ഫ്ര​ഞ്ച് ഫു​ട്ബാ​ൾ ഇ​തി​ഹാ​സം ജസ്റ്റ് ഫോണ്ടെയ്ൻ ഓർമയായി

പാ​രി​സ്: ഫ്ര​ഞ്ച് ഫു​ട്ബാ​ൾ ഇ​തി​ഹാ​സം ജ​സ്റ്റ് ഫോ​ണ്ടെ​യ്ൻ (89) അ​ന്ത​രി​ച്ചു. വാ​ർ​ധ​ക്യ​സ​ഹ​ജ​മാ​യ അ​സു​ഖ​ങ്ങ​ളെ തു​ട​ർ​ന്നാ​ണ് മ​ര​ണ​മെ​ന്ന് ഫോ​ണ്ടെ​യ്ന്റെ മു​ൻ ക്ല​ബ് റെ​യിം​സ് പ്ര​സ്താ​വ​ന​യി​ൽ അ​റി​യി​ച്ചു.

ഒ​രൊ​റ്റ ലോ​ക​ക​പ്പി​ൽ കൂ​ടു​ത​ൽ ഗോ​ള​ടി​ച്ച താ​ര​മാ​യാ​ണ്ണ് ഫോ​ണ്ടെ​യ്ൻ വി​ഖ്യാ​ത​നാ​യ​ത്. 1958ൽ ​സ്വീ​ഡ​ൻ ആ​തി​ഥ്യം വ​ഹി​ച്ച ലോ​ക​ക​പ്പി​ലാ​യി​രു​ന്നു ഫോ​ണ്ടെ​യ്നി​ന്റെ 13 ഗോ​ൾ നേ​ട്ടം. 65 വ​ർ​ഷ​ത്തി​നു​ശേ​ഷ​വും ത​ക​ർ​​ക്ക​പ്പെ​ടാ​ത്ത റെ​ക്കോ​ഡാ​ണി​ത്.

ഫ്ര​ഞ്ച് ലീ​ഗി​ന് പു​റ​ത്ത് അ​റി​യ​പ്പെ​ടാ​ത്ത താ​ര​മാ​യി​ട്ടാ​യി​രു​ന്നു ഫോ​ണ്ടെ​യ്ൻ 1958 ലോ​ക​ക​പ്പി​നെ​ത്തി​യ​ത്. മ​ട​ങ്ങി​യ​ത് സൂ​പ്പ​ർ താ​ര​മാ​യും. ലോ​ക​ക​പ്പ് ടീ​മി​ൽ ത​ന്നെ അ​വ​സാ​ന നി​മി​ഷ​മാ​യി​രു​ന്നു ഫോ​ണ്ടെ​യ്ന് ഇ​ടം​കി​ട്ടി​യ​ത്. പ​രി​ശീ​ല​ന​ത്തി​നി​ടെ സ്വ​ന്തം ബൂ​ട്ട് കേ​ടു​വ​ന്ന​തി​നെ തു​ട​ർ​ന്ന് സ​ഹ​താ​ര​ത്തി​ൽ​നി​ന്ന് ക​ടം​വാ​ങ്ങി​യ ബൂ​ട്ടു​ക​ളു​മാ​യി​ട്ടാ​യി​രു​ന്നു ഫോ​ണ്ടെ​യ്ൻ ഇ​റ​ങ്ങി​യ​ത്.

എ​ന്നാ​ൽ, ആ ​ബൂ​ട്ടു​ക​ൾ സ്വീ​ഡ​നി​ലെ മൈ​താ​ന​ങ്ങ​ളി​ൽ ച​രി​ത്രം ര​ചി​ക്കു​ന്ന​താ​ണ് പി​ന്നീ​ട് ക​ണ്ട​ത്. ആ​റു ക​ളി​ക​ളി​ൽ 13 ഗോ​ളു​ക​ൾ. എ​ല്ലാ മ​ത്സ​ര​ങ്ങ​ളി​ലും ഗോ​ൾ. സെ​മി​യി​​ൽ പെ​ലെ​യു​ടെ ബ്ര​സീ​ലി​നു മു​ന്നി​ൽ കീ​ഴ​ട​ങ്ങേ​ണ്ടി​വ​ന്ന ഫ്രാ​ൻ​സി​നാ​യി ലൂ​സേ​ഴ്സ് ഫൈ​ന​ലി​ലും നാ​ലു ഗോ​ൾ നേ​ടി​യാ​ണ് ഫോ​ണ്ടെ​യ്ൻ 13 ഗോ​ൾ തി​ക​ച്ച​ത്. തൊ​ട്ടു​മു​മ്പ​ത്തെ ലോ​ക​ക​പ്പി​ൽ ഹം​ഗ​റി​യു​ടെ സ​ന്റോ​ർ കോ​ക്സി​സ് നേ​ടി​യ 11 ഗോ​ളു​ക​ളു​ടെ റെ​​ക്കോ​ഡാ​ണ് ഫോ​ണ്ടെ​യ്ൻ മ​റി​ക​ട​ന്ന​ത്.

നാ​ലു ലോ​ക​ക​പ്പു​ക​ളി​ൽ 16 ഗോ​ൾ നേ​ടി​യ ജ​ർ​മ​നി​യു​ടെ മി​റോ​സ്ലാ​വ് ക്ലോ​സെ​യാ​ണ് മൊ​ത്തം ഗോ​ൾ​നേ​ട്ട​ത്തി​ൽ ഒ​ന്നാ​മ​ത്. ബ്ര​സീ​ലി​​ന്റെ റൊ​ണാ​ൾ​ഡോ (മൂ​ന്നു ലോ​ക​ക​പ്പു​ക​ളി​ൽ 15 ഗോ​ൾ, 1994 ലോ​ക​ക​പ്പ് ടീ​മി​ലു​ണ്ടാ​യി​രു​ന്നെ​ങ്കി​ലും ക​ളി​ക്കാ​ൻ അ​വ​സ​രം ല​ഭി​ച്ചി​രു​ന്നി​ല്ല), ഗെ​ർ​ഡ് മു​ള്ള​ർ (ര​ണ്ടു ലോ​ക​ക​പ്പു​ക​ളി​ൽ 14 ഗോ​ൾ) എ​ന്നി​വ​രാ​ണ് ഫോ​ണ്ടെ​യ്ന് മു​ന്നി​ലു​ള്ള​ത്. അ​ർ​ജ​ന്റീ​ന​യു​ടെ ല​യ​ണ​ൽ മെ​സ്സി (അ​ഞ്ചു ലോ​ക​ക​പ്പു​ക​ളി​ൽ 13 ഗോ​ൾ) ഫോ​ണ്ടെ​യ്ന് ഒ​പ്പ​മു​ണ്ട്.

ത​ന്റെ ​റെ​ക്കോ​ഡ് ആ​രും ത​ക​ർ​ക്കാ​ൻ സാ​ധ്യ​ത​യി​ല്ലെ​ന്നാ​യി​രു​ന്നു ഫോ​ണ്ടെ​യ്ന്റെ വി​ല​യി​രു​ത്ത​ൽ. ‘അ​ത് ത​ക​ർ​ക്ക​ണ​മെ​ങ്കി​ൽ ഒ​രു ക​ളി​യി​ൽ ശ​രാ​ശ​രി ര​ണ്ടു ഗോ​ൾ വീ​തം നേ​ടേ​ണ്ടി​വ​രും. ഇ​പ്പോ​ഴ​ത്തെ സാ​ഹ​ച​ര്യ​ത്തി​ൽ അ​ത് ഏ​റെ പ്ര​യാ​സ​ക​ര​മാ​ണ്’ -ഫോ​ണ്ടെ​യ്ന്റെ വാ​ക്കു​ക​ൾ.

യു.​എ​സ്.​എം ക​സ​ബ്ലാ​ങ്ക, നീ​സ്, റെ​യിം​സ് ക്ല​ബു​ക​ൾ​ക്കാ​യി 248 മ​ത്സ​ര​ങ്ങ​ളി​ൽ 226 ഗോ​ളു​ക​ൾ നേ​ടി​യി​ട്ടു​ള്ള ഫോ​ണ്ടെ​യ്ൻ ഫ്രാ​ൻ​സി​നാ​യി 21 ക​ളി​ക​ളി​ൽ 30 ത​വ​ണ എ​തി​ർ വ​ല​ച​ലി​പ്പി​ച്ചു. മ​ത്സ​ര​ത്തി​നി​ടെ കാ​ലി​ന്റെ എ​ല്ല് പൊ​ട്ടി​യ​തി​നെ കു​റി​ച്ച് 28ാം വ​യ​സ്സി​ൽ ക​ളി നി​ർ​ത്തേ​ണ്ടി​വ​ന്നു ഫോ​ണ്ടെ​യ്ന്.