമാണ്​ കാഴ്ചവെക്കാറുള്ളത്​. അത്തരം മത്സരങ്ങളിൽ പങ്കാളിയാകാനാണ്​ ഞാൻ ആഗ്രഹിക്കുന്നത്​' -കെയ്​ൻ പറഞ്ഞതിങ്ങനെ.

അതേസമയം, ഹാരി കെയ്​ൻ തങ്ങളുടെ താരമാണെന്നും ക്ലബിനോടുള്ള അദ്ദേഹത്തിന്‍റെ പ്രതിബദ്ധതയിൽ സംശയമൊന്നുമില്ലെന്നും ടോട്ടൻഹാമിന്‍റെ പുതിയ കോച്ച്​ നൂനോ എസ്​പിരിറ്റോ സാ​േന്‍റാ പ്രതികരിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Manchester CityHarry KaneTottenham Hotspur
News Summary - Kane to Manchester City for 160 million euros?
Next Story